हाम्रो खेलकुद – युरोपियन च्याम्पियन्स लिग फुटबल अन्तर्गत मङ्गलबार भएको खेलमा रियल म्याड्रिडले लेजिया वार्सालाई ५-१ले पराजित गरेको छ।
ग्यारेथ बेलको उत्कृष्ट गोलको मद्दतले १६औं मिनेटमा खेलमा अग्रता लिएको म्याड्रिडले दोश्रो गोल लेजियाको डिफेन्डरको तर्फबाट उपहार पाएको थियो। ३७औं मिनेटमा रोनाल्डोको पासलाई सदुपयोग गर्दै असेन्सियोले तेश्रो गोल गरे। यसअघि २२औं मिनेटमा लेजियाले पेनाल्टिबाट एक गोल फर्काएको थियो।
दोश्रो हाफमा थप आक्रमक देखिएको म्याड्रिडले दुई गोल थपेको थियो। वैकल्पिक खेलाडीहरु लुकास भाज्केज र अल्भारो मोराटाले १-१गोल थपेका थिए। भाज्केजले ६८औं र मोराटाले ८५औं मिनेटमा गोल गरेका थिए।
