default_image

2 months ago

January 5, 2024

राष्ट्रिय वादोरियो कराते अर्को साता

काठमाडौं (हाम्रो खेलकुद) – नेपाल वादोरियो कराते डो संघको आयोजनामा अर्को साता चौथो राष्ट्रिय वादोरियो कराते प्रतियोगिता हुने भएको छ । विश्व कराते महासंघको चार मुख्य विधा मध्येको एक रहेको वादोरियो कराते प्रतियोगिताको चौथो संस्करण यहि पुस २७ र २८ गते हुने शुक्रबार आयोजित पत्रकार सम्मेलनमा जानकारी दिइयो । पुरुष र महिलामा एकल र कातासहित […]

382 views

0 Bookmark

काठमाडौं (हाम्रो खेलकुद) – नेपाल वादोरियो कराते डो संघको आयोजनामा अर्को साता चौथो राष्ट्रिय वादोरियो कराते प्रतियोगिता हुने भएको छ ।

विश्व कराते महासंघको चार मुख्य विधा मध्येको एक रहेको वादोरियो कराते प्रतियोगिताको चौथो संस्करण यहि पुस २७ र २८ गते हुने शुक्रबार आयोजित पत्रकार सम्मेलनमा जानकारी दिइयो ।

पुरुष र महिलामा एकल र कातासहित समान ६ वटा स्पर्धामा प्रतिस्पर्धा हुने संघका अध्यक्ष हरिशरण केसीले जानकारी गराए ।

प्रतियोगितामा महिलातर्फ ४५ केजी, ५० केजी, ५५ केजी, ६० केजी, खुल्ला तौल र एकल कातामा‌ प्रतिस्पर्धा हुनेछ। त्यस्तै पुरुषतर्फ ५० केजी, ५५ केजी, ६० केजी, ६५ केजी, खुल्ला तौल समुह र एकल काता इभेन्ट्स छन् ।

प्रतियोगितामा ७ प्रदेशका खेलाडीको सहभागिता रहनेछ । प्रत्येक प्रदेशबाट हरेक तौलमा छानिएका एक जना खेलाडी मात्र सहभागी हुने छन् ।

एक प्रदेशबाट एक तौलसमूहमा समान ६ पुरुष/महिला गरी १२ खेलाडी सहभागी हुने छन् । त्यसबाहेक एकजना प्रशिक्षक, एकजना ब्यवस्थापक र रेफ्री रहने छन् ।

प्रतियोगितामा पदक जित्ने खेलाडी, टिम च्याम्पियन विजेता, दोस्रो, तेस्रो, बेष्ट फाईटर पुरुष र महिलालाई नगदबाट पुरस्कृत गरिने संघका कोषाध्यक्ष पुरुषोत्तम पोखरेलले बताए ।

प्रतियोगितामा सहभागी हुने सातवटै प्रदेशका खेलाडीको छनोट सम्पन्न भइसकेको छ । प्रतियोगिता सञ्चालन गर्न करिब १७ लाख रुपैयाँ खर्च हुने बताइएको छ । आयोजकका अनुसार सहभागी खेलाडीको विमा पनि गरिएको छ ।

दुईदिने प्रतियोगिताका खेलहरु बसुन्धरास्थित यति पार्टी प्यालेसमा हुनेछ । पत्रकार सम्मेलनमा संघका उपाध्यक्ष पुरुषोत्तम भण्डारी, नेपाल सोतोकान कराते संघका अध्यक्ष श्याम शेर्पालगायतको उपस्थिति थियो ।

February 23, 2024

पुनमलाई च्याम्पियन्स मार्सल आर्टसको सहयोग

काठमाडौं (हाम्रो खेलकुद)– च्याम्पियन्स मार्सल आर्टसले १३ औं दक्षिण एसियाली खेलकुद (साग) की स्वर्ण पदक विजेता पुनम श्रेष्ठलाई आर्थिक सहयोग गरेको छ । उपचार गराइरहेकी पुनमलाई च्याम्पियन्स आर्टसकातर्फबाट निर्देशक सुशिला लामाले ५० हजार रुपैयाँ हस्तान्तरण गरेकी थिइन् । मार्सल आर्ट खेलको विकासका लागि सागका स्वर्ण पदक विजेता सुनिल लामासहित तेक्वान्दो खेलाडी पुष्प थापामगर, जुडो खेलाडी […]

February 19, 2024

एसियाली पदक विजेता एरिका सम्मानित

काठमाडौं (हाम्रो खेलकुद)- चुच्चेपाटीस्थित मनास्लु वल्र्ड कलेजले १९ औं एसियाली खेलकुद (एसियाड) को करातेमा ऐतिहासिक पदक जित्न सफल एरिका गुरुङलाई सम्मान गरेको छ । मनास्लुले कक्षा ११ मा भर्ना भएका विद्यार्थीको स्वागत तथा कक्षा १२ मा उत्कृष्ट नतिजासहित उत्तीर्ण विद्यार्थीलाई सम्मान गर्न आयोजित कार्यक्रममा एरिकालाई सम्मान गरिएको हो । कमलादीस्थित नेपाल प्रज्ञा प्रतिष्ठानमा आयोजित कार्यक्रममा […]

February 10, 2024

एरिका र मन्देकाजी सम्मानित

काठमाडौं (हाम्रो खेलकुद) – एसियाली खेलकुद(एसियाड) की रजत पदक विजेता एरिका गुरुङ र दक्षिण एसियाली खेलकुद (साग) का दोहोरो स्वर्ण पदक विजेता मन्देकाजी सम्मानित भएका छन् । बौचा मैचा पुच: ले एरिका र मन्देकाजीलाई शनिबार सम्मान गरेको हो। कराते खेलाडी एरिकाले चीनमा यसै वर्षको असोजमा चीनमा भएको १९ औं एसियाडमा रजत पदक जितेकी‌ थिइन् । […]

Success

Thank you for your time.