कुचिङ (हाम्रो खेलकुद) – राष्ट्रिय टोलीका कप्तान विराज महर्जनले टोलीको प्रदर्शनमा खुसी व्यक्त गरेका छन् ।
पहिलो खेलको बराबरीपछि कठिन रहेको स्मरण गर्दै उनले भने, ‘हाम्रो लागि कठिन थियो । मैदान पनि ठिक थिएन । तर, पनि हामीले राम्रो खेल्यौं । हामी सन्तुष्ट छौं । खेलाडीले एकपछि अर्को खेलमा राम्रो गरिरहेका छन् । टिम प्रदर्शनबाट हामी खुसी छौं ।’ विराजले प्रदर्शनमा अझै सुधार गर्नुपर्ने बताएका छन् । जितपछि उनले भने,‘ अर्को खेलमा हामी अझै राम्रो खेल्नेछौं । ’ खेलमा लिटोर लेस्टसँग गोलरहित बराबरीमा रोकिएको नेपाल ब्रुनाईसँगको जितसँगै समूह ए को विजेता बनेको छ ।
नेपालल अब नोभेम्बर १२ मा समूह बीको उपविजेतासँग सेमिफाइनल खेल्नेछ ।
