काठमाडौं (हाम्रो खेलकुद) – अर्को महिना आयोजना हुने पहिलो फ्रेन्चाईज लिग नेपाल सुपर लिग (एनएसएल) ले नेपाल डिस्टिलरिज प्रा लिगको खुकुरीलाई मुख्य प्रायोजकका रुपमा सम्झौता गरेको छ ।

एनएसएलकी अध्यक्ष आश्रयता कार्की चौधरी र खुकुरीकी इभेन्ट म्यानेजर श्रीधा शाहले बिहीबार सम्झौता पत्रमा हस्ताक्षर गरे । वैशाख ११ गते देखि जेठ १ गते सम्म दशरथ रंगशालमा हुने एनएसएलको नाम यो सम्झौता पद्धि खुकरी एनएसएल रहने जानकारी गराइयो । यद्दपी सम्झौता रकम भने गोप्य राखिएको छ ।

ठूलो फुटबल प्रतियोगितामा साझेदार बन्ने अवसर मिल्दा खुसी लागेको बताइन् । उनले भनिन्, ‘कर्पोरेट सोसिएल रेस्पन्सिबिलिटी अन्तर्गत एनएसएलमा साझेदारी भएका हौं। एनएसएलकी चौधरीले खुकुरीलाई प्रायोजकका रुपमा पाउँदा खुसी लागेको बताइन् । ‘अखिल नेपाल फुटबल संघ (एन्फा) का अध्यक्ष कर्मा छिरिङ शेर्पाले स्थापित कम्पनी फुटबलमा जोडिनु खेल विकासका लागि सकारात्मक भएको बताएका छन् ।

एनएसएलमा ७ टोलीको सहभागिता रहनेछ । सहभागी टोली टोलीको तयारीमा जुट्ने क्रममा छन् । एनएसएलमा धनगढी एफसी, विराटनगर सिटी एफसी, काठमाडौै रेजर्स, बुटबल लुम्बिनी एफसी, चितवन एफसी, पोखरा थन्डर्स र ललितपुर सिटी एफसी छन् ।