भ्यालेन्सिया बिरुद्ध २-२ को ड्र तर्फ ढकेलिदै गरेको बार्सिलोनाले अन्तिम मिनेटमा पेनाल्टी पाएपछी ला लिगा मा पुर्ण ३ अंक बटुल्न सफल भएको छ ।
२२ मिनेटमा मेस्सिको गोलले बार्सिलोनाले अग्रता लिएको थियो । लुइस स्वारेज अफ्साइड पोजिसनमा बारेर भ्यालेन्सियाको गोलकिपरलाई बाधा पुर्याएको भनेर भ्यालेन्सियाका खेलाडिहरुले अपिल गरे पनि बार्सिलोनाको अनुकुलतामा रेफ्रीले फैसला गरेका थिए ।
पहिलो हाल्फमा पछी परे पनि भ्यालेन्सियाले छोटो अवधिमा दुइ गोल गर्दै आफ्नो घरेलु मैदानमा अग्रता लिएको थियो । मुनिर अल हदादी को ५२ मिनेटको गोल र रोडृगोको ५६औ मिनेटको गोल ले भ्यालेन्सिया खेलमा फर्केको थियो ।
लुइस स्वारेजले त्यसको ६ मिनेटपछी गोल गर्दै खेल फेरी बराबरिमा पुर्याएका थिए । खेल अतिरिक्त समयमा हुँदा लुइस स्वारेज भ्यालेन्सियाको बक्समा लडेपछी पाएको पेनाल्टी मार्फत गोल गर्दै मेस्सिले बार्साको जित सुनिस्चित गरे ।
