काठमाडौं (हाम्रो खेलकुद)– नेपाल बुद्धिचाल संघको अध्यक्षमा विदुरप्रसाद गौतम निर्विरोध निर्वाचित भएका छन् । संघको सोमबार भएको सधारण सभाले अधिकांश पद निर्विरोध र केहि पद निर्वाचनमार्फत चयन गरेको छ।

राजेन्द्र प्रसाद रिजाल वरिष्ठ उपाध्यक्षमा निर्विरोध चयन हुँदा ३ उपाध्यक्षका लागि निर्वाचन भएको थियो । जसमा धनबहादुर बोगटी, सुबोधराज शेर्पाली र नाराण दास गमाल विर्नाचिन भएमा छन् । बोगटीले ५९, शेर्पालीले ५५ र गमालले ५२ मत प्राप्त गरेका थिए । उपाध्यक्षका उम्मेदवार माधवप्रसद प्रधानले १७ र ओमप्रसाद उपाध्यक्षले ९ मत प्राप्त गरेका छन् ।

महासचिवमा धरमबहादुर लामा, ३ सचिवमा मोलालिसा खम्बु, भुपेन्द्र निरौला र उमेश केसी, कोषध्यक्षमा ज्ञानेन्द्र महर्जन, सह कोषध्यक्षमा यज्ञप्रसाद पन्त निर्विरोध निर्वाचित भएका छन् । सात प्रदेशबाट एक एकजना र महिला सदस्य निर्विरोध सदस्य निर्वाचित हुँदा खुला ३ सदस्यका लागि भने निर्वाचन भएको थियो ।

७ जनाबीचको प्रतिस्पर्धामा कृष्णप्रसाद सिग्देल ४३, प्रविणबहादुर भडेल ३४ र रामकिशोर सिंह ३२ मतका साथ विजयी भएका छन् । अन्य उम्मेदवार याइसास यासिर खम्बुले २६, राजीवन कार्कीले २३, विकास कार्कीले २१, मनोज घिमिरेले १७ मत प्राप्त गरेका छन् ।
त्यस्तै प्रदेश १ बाट दीपेन राई, मधेश प्रदेशबाट सुरेन्द्रकुमार शाह, बागमतीबाट निरन्जन प्रजापति, गण्डकीबाट महेश्वर अधिकारी, लुम्बिनीबाट चन्द्रमणी गैरे, कर्णालीबाट शक्तिराम बढुा, सुदूरपश्चिमबाट गोपाल श्रेष्ठ र महिला सदस्यमा पार्वती श्रेष्ठ निर्विरोध चयन भए । सधारण सभामा १ सय १३ जनाको सहभागिता रहेको थियो भने मतदानमा ७८ जनाले भाग लिएको संघले जनाएको छ ।