default_image

8 months ago

October 14, 2023

च्याम्पियन करातेमा प्रश्ना र निश्चत उत्कृष्ट

768 views

0 Bookmark

काठमाडौं (हाम्रो खेलकुद) – प्रथम च्याम्पियन मार्सल आर्ट एकेडेमी जुनियर कराते च्याम्पियनसिपमा शनिबार महिलातर्फ प्रश्ना ढकाल र पुरुषतर्फ निश्चल खड्का उत्कृष्ट खेलाडी घोषित भए । उनीहरु दुबैले समान १ सय ५० अमेरिकी डलर पुरस्कार प्राप्त गरे ।

च्याम्पियन मार्सल आर्ट एकेडेमीले आयोजना गरेको च्याम्पियनसिपमा इचङ्गुकी डोजो टिम च्याम्पियन बनेको छ । आयोजक च्याम्पियन मार्सल आर्ट दोस्रो र मनकामना डोजो तेस्रो भएको छ । च्याम्पियनसिपमा १३ टिमका ३ सय बढी खेलाडीको सहभागिता रहेको थियो ।

एकल कातामा महिलातर्फ इचङ्गुकी रेनिशा रिमाल र पुरुषतर्फ सोही डोजोका निरज बस्नेत विजयी भए । महिला तर्फ १५ केजीमा च्याम्पियनकी रोज्ली थापा, २० केजीमा मनमैजु डोजोकी प्रश्ना ढकाल, २५ केजीमा च्याम्पियनकी रसिका पुडासैनी, ३० केजीमा मनकामना डोजोकी विनिता कुँवर, ४५ केजीमा इचङ्गुकी सोनाम शेर्पा विजयी भएका छन् ।

महिला ५५ केजीमा च्याम्पियनकी निमा तामाङ्ग, ३५ केजी मोडन स्कुलकी अलिशा गुरुङ्ग, ४० केजी तौल समूहमा मनकामनाकी समिक्षा रानामगर र खुल्ला तौल समूहमा भिएस निकेतनकी युनिका राई पहिलो भइन् ।

पुरुषतर्फ २० केजीमा भिएस निकेतनका निश्चल खड्का, २५ केजीमा मोडनकी गौरव सुवेदी, ३० केजीमा मनकामनामा डेबिट रानामगर, ५५ केजीमा इचङ्गुका सविर श्रेष्ठ, ६० केजीमा च्याम्पियनका अनिल बराल पहिलो भए । ४५ केजीमा इचङ्गुकीका निराजन बस्नेत, ३५ केजीमा मनमैजुका आयुष गजुरेल विजयी भए ।

नेपाल कराते महासंघका अध्यक्ष युवराज लामा, महासचिव दावा लामाले विजेत खेलाडीलाई पुरस्कार वितरण गरे । सोही अवसरमा वरिष्ठ खेल पत्रकार अजय फुयाललाई च्याम्पियन मार्सल आर्ट एकेडेमीले सम्मान गर्यो । महासंघका अध्यक्ष लामाले फुयाललाई सम्मान पत्र हस्तान्तरण गरे । च्याम्पियनसिपकी संयोजक शुसिला लामाले भविष्यमा पनि यस्ता प्रतियोगिता आयोजना हुने जानकारी दिइन् ।

हाल अमेरिकामा बसोबास गर्दै आएका च्याम्पियन मार्सल आर्टका निर्देशक तथा ११ औं दक्षिण एसियाली खेलकुद (साग) का स्वर्ण पदक विजेता करातेका सुनिल लामाको अवधारणामा प्रतियोगिता आयोजना गरिएकको १३ औं सागका करातेमा दोहोरो स्वर्ण पदक जितेका मन्देकाजी श्रेष्ठले जानकारी दिए ।

June 5, 2024

योगेन्द्रले एसियाली कुराँशमा भाग लिने

काठमाडौं (हाम्रो खेलकुद)- योगेन्द्र विष्टले १३ औं एसियाली कुराँश च्याम्पियनसिपमा प्रतिस्पर्धा गर्ने भएका छन् । उनले पुरुष ८१ केजीमुनि तौलसमूहमा प्रतिस्पर्धा प्रस्तुत गर्ने छन् । प्रतियोगिता इरानको तेहरानमा जुन ६ देखि १० तारिखसम्म हुनेछ । एसियाली प्रतियोगितामा योगेन्द्रको यो पहिलो सहभागिता हो । योगेन्द्र भारतको केरलामा गत अप्रिलमा भएको प्रथम दक्षिण एसियाली कुराँश प्रतियोगिताका स्वर्ण […]

May 23, 2024

रविन्द्र अष्ट्रेलियन प्रतिद्वन्द्वी विरुद्ध भिड्दै

काठमाडौं (हाम्रो खेलकुद) – नेपालका मिक्स्ड मार्सल आर्ट्स फाइटर रविन्द्र ढाँट शनिबार अष्ट्रेलियन प्रतिद्वन्द्वी कोरी सटक्लिफ विरुद्ध भिड्ने भएका छन्। काठमाडौंको ठमेल स्थित लर्ड अफ द ड्रिंक्स (एलओडी) मा हुन लागेको तेस्रो नेपाल वारियर्स च्याम्पियनसिप (एनडब्लुसी ) को मुख्य बाउटमा रविन्द्र र कोरी भिड्न लागेका हुन् । रविन्द्रको पछिल्लो २ बाउट वान च्याम्पियनसिपमा रहेको थियो […]

May 16, 2024

पारा तेक्वान्दो टोली भियतनाम जाँदै

काठमाडौं (हाम्रो खेलकुद) – नवौं एसियाली पारा तेक्वान्दो च्याम्पियनसिप (जी– ४) २०२४ मा सहभागी हुन ३ खेलाडीसहित ४ सदस्यीय नेपाली टोली शुक्रबार भियतनामको दनाङ जाने भएको छ । प्रतियोगितामा पेरिस पारालिम्पिकका लागि छनोट भइसकेकी पलेशा गोवर्धनले महिला ५७ केजीमुनि, भरतसिंह महताले पुरुष ५८ केजीमुनि र अमिर भ्लोनले पुरुष ६३ केजीमुनि तौलसमूहमा प्रतिस्पर्धा गर्ने छन् । […]

Success

Thank you for your time.