1 year ago
August 4, 2024
काठमाडौं (हाम्रो खेलकुद)- बागमती प्रदेशका नवनियुक्त युवा तथा खेलकुदमन्त्री मीनकृष्ण महर्जनसँग विभिन्न खेलका राष्ट्रिय तथा अन्तरराष्ट्रिय खेलाडीसँग आइतवार अन्तरक्रिया गरेका छन्।
कार्यक्रममा खेलक्षेत्र बुझेको व्यक्ति प्रदेशको खेलकुद मन्त्री नियुक्त भएकोमा बागमती प्रदेशको खेल गतिविधिमा सकारात्मक प्रभाव पर्ने आशा खेलाडीले राखेका छन् ।
नेपालका लागि पहिलो अन्तर्राष्ट्रिय पदक विजेता जीतबहादुर केसी, दक्षिण एसियाली खेलकुद (साग) ३ स्वर्ण पदक जित्दै म्याराथनमा कीर्तिमान बनाएका वैकुण्ठ मानन्धर, नेपाल ओलम्पियन संघका अध्यक्ष दीपक विष्ट, सागका स्वर्ण पदक विजेता धिरेन्द्र प्रधान, उपेन्द्रमान सिंह, बालगोपाल महर्जन, बक्सिङका प्रकाश थापामगर लगायत ओलम्पियन र खेलाडीको उपस्थिति थियो।
मन्त्री महर्जनले खेलाडीहरुलै सुझावका आधारमा आफूले काम गर्ने जनाउँदै छिट्टै कार्यदल गठन गर्ने बताएका छन् । उनले त्यसैका आधारमा प्रशिक्षक नियुक्त गर्ने आश्वासन दिएका छन् ।
प्रदेशका मन्त्रालयमा सबै भन्दा कम बजेट ७० करोड रूपैयाँ मात्र युवा तथा खेलकुद मन्त्रालयमा रहेको जानकारी दिदैं उनले थप बजेटका लागि आफूले पहल गर्ने बताए। उनले नवौं राष्ट्रिय खेलकुदमा बागमतीका लागि पदक जित्ने खेलाडीका लागि पूर्व घोषित पुरस्कार लागि आफूले पहल गर्ने बताए।
खेलाडीले विगतमा बागमती प्रदेशको खेलकुदमा राम्रो प्रभाव भएपनि अहिले कमजोर भएकोले प्रशिक्षक तयार पार्दै खेलाडी उत्पादन, भौतिक पूर्वाधार निर्माण, खेलाडीको भविष्य सुनिश्चित हुने गरि काम गर्न मन्त्री महर्जनलाई सुझाव दिए।
करातेका प्रशिक्षक रहिसकेका राष्ट्रिय खेलकुद परिषद्का पूर्व कोषाध्यक्ष महर्जन गत साता मन्त्री नियुक्त भएका थिए।
November 28, 2025
काठमाडौं (हाम्रो खेलकुद)- एसियाली खेलकुदकी रजत पदक विजेता एरिका गुरुङ इजिप्टमा जारी डब्लुकेएफ २७ औं कराते विश्व च्याम्पियनसिपको अन्तिम १६ मा प्रवेश गर्न सफल भएकी छिन्। महिला ६८ केजी माथि तौल समूहको पुल-७ मा रहेकी एरिका समूह उपविजेता बनेर प्रि-क्वाटरफाइनलमा प्रवेश गर्न सफल भएकी हुन्। उनले चिल्लीकी गोन्जालेज लाभिनलाई ५-१ को अन्तरमा पराजित गरिन्। त्यसअघिको […]
November 28, 2025
काठमाडौं (हाम्रो खेलकुद )- न्युजिल्यान्डमा भएको ‘उसु हिरोज’ प्रथम अन्तर्राष्ट्रिय आमन्त्रण उसु प्रतियोगितामा नेपालले ४ स्वर्ण जितेको छ । विजय सिन्जाली, पासाङ शेर्पा, निमा घर्ती मगर र जुनु स्याङ्बो लामाले स्वर्ण जितेको नेपाल उसु महासंघका उप–महासचिव राजीव महर्जनले जनाएका छन् ।
November 27, 2025
काठमाडौं (हाम्रो खेलकुद)- करातेकी खेलाडी सानुमाया थिङले इजिप्टमा आज सुरु हुने डब्लुकेएफ २७ औं कराते विश्व च्याम्पियनसिपमा एकल कातामा खेलेका सबै ३ प्रतिस्पर्धामा हार बेहोरेकी छिन् । पहिलो खेलमा सानुमाया कोलम्बियाकी खेलाडी मचादो भ्यालेन्टिना जापातासँग हारिन् । सानुमायाले ३६.१ र मचादोले ३८.८ स्कोर गरिन् । अर्को खेलमा सानुमाया आयोजक इजिप्टकी आया हेस्मामसँग ३९.४-३५.६ ले पराजित भइन् […]
