8 months ago
January 10, 2024
ललितपुर (हाम्रो खेलकुद) – छैटौं तुल्सीलाल स्मृति राष्ट्रिय क्लब टिम च्याम्पियनसिप बुद्धिचाल प्रतियोगिताको तेश्रो दिन पाँचौं चरणसम्मको समाप्तिमा दोलखा चेस होम नेपालले एकल अग्रता लिएको छ ।
नेपाल बुद्धिचाल महासंघ र ललितपुर स्पोर्ट्स क्लबको संयुक्त आयोजना जारी प्रतियोगितामा बुधबार चौंथो चारणमा आयोजक ललितपुर स्पोर्ट्स क्लबमाथि जित निकालेको थियो। पाँचौं चरणमा थापाथली पार्क चेस क्लबलाई पराजित गर्दै १० अंकसहित दोलखा एकल अग्रता लिन सफल भएको हो ।
दोलखाका वर्तमान नेपाल च्याम्पियन एफएम रुपेश जैसवालले आजको खेलमा राजन सुवेदीलाई हराए भने क्षितिज भण्डारीसँग बराबरी खेले । दोश्रो बोर्डमा खेलिरहेका सुश्रुत दहालले सुरोज महर्जनमाथि जित निकाले भने सुसिल चौधरीसँग बराबरी खेले ।
त्यसैगरी महान नर्सिङले रिसोन थापासँग बराबरी खेले भने सेम सुब्बामाथि जित हासिल गरे । गर्ल्स र अण्डर १६ युवा अन्तर्गत डब्लुएफए सुजना लोहनीले आयुष देमन रौरालाई पराजित गर्दै अनुप जंग शाहसँग बराबरी खेलिन्। दोलखाका चारै जना खेलाडीहरुले टिमलाई जिताउन महत्वपूर्ण योगदान पुर्याए ।
अर्को टिमतर्फ आयोजक ललितपुर स्र्पोट्स क्लब चौंथो चरणमा दोलखा चेस होमसँग ३.५- .५अंकले पराजित भयो । पाँचौं चरणमा भने भक्तपुर जिल्ला बुद्धिचाल संघलाई ३-१ले अंकले हराउँदै नकआउट चरणमा प्रवेशको सम्भावनालाई जीवित राखेको छ ।
आयोजक ललितपुरका राजन सुवेदीले पुरुषोत्तम दहालसँग बराबरी गरेका छन् भने सुरोज महर्जनले विक्रम चोकामीलाई हराए । रिसोन थापाले स्वर्णिम दुवाललाई पराजित गरे र आयुष देमन रौराले अभिक शाहसँग बराबरी गर्दै टिमलाई महत्वपूर्ण जित दिलाए । ललितपुर स्पोर्ट्स क्लब ८ अंकसहित दोश्रो स्थानमा रहेको छ ।
मकवानपुर जिल्ला बुद्धिचाल संघले ललितपुर महानगरपालिकालाई ३-१ ले पराजित गर्दा सीएम कृष्ण थापाले सीएम सजिन महर्जनसँग हार व्यहोरे भने सिन्देश्वर दाशले कमल श्रेष्ठलाई, सुदेन टुईटुईले आर्य मुकारुङलाई र अनुशा गौतमले पुनम प्रसाईंलाई पराजित गरे ।
त्यस्तै पाँचौं चरणमा मकवानपुर जिल्ला बुद्धिचाल संघका सीएम कृण थापाले गोदावरी नगरपालिकाका धिरेन राईलाई र अनुशा गौतमले सान्ती धिमाललाई हराइन् । सिन्देश्वर दाशले सानुभाई महर्जनसँग बराबरी गर्दा सुदेन टुईटुई सुभम न्यौपानेसँग पराजित भए । मकवानपुरले ८ अंक प्रोग्रेसिप आधारमा तेश्रो स्थानमा रहेको छ ।
पाँचौं चरणको नतिजा अनुरुप कोशी प्रदेश चेस संघ र थापाथली चेस पार्क समान ७ अंक जोड्दै नकआउट चरणमा पुग्ने सम्भावनालाई जीवित राखेका छन् ।भक्तपुर जिल्ला बुद्धिचाल संघ, दोलखा जिल्ला बुद्धिचाल संघ र लुम्बिनी इभेन्ट म्यानेज्मेन्ट समान ६ अंक जोडेर क्रमशः छ्रैटौं, सातौं र आठौं स्थानमा रहेका छन् ।
प्रतियोगितामा गोदावरी नगरपालिका, पुल्चोक चेस क्लब र कास्की जिल्ला बुद्धिचार संघ समान ५ अंकसहित नवौं, दशौं र एघारौं स्थानमा रहेका छन् ।
बिहीबार ब खेलहरुमा मकवानपुर जिल्ला बुद्धिचाल संघले दोलाखा चेस होमसँग, थापाथली पार्क चेस क्लबले ललितपुरसँग, कोसी प्रदेश चेस संघले दोलखा चेस संघसँग, लुम्बिनीले भक्तपुरसँग र कास्कीले गोदावरीसँग नगरसँग प्रतिस्पर्धा गर्नेछन् ।
सातौं चरणको खेल पश्चात् उत्कृष्ट चार टिमले नकआउट चरणमा प्रवेश गर्नेछन् । जसमा सेमिफाइनलपछि फाइनल प्रवेशसँगै उपाधिका लागि दावेदारी प्रस्तुत गर्नेछन् ।
प्रतियोगिताको विजेता टोलीले २ लाख, दोस्रो १ लाख २० हजार, तेस्रोले ६० हजार र चौथोले ४० हजार रुपैयाँ प्राप्त गर्नेछ। प्रत्येक बोर्डमा प्रथम हुने ४ जना खेलाडीहरुलाई जनही १० हजार पुरस्कार रुपैयाँ पाउनेछन्।
पुस २८ गते सम्म चल्ने प्रतियोगितामा कुल पुरस्कार ४ लाख ७० हजार रुपैयाँ पुरस्कार रहेको छ।
September 14, 2024
हिमाल खरेल,बिर्तामोड झापाको भद्रपुरमा जारी पहिलो संस्करणको कोशी प्रदेशस्तरीय पुरुष खुला डबल्स तथा भेट्रान्स डबल्स ब्याडमिन्टन प्रतियोगिताको सेमिफाइनल समीकरण सकिएको छ । भद्रपुरको मेची रंगशालाको कभर्ड हलमा आज भएको खेलमा क्वार्टर फाइनलको प्रतिस्पर्धा सकिएको हो ।आइतवार बिहान सेमिफाइल र दिउँसो फाइनल हुनेछ । आयोजक झापा जिल्ला ब्याडमिन्टन संघका अध्यक्ष दिपेश ढकालका अनुसार खेल खुला डबल्स […]
September 14, 2024
काठमाडौं (हाम्रो खेलकुद)- बुल्गेरियाकी सेटर एन्ड्रिया त्सभेतानोभा काठमाडौं स्पाइकर्सबाट वात्सल्य एभरेष्ट महिला भलिबल लिग (इडब्लुभिएल) खेल्ने भएकी छिन्। काठमाडौंले एन्ड्रियालाई अनुबन्ध गरेको जनाएको छ।बुल्गेरियन लिगसहित शीर्षस्तरका लिग खेलेकी २४ वर्षीया एन्ड्रियाले बुल्गेरियन कप जितेको काठमाडौंले जनाएको छ। काठमाडौंको मार्की खेलाडीमा राष्ट्रिय महिला भलिबल टोलीकी उषा भण्डारी रहेकी छिन्। टोलीलाई राष्ट्रिय खेलकुद परिषद्का भलिबलका मुख्य प्रशिक्षक […]
September 14, 2024
काठमाडौं (हाम्रो खेलकुद )- युरोपको हंगेरी स्थित बुढापेष्टमा भइरहेको ओलम्पिक रिङ्स एक्स्पो क्लासिक खुल्ला बुद्धिचाल दोश्रो चरणको खेलमा पनि नेपाली विवेक थिङले राम्रो प्रदर्शन गरेका छन्। विवेकले हंगेरिका अन्तर्राष्ट्रिय खेलाडी बाकी बेन्सलाई हराएका छन्। ४५ औं ओलम्पियाडमा विवेकको यो दोस्रो जित हो। विवेकले दुई चरणको खेलमा शतप्रतिशत नतिजा निकाल्दै स्पर्धामा अगाडि रहन सफल भएका छन् […]