10 years ago
January 13, 2016
काठमाडौं, पुस २९ गते ।
थप तयारीका लागि १२ औं दक्षिण एसियाली खेलकुद (साग) मा सहभागी हुने नेपाली जुडो टोली बुधबार भारतको भोपाल प्रस्थान गरेको छ । नेपाल ओलम्पिक कमिटीका अध्यक्ष जीवनराम श्रेष्ठ र महासचिव लामा टेन्डी शेर्पाले १४ खेलाडीसहित १८ सदस्यीय नेपाली टोलीलाई सातदोबाटोमा बिदाइ गरे ।
१४ खेलाडी मध्ये १२ खेलाडी सागका लागि छनोट भएका खेलाडी हुन् । पुरुषको ६० केजीमा इन्द्रबहादुर श्रेष्ठ, ६६ केजीमा रमेश मगर, ७३ केजीमा संजित डंगोल, ८१ केजीमा पवनकुमार श्रेष्ठ, ९० केजीमा सञ्जय महर्जन र १०० केजीमुनि शिवबहादुर बराम रहेका छन् ।
महिलाको ४८ केजीमुनि सरिता चौधरी, ५२ केजीमुनि लीला अधिकारी, ५७ केजीमुनि मनिता श्रेष्ठ प्रधान, ६३ केजीमुनि फुपु ल्हामु खत्री, ७० केजीमुनि गंगा चौधरी तथा ७८ केजीमुनि पुनम श्रेष्ठ छन् ।
सागका लागि छनोट नभएपनि पुरुषको १०० केजीमाथिमा राजन जोशी र महिलाको ७८ केजीमाथि आकृति जोशी पनि टिमसंगै प्रशिक्षणका लागि जाने छन् । प्रशिक्षकमा दलबहादुर गुरुङ र इन्द्र डंगोल तथा व्यवस्थापकमा देबु थापा र गंगा खड्का रहेका छन् । व्यस्थापक देबु र खेलाडी फुपुल्हामु भने पहिले प्रशिक्षणका लागि जनवारी १७ तारिखमा हंगेरीको बुढापेस्ट जाने छन् । सागअन्तर्गत जुडो भारतको सिलोङमा फेब्रुअरी १४ देखि १६ तारिखसम्म चल्ने छ ।
November 28, 2025
काठमाडौं (हाम्रो खेलकुद)- एसियाली खेलकुदकी रजत पदक विजेता एरिका गुरुङ इजिप्टमा जारी डब्लुकेएफ २७ औं कराते विश्व च्याम्पियनसिपको अन्तिम १६ मा प्रवेश गर्न सफल भएकी छिन्। महिला ६८ केजी माथि तौल समूहको पुल-७ मा रहेकी एरिका समूह उपविजेता बनेर प्रि-क्वाटरफाइनलमा प्रवेश गर्न सफल भएकी हुन्। उनले चिल्लीकी गोन्जालेज लाभिनलाई ५-१ को अन्तरमा पराजित गरिन्। त्यसअघिको […]
November 28, 2025
काठमाडौं (हाम्रो खेलकुद )- न्युजिल्यान्डमा भएको ‘उसु हिरोज’ प्रथम अन्तर्राष्ट्रिय आमन्त्रण उसु प्रतियोगितामा नेपालले ४ स्वर्ण जितेको छ । विजय सिन्जाली, पासाङ शेर्पा, निमा घर्ती मगर र जुनु स्याङ्बो लामाले स्वर्ण जितेको नेपाल उसु महासंघका उप–महासचिव राजीव महर्जनले जनाएका छन् ।
November 27, 2025
काठमाडौं (हाम्रो खेलकुद)- करातेकी खेलाडी सानुमाया थिङले इजिप्टमा आज सुरु हुने डब्लुकेएफ २७ औं कराते विश्व च्याम्पियनसिपमा एकल कातामा खेलेका सबै ३ प्रतिस्पर्धामा हार बेहोरेकी छिन् । पहिलो खेलमा सानुमाया कोलम्बियाकी खेलाडी मचादो भ्यालेन्टिना जापातासँग हारिन् । सानुमायाले ३६.१ र मचादोले ३८.८ स्कोर गरिन् । अर्को खेलमा सानुमाया आयोजक इजिप्टकी आया हेस्मामसँग ३९.४-३५.६ ले पराजित भइन् […]
