काठमाडौं (हाम्रो खेलकुद) – च्यासल युथ क्लब र एन.आर.टि राजधानीमा जारी सहिद स्मारक बि डिभिजन लिगको शिर्ष दुई स्थानमा रहदैं माथिल्लो डिभिजनमा उक्लेका छन्।
१३ खेलमा समान २८ अंक जोडेर दुई टोली ‘ए’ डिभिजनमा उक्लिएका हुन्। आज भएको खेलमा सातदोबाटोलाई २-०ले पराजित गर्दै एन.आर.टिले आफ्नो ‘ए’ डिभिजनमा पुन: स्थान सुरक्षुत पार्यो। च्यासलले भने एक खेल अगाडिनै आफ्नो माथि चढ्ने पक्का गरेको थियो।
आजै भएको अर्को खेलमा बाँसबारीलाई ५-०ले हराउँदै च्यासलले पनि उपाधि सुनिश्चित पार्यो। च्यासलको गोलअन्तर एन.आर.टि भन्दा राम्रो भएकाले उपाधि च्यासलको रह्यो।
