default_image

1 year ago

October 20, 2022

निसिमको अर्धकदको शालिक बन्ने, मानार्थ स्वर्ण पदक दिइने

प्रकाश तिमल्सिना, पोखरा नवौं राष्ट्रिय खेलकुदको प्याराग्लाडिङमा प्रतिस्पर्धा गर्ने क्रममा आइतबार खसेर मृत्यु भएका त्रिभुवन आर्मी क्लबका निसिम थापाको अर्धकदको शालिक राख्नुको साथै मानार्थ स्वर्ण पदक प्रदान गरिने भएको छ । राष्ट्रिय खेलकुद परिषद् (राखेप) को बोर्डको बुधबार साँझ पोखरामा बसेको बैठकले पोखरा रंगशालाको हाता भित्र निसिमको अर्धकदको शालिक राख्ने निर्णय गरेको राखेपका सदस्य सचिव […]

88 views

0 Bookmark

प्रकाश तिमल्सिना, पोखरा

नवौं राष्ट्रिय खेलकुदको प्याराग्लाडिङमा प्रतिस्पर्धा गर्ने क्रममा आइतबार खसेर मृत्यु भएका त्रिभुवन आर्मी क्लबका निसिम थापाको अर्धकदको शालिक राख्नुको साथै मानार्थ स्वर्ण पदक प्रदान गरिने भएको छ ।

राष्ट्रिय खेलकुद परिषद् (राखेप) को बोर्डको बुधबार साँझ पोखरामा बसेको बैठकले पोखरा रंगशालाको हाता भित्र निसिमको अर्धकदको शालिक राख्ने निर्णय गरेको राखेपका सदस्य सचिव टंकलाल घिसिङले जानकारी दिए । उनका अनुसार निसिमको सम्मानमा मानार्थ स्वर्ण पदक प्रदान गरिनेछ ।

आइतबार उडेको केहि मिनेटमै निसिमको प्याराग्लाइडिङ खसेर मृत्यु भएको थियो । निसमले प्याराग्लाइडिङको पुरुष क्रस कन्ट्री इभेन्टमा भाग लिएका थिए । पोखरा महानगरपालिका १८ सराङकोटमा आइतबार खेल चलिरहेको अवस्थामा आकाशमा उडिरहँदा अकस्मात झण्डै एक सय मिटर माथिबाट जमिनमा खसेको प्रहरीले जनाएको थियो ।

उपचारका लागि मेट्रोसिटी अस्पताल पुरइएका उनलाई डाक्टरले चेकजाँचपछि मृत घोषित गरेका थिए ।विमा वापत निसिमको परिवारले राष्ट्रिय विमा स्थानबाट १० लाख रुपैयाँ प्राप्त गर्ने र थप सहयोगका लागि पनि राखेपले पहल गर्ने सदस्य सचिव घिसिङले जानकारी दिए ।

युवा तथा खेलकुद मन्त्री समेत रहेका राखेपका अध्यक्ष महेश्वरजंग गहतराजको अध्यक्षतामा बसेको बैठकले दसौं राष्ट्रिय खेलकुद कर्णालीमा २०८१ सालमा आयोजना गर्ने निर्णय भएको छ । महिना र गते पनि नवौं राष्ट्रिय खेलकुदको समापनका दौरान हुने सम्भावना रहेको सदस्य सचिव घिसिङले जानकारी दिए । नवौं राष्ट्रिय खेलकुद बिहाबार समापन हुँदैछ ।

April 14, 2024

६ खेलाडी आइओएफसटिसीका लागि छनोट

काठमाडौं (हाम्रो खेलकुद) – चौथो राष्ट्रिय खुला फ्रेन्डसिप तेक्वान्दो प्रतियोगिताबाट ६ खेलाडी दक्षिण कोरियाको सिओलमा अन्तर्राष्ट्रिय ओपन फ्रेन्डसिप तेक्वान्दो च्याम्पियनसिप (आइओएफटिसी) का लागि छनोट भएका छन् । कोरियामा अगष्ट २३ देखि २४ तारिखसम्म हुने आइओएफटिसीका लागि आइतबार ग्योरोगीमा ४ र एकल पुम्सेमा २ गरी ६ स्पर्धामा स्वर्ण पदक जितेका खेलाडी छनोट भएका हुन् । कोटेश्वर […]

April 14, 2024

बागमती अन्तर प्रदेश खेलकुदमा टिम च्याम्पियन

हेटौंडा (हाम्रो खेलकुद) – बागमती प्रदेश प्रथम अन्तरप्रदेश राष्ट्रिय खेलकुद प्रतियोगितामा टिम च्याम्पियन बनेको छ ।बागमती प्रदेश खेलकुद विकास परिषद्ले आयोजना गरेको अन्तरप्रदेश खेलकुदमा ६१ स्वर्ण पदक जित्दै बागमती च्याम्पियन बनेको हो । बागमतीले ४३ रजत र ३६ कांस्य पदकका साथ कुल १ सय ४० पदक जितेको छ । त्यस्तै २१ स्वर्ण, २१ रजत र […]

April 14, 2024

खम्बू नेपालकै पहिलो महिला आइए

काठमाडौं (हाम्रो खेलकुद) – हिमालयन चेस एकेडेमी (एचसीए) की अध्यक्ष मोनालिशा खम्बू इन्टरनेसनल आर्बिटर (आइए) बन्ने पहिलो नेपाली महिला भएकी छन् । नेपाल बुद्धिचाल महासंघकी उपमहासचिवसमेत रहेकी खम्बूलाई अन्तर्राष्ट्रिय बुद्धिचाल महासंघ (फिडे) को अप्रिल ८ देखि १३ सम्म भएको काउन्सिलको पूर्ण बैठकले आईए बनाउने निर्णय गरेको बताइएको छ । खम्बू ओलम्पियाडमा आर्बिटरको जिम्मेवारी निर्वाह गर्ने […]

Success

Thank you for your time.