काठमाडौं (हाम्रो खेलकुद) – बेलायतको ब्राइटनमा जारी १८औं एडल्ट तथा सिनियर र १३औं जुनियर आइटीएफ विश्व तेक्वान्दो च्याम्पियनसिपको पाचौ दिन शनिबार ४ देखि १५ बर्ष उमेर समूहको ६४ केजीमा नेपालका सस्मन बस्नेतले रजत पदक जितेका छन् । बेलायतबाट रजेन्द्र केसीले दिएको जानकारी अनुसार वेल्सका खेलाडीसँग पराजित भएपछि उनले रजतमा चित्त बुझाउनु परेको थियो ।
कक्षा १० मा अध्ययनरत सस्मन बस्नेतले नेपालमा भएको दोस्रो सगरमाथा खुल्ला तेक्वान्दो प्रतियोगितामा स्वर्ण पदक जितेका थिए ।
त्यसअघि दोस्रो दिन लक्ष्मण बस्नेतको ले कास्य पदक जितेका थिए । बस्नेत तेक्वान्दो आइटीएफ नेपालका अध्यक्ष एवं अन्तर्राष्ट्रिय प्रशिक्षक तथा रेफ्रीसमेत हुन् । उनले प्रतियोगिताको जुनियर तथा सिनियर प्रतियोगितामा रेफ्री का भूमिका पनि निर्वाह गरिरहेका छन् । आइटीएफ तेक्वान्दोमा नेपाललाई अन्तर्राष्ट्रिय पदक दिलाउने पहिलो खेलाडी हुन् । उनले सन् २००४ को मलेसिया ओपनमा कास्य पदक जितेका थिए ।
