वाहाटी, असोज ७ । पहिलो खेलमा पाएको प्रभावशाली जितपछि थ्रीस्टारले सेमिफाईनल प्रवेशको योजना बनाएको छ । ओयल इन्डियाविरुद्ध जित हात पार्न सके नेपालको लिग विजेता टोली एक खेल अगावै प्रतियोगिताको अन्तिम चारमा स्थान पक्का गर्नेछ । थ्रीस्टार क्लबका मुख्य प्रशिक्षक मेघराज केसी प्रतियोगितामा लगातार दोस्रो निकाल्दै सेमिफाईनल पुग्नेमा ढुक्क छन् । खेल गुवाहाटीको नेहरु स्टेडियममा साँझ ७ बजे सूरु हुनेछ । ओयल इन्डियाले लिग चरणको पहिलो खेलमा सिलोङ लाजोङ फुटबल क्लबसँग १–१ गोलको बराबरी खेलेको थियो ।
‘ओयल इन्डियाको पहिलो खेल हेर्दा हामीले चिन्ता लिनुपर्ने अवस्था छैन् । खेलाडीले योजना अनुसार मेहनतका साथ खेले हामी सेमिफाईनल पुग्छौ ।’ उनले भने । थ्रीस्टारलाई चोट ग्रस्ट खेलाडीले सताएको छ । पहिलो खेलमा फरवार्डद्धय विमल घर्तिमगर र मार्टिनले चोट बोकेका थिए । यद्धपी दुवै खलाडीले बिहिबार सामुहिक अभ्यास गरे । मिडफिल्डर प्रकाश बुढाथोकी चोटका कारण ओयल इन्डियाविरुद्धको खेल गुमाउने पक्का छ ।
मुख्य प्रशिक्षक केसीले भने, ‘विमल र मार्टिनको चोट सामान्य देखिएको छ, शुक्रबार सम्म हेरेर थप निर्णय गरिनेछ ।’ क्लबको बेन्च बलियो भएकाले खेलाडीको चोटले शुक्रबारको खेलमा केही फरक नपार्ने केसीको भनाई छ । उनले भने ‘हामी समूह बिजेताको रुपमा सेमिफाईनल पुुग्ने प्रयास गर्नेछौ, थ्रीस्टारले आफ्नो स्वभाविक खेल पस्कनेछ, पहिलो खेलको लयलाई दोस्रो खेलमा पनि कायम राख्नेछ । प्रतिद्वन्दी क्लबमा बारेमा आफु धेरै जानकार नभएकाले खेलका दौरान रणनीति परिवर्तन गरेर जित निकाल्ने उनको भनाई छ ।
स्रोत: एनएसजिएफ
