काठमाडौं(हाम्रो खेलकुद) – आयोजक नेपाल आर्मी क्लब प्रधान सेनापति चौथो अन्तर्राष्ट्रिय महिला फुटबलको सेमिफाइनल पुगेको छ । आर्मीले लगनखेलस्थित घरेलु मैदानमा भारत सिक्किमको टोलीलाई ४–० ले हरायो ।
नेपाली सेनाको महिला फुटबल टोली । फाइल तस्बिर
आइतबार आर्मीको जितमा दीपा अधिकारी, दीपा राई, शर्मिला थापा मगर र इन्दिरा राईले गोल गरे । दीपा अधिकारीले ३०औं मिनेटमा गोल गर्दै अग्रता दिलाएको खेलमा दीपा राईले ५२औं मिनेटमा गोल थपिन् । शर्मिलाले ५५ र इन्दिराले ७३औं मिनेटमा गोल गरे । दीपा राई उमन अफ दी म्याच चुनिइन् ।
आर्मीले सोमबार हुने सेमिफाइनलमा मध्यमाञ्चलको सामना गर्नेछ । अर्को सेमिफाइनल विभागिय टोली नेपाल पुलिस र एपिएफबीच हुनेछ । गत बर्ष फाइनलमा एपिएफले आर्मीलाई हराएको थियो ।
