काठमाडौं (हाम्रो खेलकुद)– ललितपुर भैसीपाटीस्थित न्यूजेन तेक्वान्दो एकेडेमीले १० औं स्पिड पाउर अन्तर्राष्ट्रिय तेक्वान्दो च्याम्पियनसिपका विजेता खेलाडीलाई बुधबार पदक तथा प्रमाण पत्र हस्तान्तरण गरेको छ ।

गत सेम्टेम्बरको २ देखि ४ सम्म भएको अनलाई प्रतिस्पर्धा तेक्वान्दोको पुम्से च्याम्पियनसिपमा न्यूजेनका ११ खेलाडीले पदक जितेका थिए । जसमा ३ खेलाडीले स्वर्ण, ७ खेलाडीले ७ रजत र १ खेलाडीले कास्य पदक जितेका थिए । मलेसियाको काललम्पुरबाट प्राप्त पदक तथा प्रमाण पत्र बुधबार महिला दिवसको अवसर पारेर नेपाल ओलम्पियन्स संघका अध्यक्ष दीपक विष्ट र खेलकुद पत्रकार प्रकाश तिमल्सिनाले विजेता खेलाडीलाई हस्तान्तरण गरेका थिए ।

ब्ल्याक बेल्ट श्रृष्टी स्याङ्बा, ब्ल्याक बेल्ट सक्षम दुलाल र ब्लु बेल्ट दिनेया अधिकारीले स्वर्ण पदक जितेका थिए । त्यस्तै ब्लु बेल्ट नियोस ताम्राकार, ग्रिन बिल्ट रिया अर्याल, यल्लो बेल्ट रायन अर्याल, यल्लो बेल्ट आरभ चन्द ठकुरी, यल्लो बेल्ट आर्नभ श्रेष्ठ, रेड बेल्ट अद्भय बज्र बज्राचार्य र रेड बेल्ट निजानन्द थापाले कास्य पदक जितेका थिए । येल्लो बेल्टका बेदान्स गजुरेलले कास्य पदक जितेका थिए ।

पदक हस्तान्तरण पनि ओलम्पियन विष्टले आफूले १९ वर्षको उमेरमा तेक्वान्दो खेल्न सुरु गरेर दक्षिण एसियाली खेलकुदमा ४ स्वर्ण पदक, एसियाली खेलकुदमा २ कास्य पदक र ओलम्पिक सम्म खेल्न सफल भएको स्मरण गर्दै भने, ‘मैले ढिला गरि सुरु गरेर पनि मेहनत र अनुशासनका साथ सफलता प्राप्त गर्न सके । तपाईहरुले सानै उमेरबाट खेल्ने अवसर पाउनुभएको छ । अनुशासित भएर मेहेनत गर्नुभयो भने सफलता प्राप्त गर्नु हुनेछ । चाहान्छु भविष्यमा तपाईहरुले हाम्रो कीर्तिमान तोड्न सफल हुनुहोला ।’