स्पेन (एजेन्सी)
रियल मड्रीडले ज्ञारेथ बेललाई नयाँ सम्झौता प्रस्ताव गर्दा उनलाई संसारको सबै भन्दा धेरै कमाउने खेलाडी बनाउने योजना अघी सारेको छ ।
बेलायती सन्चार द सनका अनुसार मड्रीडले २७ बर्षिय बेललाई थप ५ बर्ष अनुबन्ध गर्ने योजना बनाउदै छ । सन २०१९ मा सकिने सम्झौतामा थप ५ बर्ष थप्दै बेललाई बर्नबाउमा आफ्नो भविष्य समर्पित गराउन खोज्दै छ ।
नयाँ सम्झौतामा मड्रीडले बेललाई हप्तामा ७५०,५०० (१० करोड नेपाली रुपैया बराबर ) पाउण्ड दिने कुरा सनले जनाएको छ । हाल उनि हप्तामा ५२५,००० पाउण्ड (करिब ६ करोड नेपाली रुपैया ) कमाउछन ।
उक्त सम्झौता पछी स्पेनी कानुन अनुसार ५२ प्रतिसत ट्याक्स काटेपछी उनले बार्षिक २० मिलयन पाउण कमाउनेछन जुन मेस्सिको १८ मिलियन भन्दा धेरै हुनेछ ।
