काठमाडौं (हाम्रो खेलकुद)– ट्रेकिङ , स्पोर्टस र क्याजुल वेयर कम्पनी हुम्तोको उत्पादन अब नेपालमा पनि विक्री हुने भएको छ ।

नेपालका लागि हुम्तोको आधिकारिक विक्रेता कुमारी इनकर्पोरेसन प्राली रहेको छ । कुमारीको संस्थापकमा अध्यक्ष सुदर्शन न्यौपानेसहित उत्तम न्यापाने र प्रदीप न्यौपाने रहेका छन् । हुम्तोको मार्केटिङ भने जाल्पा इन्टरनेसनल ग्रुप प्रालीले गर्नेछ ।

१३ औं दक्षिण एसियाली खेलकुद (साग) की दोहोरो स्वर्ण पदक विजेता तेक्वान्दोकी आयशा शाक्य, १३ औं सागकै दोहोरो स्वर्ण पदक विजेता मन्देकाजी श्रेष्ठ, अल्ट्रा धावक मिरा राइर्, फुटबल खेलाडी विकेश कुथु, हुम्तोका सिइओ लिउ लिनाङविनले शुक्रबार न्यूरोडस्थित नेपा कम्प्लेक्सको पाँचौं तलामा रहेको हुम्तो नेपालको स्वरुमको संयुक्त रुपमा उद्घाटन गरेका थिए ।

जाल्पाका निर्देशक आशिष थापाले सन् १९८५ मा अमेरिकामा स्थापना भएको हुम्तोको अहिले उत्पादन भने चीनमा भइरहेको छ । उनका अनुसार विश्वका शीर्ष १० उत्पादन भित्र हुम्तो पनि रहेको छ ।

केहि समयमा सिभिल मल र दरबारमार्गमा आउट लेट तयारी भइरहेको जानकारी दिदै थापाले भने, हामी ठमेल र पोखरामा पनि स्वरुम खोल्नेछौं । संस्थापक मध्येका एक उत्तम न्यौपानेले हुम्तोको उत्पादनको सामाग्रीको मुल्य देशभरका आउटलेटमा एकै हुने बताए ।