default_image

6 months ago

January 26, 2024

रेश्माको घुँडाको सफल शल्यक्रिया

2585 views

0 Bookmark

काठमाडौं (हाम्रो खेलकुद)– एपिएफकी भलिबल खेलाडी रेश्मा भण्डारीको बायाँ घुँडाको बिहीबार सफल शल्यक्रिया भएको छ । बलम्बुस्थित एपिएफ अस्पतालमा डाक्टर शैलेन्द्र श्रेष्ठले उनको घुँडाको शल्यक्रिया गरेको एपिएफ भलिबल टोलीका व्यवस्थापक विजय केसीले जानकारी दिए ।

पुस १५ गते हेटौंडामा केशवलाल स्मृती भलिबल प्रतियोगिता खेल्ने क्रममा उनको घुँडामा चोट लागेको थियो । हेटौडाबाट फर्के देखि नै अस्पतालमा रहँदै आएकी छिन् ।

‘डाक्टर श्रेष्ठले उनको शल्यक्रिया सोचे भन्दा राम्रो भएको र केहि दिनपछि फिजियो सुरु गर्ने भन्नुभएको छ,’ केसीले भने, ‘पूरा ठिक भएर कोर्टमा फर्कन ९/१० महिना लाग्न सक्ने अनुमान छ ।’ एमआरआई गर्दा उनको घुँडाको ५० प्रतिशत एसियल र २ वटा मिनिस्कस टियर भएको बताइएको थियो ।

रेश्माले कोर्टमा फर्केर अर्को वर्ष हुने १० औं राष्ट्रिय खेलकुद खेलेर भलिबलबाट विस्तारै विश्राम लिने सोच बनाएको बताएकी थिइन् । उनले राष्ट्रिय खेलकुदको पाँचौं र छैटौं संस्करण मध्यमान्चलबाट तथा सातौं, आठौं र गत वर्ष नवौं एपिएफबाट खेलेकी थिइन् ।

उनी सन् २०१३ देखि २०१९ को १३ औं दक्षिण एसियाली खेलकुद (साग) सम्म लगातार राष्ट्रिय टोलीकी सदस्य थिइन् ।
१२ औं सागमा महिला टोलीले कास्य पदक जित्दा र १३ औं सागमा इतिहासिक रजत पदक जित्दा उनी टोलीको सदस्य थिइन् । १३ औं साग अघि सेन्ट्रल जोनको उपाधि जित्दा पनि उनी राष्ट्रिय टोलीमै थिइन् ।

यसै साता एपिएफ भलिबलकी अर्को खेलाडी शशी चौधरीको पनि दायाँ घुडाको शल्यक्रिया भएको थियो ।

July 12, 2024

प्रिन्स पेरिस ओलम्पिकको कठिन समूहमा

काठमाडौं (हाम्रो खेलकुद) – नेपाली ब्याडमिन्टनका उदियमान स्टार प्रिन्स दाहाल पेरिस ओलम्पिक २०२४ मा कठिन समूह मा परेका छन् । ब्याडमिन्टनको जुनियर विश्व वरीयताका पूर्व नम्बर एक भइसकेका प्रिन्स समूह ‘पी’ मा विश्व वरीयताको दोस्रो स्थानका डेनमार्कमा भिक्टर एक्सेलसनसँगै परेका छन् । विश्व ब्याडमिन्टन महासंघ (बिडब्लुएफ) को मुख्यालय मलेसियाको क्वालालम्पुरमा शुक्रबार भएको समुह विभाजनमा प्रिन्सको […]

July 12, 2024

दसौं राष्ट्रिय खेलकुदमा ३५ खेल‌ प्रस्तावित

काठमाडौं (हाम्रो खेलकुद)- राष्ट्रिय खेलकुद परिषद् (राखेप) का सदस्य–सचिव टंकलाल घिसिङले कर्णाली प्रदेशमा हुने दसौं राष्ट्रिय खेलकुदमा ३५ खेलमा ४ सय १९ स्पर्धा प्रस्ताव गरेका छन् । राखेपका उपाध्यक्ष शिव कोइरालाको प्रमुख आतिथ्यता तथा सदस्य–सचिव घिसिङको अध्यक्षतामा भएको दसौं राष्ट्रिय खेलकुद तथा प्रथम पारा राष्ट्रिय खेलकुदका सन्दर्भमा बिहीबार भएको बैठकमा उक्त प्रस्ताव गरिएको हो । […]

July 11, 2024

मानबहादुर फेवा एजुकेशन एण्ड माइग्रेसनको ब्रान्ड एम्वासडर

सिड्नी (हाम्रो खेलकुद) – नेपाली राष्ट्रिय पुरुष भलिबल टोलीका कप्तान मानबहादुर श्रेष्ठ अस्ट्रेलियाको सिड्नीमा रहेको फेवा एजुकेशन एण्ड माइग्रेसनको ब्रान्ड एम्वासडरमा नियुक्त भएको छ । फेवा एजुकेशन एण्ड माइग्रेसनले कप्तान तथा स्पाइकर मानबहादुर श्रेष्ठलाई दुई वर्षको लागि ब्रान्ड एम्वासडरमा नियुक्त गरेको हो । फेवा एजुकेशन एण्ड माइग्रेसनका निर्देशक योगेश श्रेष्ठ र मान बहादुरले सम्झौता पत्रमा […]

Success

Thank you for your time.