default_image

2 months ago

December 28, 2023

दिनेश र जयराम सूर्य नेपाल एनपिजिए म्याच प्लेको फाइनलमा

काठमाडौ (हाम्रो खेलकुद) – उपाधि रक्षाका लागि दिनेश प्रजापतिले सूर्य नेपाल एनपीजीए म्याच प्लेको फाइनलमा चौथो वरियताका जयराम श्रेष्ठको सामना गर्ने भएका छन्। सूर्य नेपाल गल्फ टुर २०२३-२४ अन्तर्गत सिजनको दोस्रो प्रतियोगिताको बिहीबार भएको सेमिफाइनल जित्दै दिनेश र जयरामले एक अर्कासँगको भेट पक्का गरेका हुन्। रोयल नेपाल गल्फ क्लबमा जारी प्रतियोगिताको सेमिफाइनलमा तेस्रो वरियताका दिनेशले […]

105 views

0 Bookmark

काठमाडौ (हाम्रो खेलकुद) – उपाधि रक्षाका लागि दिनेश प्रजापतिले सूर्य नेपाल एनपीजीए म्याच प्लेको फाइनलमा चौथो वरियताका जयराम श्रेष्ठको सामना गर्ने भएका छन्।

सूर्य नेपाल गल्फ टुर २०२३-२४ अन्तर्गत सिजनको दोस्रो प्रतियोगिताको बिहीबार भएको सेमिफाइनल जित्दै दिनेश र जयरामले एक अर्कासँगको भेट पक्का गरेका हुन्।

रोयल नेपाल गल्फ क्लबमा जारी प्रतियोगिताको सेमिफाइनलमा तेस्रो वरियताका दिनेशले १६औं होलमा जित आफ्नो पक्षमा पारे। उनले सातौं वरियताका रामे मगरलाई ३/२ले हराउँदै लगातार दोस्रो पटक यो प्रतियोगिताको फाइनलमा स्थान बनाए।

उनले नौ होलको समाप्तीमा दुई होलको अग्रता बनाइसकेका थिए। उपाधि रक्षा गर्न दिनेश अब मात्र एक जित टाढा रहेका छन्।

अर्को सेमीफाइनल खेलमा चौथो वरियताका जयरामले नवौं वरियताका भुवन कुमार रोक्कालाई अत्यन्त प्रतिस्पर्धामक खेलको अन्तिम होलमा हराए। नवौं होलको समाप्तीमा जयरामले एक होलको अग्रता बनाएका थिए।

भुवनले पुनरागमन‌ गर्दै १५ होलको‌ समाप्तिमा एक होलको‌ अग्रता बनाएका थिए। तर १६औं‌ र १७औं होल आफ्नो पक्षमा पारेका जयरामले फाइनलमा स्थान सुरक्षित गरे।

यसअघि आजै भएको क्वाटरफाइनलमा नवौं वरियताका भुवनले अप्रत्याशित नतिजा निकाले। उनले पहिलो वरियताका दाबेदार भुवन नगरकोटीलाई ४/३ ले हराए। जयरामले क्वाटरफाइनलमा पाँचौ वरियताका सञ्जय लामालाई २/१ ले हराएका थिए।

अर्को क्वाटरफाइनलमा दिनेशले छैटौ वरियताका रवि खड्कालाई अन्तिम होलमा संघर्षपूर्ण जित निकाल्दै सेमिफाइनलमा पुगेका थिए। यस्तै रामेले क्वाटरफाइनलमा १५औं वरियताका प्रदीप कुमार लामालाई २/१ ले माथ दिए। प्रदीपले हिजो पहिलो चरणमा दोस्रो वरियताका नीरज तामाङलाई हराएका थिए।

दिनेश र जयरामबीच शुक्रबारका लागि तय फाइनल ३६ होलको हुनेछ। तेस्रो स्थानका लागि भुवन र रामेबीच १८ होलको प्रतिस्पर्धा हुनेछ।

कुल २ लाख ५० हजार रुपैयाँ पुरस्कार‌ रहेको प्रतियोगिताको विजेताले ६० हजार , दोस्रो ४२ , तेस्रोले ३२ चौथोले २४ हजार रुपैयाँ प्राप्त गर्नेछन्।

February 24, 2024

गोर्खालीलाई रग्बी लिग उपाधि

काठमाडौं (हाम्रो खेलकुद) – गोर्खाली रग्बी राष्ट्रिय फिफ्टिन्स रग्बी लिग च्याम्पियनसिपको उपाधि जितेको छ । दशरथ रंगशालामा त्रिभुवन आर्मी क्लबलाई शनिबार ६६–७ को स्कोरमा हराउँदै गोर्खालीले उपाधि जितेको हो । अपराजित रहँदै च्याम्पियन बनेको गोर्खालीले पहिलो खेलमा नेपाल पुलिस क्लबलाई ५४–३ ले र दोस्रो खेलमा एपीएफलाई ४९–२० को स्कोरमा पराजित गरेको थियो । गोर्खाली रग्बी […]

February 24, 2024

सूर्य नेपाल वेस्टर्न ओपन-सञ्जीवको टिमलाई प्रो–एमको उपाधि

पोखरा (हाम्रो खेलकुद) – सूर्य नेपाल गल्फ टुर २०२३–२४ अन्तर्गतको चौंथो प्रतियोगिता, सूर्य नेपाल वेस्टर्न ओपनको प्रो–एमको उपाधि प्रोफेसनल सञ्जीव बहादुर नेपालीको टिमले जितेको छ। पोखरास्थित पार–६९ को हिमालयन गल्फ क्लबमा उपाधि जित्ने क्रममा सञ्जीवको टिमले कुल १ सय ४८ स्कोर बनायो। प्रो सञ्जीवले ३४ अंक बनाउँदा एमेच्योरहरू १२ बर्षका युवा गल्फर दीप्सन लामाले ३९, […]

February 24, 2024

सन्तोषीलाई धरान १० के उपाधि

धरान (हाम्रो खेलकुद)- सन्तोषी श्रेष्ठले धरान १० के महिलातर्फको उपाधि जितेकी छन् । पोखरामा‌ हाफ म्याराथनको उपाधि जितेको एक सातामा शनिबार धरानमा भएको १० किमीमा सन्तोषी पहिलो भएकी हुन् । सन्तोषीले ३८ मिनेट ०८ सेकेन्डमा दौड पूरा गर्दै उपाधि जितेकी हुन् । छेन्बीमाया माया राई (४४ मिनेट ०२ सेकेन्ड) दोस्रो र इन्द्रकला नेम्वाङ (४४ मिनेट […]

Success

Thank you for your time.