हिमाल खरेल,बिर्तामोड

नेपाल पुलिस क्लब झापाको अर्जुनधारामा जारी अर्जुनधारा खुला महिला भलिबल प्रतियोगितामा सेमिफाइनलमा प्रवेश गरेको छ ।

आज भएको समूह चरणको आफ्नो अन्तिम खेलमा कोशी प्रदेश भलिबल संघलाई ३-० को सोझो सेटमा पराजित गर्दै पुलिस अन्तिम चारमा पुगेको हो । पुलिस समूह विजेता भएको छ ।

पुलिस १६–२५, १७–२५ र ११–२५ को सोझो सेटमा कोशीलाई स्तब्ध पारेको थियो । आजको हारसँगै कोशी प्रतियोगिताबाट बाहिरिएको छ । कोशीले समूह चरणका दुवै खेलमा पराजय भोगेको थियो ।

पुलिसकी आशिका क्षेत्री खेलको प्लेयर अफ दि म्याच भइन् । उनलाई नगद सौजन्यकर्ता व्यवसायी गजेन्द्र साउदेनलगायतले नगद पाँच हजार र ट्रफी प्रदान गरे ।

त्यसअघि आज भएको समूह चरणको आफ्नो अन्तिम खेलमा एभरेस्ट लुम्बिनी क्लबलाई ३-० को सोझो सेटमा पराजित गर्दै आर्मी अन्तिम चारमा पुगेको हो । आर्मी समूह उपविजेता भएको छ ।

आर्मीले २१–२५, १८–२५ र १०–२५ को सोझो सेटमा एभरेस्टलाई स्तब्ध पारेको थियो । आजको हारसँगै एभरेस्ट प्रतियोगिताबाट बाहिरिएको छ । एभरेस्टले समूह चरणका दुवै खेलमा पराजय भोगेको थियो ।
आर्मीकी वसन्ती साउद खेलको प्लेयर अफ द म्याच
भइन् ।

भोलि दुई सेमिफाइनल प्रतियोगितामा भोलि दुईवटै सेमिफाइनल खेल हुनेछन् । पहिलो सेमिफाइनलमा समूह ‘ए’ को विजेता एपिएफ र समूह ‘बि’ को उपविजेता न्यु डायमन्डबीच हुनेछ । त्यस्तै, अन्तिम सेमिफाइनल खेलमा समूह ‘बि’ को विजेता पुलिस र समूह ‘ए’ उपविजेता आर्मीबीच प्रतिस्पर्धा हुनेछ ।

अर्जुनधारा–६ मा रहेको लक्ष्मी माविको मैदान जारी प्रतियोगिताको फाइनल खेल मंसिर २१ गते हुने सहआयोजक लक्ष्मी माविका अध्यक्ष वीरबहादुर राईले बताए ।

झापामा राष्ट्रियस्तरको महिला भलिबल पहिलोपटक भएको हो । प्रतियोगिताको विजेताले २ लाख, दोस्रोले १ लाख र तेस्रो हुने टोलीले समान ३० हजार रुपैयाँ पुरस्कार पाउने आयोजक नगर खेलकुद विकास समितिका अध्यक्ष सुरेन्द्र धिमालले बताए ।

त्यस्तै, सर्वोत्कृष्ट खेलाडीले १५ हजार पाउँदा, प्रत्येक दिनको प्लेयर अफ द म्याचले ५ हजार रुपैयाँ र ट्रफी प्राप्त गर्नेछन् । त्यस्तै, बेस्ट स्पाइकर, बेस्ट ब्लकर, बेस्ट सर्भर, बेस्ट सेटर र बेस्ट लिबेरोले १० हजार रुपैयाँ र ट्रफी प्राप्त गर्ने प्रतियोगिता संयोजक प्रभा काम्बाङले बताइन् ।