1 year ago
June 17, 2023
ललितपुर (हाम्रो खेलकुद)– नेपाल च्याम्पियन २१४६ फिडे मास्टर रुपेश जैसवाल दक्षिण एसिसयाली चेस च्याम्पियनसिपमा भारतीय २५०८ रेटेड ग्राण्ड मास्टर सयन्तन दासलाई सातौ चरणको खेलमा बराबरीमा रोक्न सफल भएका छन् । यो बराबरीले सयन्तनको उपाधि यात्राका धक्का लागेको छ ।
रोचक खेलमा कालो गोटी लिएर सिसिलेन प्रणालीमा खेल सुरु गरेका सयन्तन आक्रमक रुपमा प्रस्तुत भएका थिए ।सेतो गोटी लिएका रुपेश विपक्षीको हरेक चालको जवाफ दिन सफल भए । तर खेलको ५८ औं चालमा सयन्तनले एउटा सिपाही फाइदा गरे । जसका कारण रुपेश दबाबमापरे । तथापी रुपेशले धैर्यतापूर्वक सयन्तनको सामना गरे । खेलेको १ सय पाँचौं चारमा खेल बराबरीमा टुंगियो ।
रुपेशले तेस्रो चरणको खेलमा २४१५ रेटेड नुबैर शााह मोहम्मद लाई बराबरीमा रोकेका थिए । शनिबार रुपेशले छैटौं चरणको खेलमा पुरुषोत्तम सिलवाललाई हराएका थिए । १४ बर्षका १८३४ रेटेट खेलाडी पुरुषोत्तमले बंगलादेशका २२१२ रेटेड फिडे मास्टर हसन पराग मेहन्दीमाथि सनसनीपूर्ण नजिता निकाले ।
हसनले कालो गोटी लिएर सिसिलेन प्रणालीमा खेल सुरु गरे । सेतो गोटी लिएर खेल अगाडि बढाएका पुरुषोत्तमले निकै नै आक्रमक देखिएका हसनको हरेक चाललाई विफल बनाउँदै लगे। निकै नै ट्याक्टिकल खेलको २५ औ चालमा पुरुषोत्तमले एउटा घोडा फाइदा गरे । २६ औं चालमा पुनः घोडा बलिदान गरि दुई वटा प्यादा लिए । दुइ वटा प्यादा गुमाए पछि निरीह बनेका हसन माथी पुरुषोत्तमले लगातार दबाब बनाइराखे । परिणामस्वरूप हसन ३७ औं चालमा पुरुषोत्तमलाई खेल सुम्पन बाध्य भए । रुपेशको ४ र पुरुषोत्तमको ३ अंक छ ।
सातौ चरणको खेल सम्पन्न हुँदा चौथो स्थानमा रहेका क्षितिज भण्डारीले छैटौं र सातौ चरणमा जित निकालो । उनको साढे ४ अंक छ । क्षितिजले सातौ चरणको खेलमा पूर्व नेपाल च्याम्पियन २०३२ सुरवीर लामामाथि र छैटौं चरणको खेलमा भुटानका डिक्चेन दोर्जीमाथि जिन निकालेका थिए ।
इन्टरनेशनल मास्टर नुबैरले च्याम्पियनसिपमा एकल अग्रतालाई कायम राखेका छन् । नेपाल बुद्धिचाल महासंघको आयोजनामा जारी प्रतियोगितामा नुबैर साढे ६ अंक सहित आफने शीर्षतालाई कायम राखेका हुन् । उनले शनिबारा छैटौं चरणको खेलमा बंगलादेशका हसन पराग मेहन्दीलाई खेलको ४१ औं चालमा निरास पारे भने सातौ चरणको खेलमा बंगलादेश कै अब्दुल मोहम्मद मलेकलाई २९ औ चालमा हराए ।
त्यस्तै २५०८ रेटेड ग्राण्ड मास्टर सयन्तन दास साढे ५ अंक लिइ दोस्रो स्थानमा छन् । उनले छैटौं चरणको खेलमा पाकिस्तानका अमिर करिमलाई हराएका थिए । पाकिस्तानी खेलाडी २०४६ रेटेड अमिरले सातौ चरणको खेलमा डिक्चेन दोर्जीलाई हराउँदै ५ अंक जोडेर तेस्रो स्थानमा छन् । सुरवीर लामाको साढे २ अंक छ ।
महिलातर्फ चौथो र पाँचौ चरणको खेल सम्पन्न हुँदा भारतीय इन्टरनेशनल मास्टर २२२५ रेटेड साक्षी आनान्दले ५ अंक सहित शीर्षस्थान कायम राखेकी छिन् । उनले पाँचौ चरणको खेलमा नेपालका सुशीला गुरुङलाई हराइन् भने चौथो चरणमा मालदिप्सकी नुहा रिवानबाट वाक ओभर पाइन् ।
त्यसैगरी बंगलादेशकी १९१३ रेटेड वदिफा अहमद ४ अंकसहित दोस्रो स्थानमा छिन्। उनले चौथो खेलमा सुशीला गुरुङलाई पराजित गरिन् भने पाँचौ चरणको खेलमा शान्ति धिमाललाई माथ दिइन् । ललितपुरको गोदावरी स्थित होटेल भ्यु भृकुटीमा जारी प्रतियोगितामा नेपालका १७५३ रेटेड फिडे मास्टर सुजना लोहनी र बंगलादेशका १८५२ रेटेड जन्नतउल फेरडोस साढे ३ अंकसहित संयुक्त रुपमा तेस्रो स्थानमा छन् ।
चौथो चरणको खेलमा जन्नतउलसंग बराबरी खेलेका सुजनाले पाँचौ चरणको खेलमा नहा रिजवानसंग वाक ओभर पाए भने जन्नतउलले पाँचौ चरणको खेलमा रिया श्रेष्ठलाई पन्छाइन् । आइतबार सम्पन्न हुने प्रतियोगिताको लागि राष्ट्रिय खेलकुद परिषद , ललितपुरका स्थानीय निकायहरु ललितपुर महानगरपालिका , महालक्ष्मी नगरपालिका, गोदावरी नगरपालिका , कोन्जोसम गाउँपालिका, बागमती गाउँ पालिका, महाँकाल गाउँ पालिका र ललितपुर जिल्ला समन्वय समितिको सहयोग रहेको छ ।
July 26, 2024
काठमाडौं (हाम्रो खेलकुद)- नेपालले काभा वमन्स नेसन्स भलिबल लिगको उद्घाटन खेलमा श्रीलंकाको सामना गर्ने भएको छ। नेपालसहित ५ राष्ट्रको सहभागिता साउन १७ गते नेसन्स लिग सुरु हुँदैछ। नेपाल, श्रीलंकासहित इरान, भारत र माल्दिभ्सले नेसन्स लिगको उपाधिका लागि प्रतिस्पर्धा गर्नेछन्। आयोजक नेपाल भलिबल संघले शुक्रबार पत्रकार सम्मेलनमार्फत नेसन्स लिगको ट्रफी सार्वजनिक गरेको छ । गैर आवासीय […]
July 26, 2024
काठमाडौं (हाम्रो खेलकुद)– विश्व खेलकुदको महाकुम्भका रुपमा स्थापित ओलम्पिकको ३३ औं ग्रिष्मकालिन ओलम्पिक ‘पेरिस ओलम्पिक) आज औपचारिक सुरुवात हुँदैछ । नेपाल समय अनुसार राति ११ः१५ बजे ओलम्पिकको उद्घाटन समारोह सुरु हुनेछ । विश्वका २ सय ६ देशका १० हजार भन्दा बढी खेलाडीको यसपटकको ओलम्पिकका सहभागिता रहनेछ । पेरिस सहरलाई उद्घाटन समारोहका लागि प्रयोग गरिने बताइएको […]
July 25, 2024
काठमाडौं (हाम्रो खेलकुद)- पुराना करातेकर्मी मीन कृष्ण महर्जन बागमती प्रदेशको युवा तथा खेलकुद मन्त्री नियुक्त भएका छन् । बागमती प्रदेशका मुख्यमन्त्री बहादुरसिं लामाले बिहीबार मन्त्रिपरिषद् विस्तार गर्दा महर्जनलाई युवा तथा खेलकुद मन्त्रालयको जिम्मेवारी दिइएको हो । लामाले आफ्नै दल कांग्रेसका तर्फबाट चार मन्त्री नियुक्त गरेका हुन् । महर्जनसँगै कांग्रेसबाट प्रभात तामाङ, सुरजचन्द्र लामिछाने र बिमल […]