3 years ago
September 16, 2022
काठमाडौं (हाम्रो खेलकुद) – गण्डकी प्रदेशमा अर्को महिना आयोजना हुने नवौं राष्ट्रिय खेलकुदको ट्रफी शुक्रबार प्रधानमन्त्री शेरबहादुर देउवाले सार्वजनिक गरेका छन् ।
ट्रफी टुर सुरु हुने अघिल्लो दिन प्रधानमन्त्री निवास बालुवाटारमा औपचारिक कार्यक्रमको आयोजना गर्दै ट्रफी सार्वजनिक गरिएको हो । राष्ट्रिय खेलकुदको ट्रफी टुर सुदूरपश्चिमाञ्चल प्रदेशबाट शनिबार सुरु हुँदैछ । सहभागी ११ मध्ये एनआएनएबाहेक सबै प्रदेश र ३ विभागिय टोली (सेना, प्रहरी र शसस्त्र प्रहरी) बलमा ट्रफी लगिने बताइएको छ ।
ओलम्पियन दीपक विष्ट संयोजक रहेको ५ सदस्यीय ट्रफी टुर कार्यदलमा भलिबल कप्तान अरुणा शाही, अल्ट्रा धाविका मिरा राई, राष्ट्रिय तथा अन्तर्राष्ट्रिय खेलाडी संघका अध्यक्ष दीपक श्रेष्ठ र क्रिकेट टोलीका पूर्व कप्तान पारस खड्का रहेका छन् ।
ट्रफी शनिबार बिहान सुदूरपश्चिमाञ्चलमा प्रदर्शनीका लागि राखिने छ।
त्यस्तै असोज २ गते लुम्ती प्रदेशमा लगिने ट्रफीको मायादेवी मन्दिरमा फोटो सेसन गरिने राष्ट्रिय खेलकुद परिषद् (राखेप) ले जनाएको छ । त्यस्तै असोज ३ गते ट्रफी बागमती प्रदेशको राजधानी हेटौडामा प्रदर्शनमा राखिनेछ । असोज ७ गते त्रिभुवन आर्मी क्लबमा र असोज ८ गते प्रदेश १ मा ट्रफी प्रदर्शनीमा राखिने छ ।
असोज ९ गते पुलिस र एपिएफको मुख्यालयमा राखिने ट्रफी असोज ११ गते कर्णाली प्रदेशको सुर्खेत पुर्याइनेछ । असोज १३ गते मधेश प्रदेशमा प्रर्दशनीपछि नवौंको आयोजक गण्डकी प्रदेशमा असोज २३ गते प्रदर्शनमा राखिनेछ । असोज २८ गते देखि कात्तिक ३ गते सम्म नवौं राष्ट्रिय खेलकुद आयोजना हुँदैछ ।
निलेन्द्रराज श्रेष्ठले कल्पना गरेको ट्रफी श्याम तुलाधरसहितको ५ सदस्यीय शिल्पकारले तयार पारेका थिए । ट्रफी ४ सय ५० घन्टामा तयार पारिएको बताइएको छ । जसका लागि ५ केजी चाँदी, २ तोला सुन प्रयोग भएको छ भने त्यसको कुल लागत १० लाख रुपैयाँ रहेको जनाएको छ । त्यसमा नेशनल गेम ट्रफी लेखिएको छ ।
ट्रफी सार्वजनिक कार्यक्रममा युवा तथा खेलकुद मन्त्री महेश्वर गहतराज (अथक), पर्यटनमन्त्री तथा नेपाल ओलम्पिक कमिटीका अध्यक्ष जिवनराम श्रेष्ठ, राखेप सदस्य सचिव टंकलाल घिसिङ, ट्रफी टुर कार्यदलका सदस्यलगायतको उपस्थिति थियो ।
नवौं राष्ट्रिय खेलकुदको ट्रफी टुर
दिन स्थान
असोज १ गते – सुदूरपश्चिम
असोज २ गते- लुम्बिनी
असोज ३ गते- बागमती
असोज ७ गते- त्रिभुवन आर्मी क्लब
असोज ८ गते – प्रदेश १
असोज ९ गते – प्रहरी र सशस्त्र प्रहरी
असोज १३ गते – मधेश प्रदेश
असोज २३ गते – गण्डकी
November 13, 2025
काठमाडौं (हाम्रो खेलकुद)- काठमाडौं स्पाइकर्स आजको खेलमा विजयी भएपनि एभरेष्ट महिला भलिबल लिग (इडब्लुभी) को फाइनल पुग्न असफल भएको छ। पोखरा निन्जाजलाई आज ३-१ ले हराएपनि सेट गुमाएका कारण काठमाडौं फाइनल पुग्न सकेन । योसँगै ललितपुर क्विन्स फाइनलमा पुगेको छ। लिग चरणको अन्तिम खेलको नतिजाले ललितपुरलाई फरक पर्नेछ। लिगको अन्तिम दिन काठमाडौंले लुम्बिनी लायन्स र […]
November 12, 2025
काठमाडौं (हाम्रो खेलकुद)- साविक विजेता कर्णाली याशविस एभरेष्ट महिला भलिबल लिग (इडब्लुभी) को फाइनल पुगेको छ। त्रिपुरेश्वरस्थित राष्ट्रिय खेलकुद परिषद्को कभर्ड हलमा आज मधेश युनाइटेडलाई ३-० को सोझो सेटमा हराउँदै उपाधि नजिक पुगेको हो। एकतर्फी जित निकाल्ने क्रममा कर्णालीले २५-१५,२५-१२,२५-१७ को जित निकालेको थियो। सबै ४ खेल जितेको कर्णालीको १२ अंक पुगेको छ। आज अर्को […]
November 11, 2025
सुशील पन्त क्षेत्री,चितवन नारायणी नदी किनारमा जारी खेलकुद तथा बृहत व्यापार महोत्सवमा ओलम्पियन बैकुण्ठ मानन्धर, सागका दोहोरो स्वर्ण पदक विजेता दीपक श्रेष्ठ, एसियाली खेलकुदकी कीर्तिमानी पदक विजेता करातेकी एरिका गुरुङ सम्मानित भएका छन् । आयोजक चितवन जिल्ला खेलकुद विकास समितिले आज उनीहरुलाई सम्मान गरेको हो । नेपाली खेलकुद क्षेत्रमा पुराएको योगदानको कदर गर्दै समितिले महोत्सवको […]
