default_image

4 weeks ago

January 27, 2024

शुक्र सूर्य नेपाल इस्टर्न ओपनको उपाधि रक्षा गर्न सफल

धरान (हाम्रो खेलकुद)- नेपाल नम्बर एक गल्फर शुक्र बहादुर राईले सूर्य नेपाल गल्फ टुर २०२३-२४ अन्तर्गतको तेस्रो प्रतियोगिता, सूर्य नेपाल इस्टर्न ओपनको उपाधि रक्षा गरेका  छन्। अन्तिम दिन शुक्रबार १-अन्डर ६९ सहित समग्रमा ३-अन्डर २ सय ७ को स्कोरमा धरानका अर्का प्रो नीरज तामाङलाई ५ स्ट्रोकको फराकिलो अन्तरमा हराउँदै शुक्रले लगातार दोस्रो पटक उपाधि जितेका […]

27 views

0 Bookmark

धरान (हाम्रो खेलकुद)- नेपाल नम्बर एक गल्फर शुक्र बहादुर राईले सूर्य नेपाल गल्फ टुर २०२३-२४ अन्तर्गतको तेस्रो प्रतियोगिता, सूर्य नेपाल इस्टर्न ओपनको उपाधि रक्षा गरेका  छन्।

अन्तिम दिन शुक्रबार १-अन्डर ६९ सहित समग्रमा ३-अन्डर २ सय ७ को स्कोरमा धरानका अर्का प्रो नीरज तामाङलाई ५ स्ट्रोकको फराकिलो अन्तरमा हराउँदै शुक्रले लगातार दोस्रो पटक उपाधि जितेका हुन।

शुक्रको यो करियरको दसौं प्रमुख उपाधि हो। उनले उपाधिसँगै १ लाख ४० हजार रुपैयाँ प्राप्त गरेका छन्। दसौं उपाधि जित्दै शुक्रले भेट्रान प्रो दीपक थापा मगर र पुर्व नम्बर एक गल्फर दीपक आचार्यसँग उपाधि सङ्ख्या बराबरी गरेका छन।

अन्तिम १८ होलको सुरूवात गर्दा मात्र एक स्ट्रोकले पछि रहेका नीरजले आज शुक्रलाई चुनौती दिन सकेनन। ३-ओभर ७३ को खराब प्रदर्शन गर्दा समग्रमा २-ओभर २ सय १२ को नतिजामा दोस्रो स्थानमा खेल सकाए। उनले ९६ हजार रुपैयाँ पाए। पुर्व नम्बर एक गल्फर भुवन नगरकोटी समग्रमा ३-ओभर २ सय १३ सहित तेस्रो भए। उनले आज १-ओभर ७१ मा खेल सकाए। उनले ७२ हजार रुपैयाँ प्राप्त गरे।

समग्रमा ७-ओभर २ सय १७ को स्कोरमा राजेन राई, भुवन कुमार रोक्का र रामे मगरले संयुक्तरुपमा चौथो स्थान बाँडे। राजेन र भुवनले आज ३-ओभर ७३ मा खेल सकाउँदा रामेले १-ओभर ७१ खेले। उनीहरूले जनही ५० हजार ५ सय नगद पुरस्कार आफ्नो नाममा लेखाए।
समग्रमा ९-ओभर २ सय १९ को स्कोरमा‌ रबि खड्का सातौं हुदै ३९ हजार रुपैयाँ हात पारे। उनले आज ५-ओभर ७५ मा खेल सकाए।

समग्रमा १० ओभर २ सय २० को नतिजा निकालेका सञ्जय लामा र सूर्य प्रसाद शर्माले संयुक्तरुपमा आठौं स्थानमा प्रतियोगिता सकाए। उनीहरूले जनही ३४ हजार २ सय ५० रुपैयाँ प्राप्त गरे। धरानका देउराज पाख्रीनले समग्रमा ११-ओभर २ सय २१ को स्कोरमा दशौं हुदै ३१ हजार हात पारे। आज उनले ३-ओभर ७३ मा खेल पुरा गरे।

एमरच्योरतर्फ गजेन्द्र गुरूङ समग्रमा ८-ओभर २ सय १८ सहित युवराज भुजेललाई काउन्ट ब्याकमा हराउँदै उपाधि जित्न सफल भए। आज गजेन्द्रले ३-ओभर ७३‌ र युवराजले ६-ओभर ७६ को स्कोर गरे। समग्रमा ११-ओभर २ सय २१ सहित सुमन परियार र सुन्दर राईले संयुक्तरुपमा तेस्रो स्थान बाँडे। सुमनले आज इभन-पार ७० मा खेल सकाउँदा सुन्दरले ५-ओभर ७५ मा खेल पुरा गरे।

अन्तिम १८ होलको खेल सुरू हुदा शुक्र नीरज भन्दा मात्र एक स्ट्रोकले पछि रहेकोले उपाधि दौड प्रतिस्पर्धात्मक हुने अनुमान गरिएको थियो। तर नीरजले शुक्रलाई चुनौती दिन सकेनन। शुक्रले सानदार सुरूवात गरे। तेस्रो देखि छेटौं होलसम्म लगातार चार बर्डीको सफलता प्राप्त गरे।

आठौं होलमा एक सट गुमाएपछि फ्रन्ट नाइन ३-अन्डर ३३ मा पुरा गरे। सुरूवात राम्रो गरेपछि शुक्रले ब्याक नाइन बिना दबाब खेले। ११औं होलमा एक सट बचाउँदा १३औं, १४औं र १६औं होलमा बोगी खेपे। ब्याक नाइन २-ओभर ३६ मा पुरा गरेपनि ५ स्ट्रोकको सानदार नतिजामा च्याम्पियन बने।

नीरजले फ्रन्ट नाइन १-अन्डर ३५ मा सकाए। तेस्रो, छैटौं र नवौं होलमा एक-एक सट बचाए। तर पाँचौँ र आठौं होलमा बोगी प्रहार गरे। फ्रन्ट नाइन सकिंदा नीरज शुक्र भन्दा ३ स्ट्रोकले पछि थिए भने उनले ब्याक नाइनमा बिर्सनलायक ४-ओभर ३८ को प्रदर्शन गरे। १०औं, १४औं र १७औं होलमा बोगी र ४-पारको १५औ होलमा डबल बोगीको सामना गरे। अन्तिम होलको बर्डीले दोस्रो स्थान प्राप्त गरे।

भुवनले ५-पारको छैटौं होलमा डबल बोगी प्रहार गरे। तेस्रो, छैटौं र नवौं होलको बर्डीको मद्दतमा फ्रन्ट नाइन १-अन्डर ३५ मा‌ पुरा गरे। ब्याक नाइनमा तीन बोगी प्रहार गरे। १३औ, १४औं र १७औं होलमा एक-एक सट खेर फाले। १८औं होलमा बर्डी सहित ब्याक नाइन २-ओभर ३६ मा सकाए।

कुल ८ लाख ४० हजार नगद पुरस्कार राशी रहेको प्रतियोगितामा ३० प्रो र १७ एमेच्योर गरी कुल ४७ गल्फरको सहभागीता रहेको थियो। 

प्रतियोगिताका विजयी खेलाडीहरुलाई सूर्य नेपाल प्रालिका मार्केटिङ्ग म्यानेजर केशव प्रधान, नेपाल गल्फ संघका उपाध्यक्ष तिलक राई, कोशी प्रदेश गल्फ संघका उपाध्यक्ष भरत तामाङ र धरान गल्फ कल्बका अध्यक्ष वीरेन्द्र विक्रम लिम्बुले पुरस्कार वितरण गरे।

प्रतियोगिताको अन्तिम दिन शनिबार प्रो-एम प्रतियोगिता हुनेछ। सूर्य नेपाल गल्फ टुर २०२३-२४ अन्तर्गत ६५ लाख रुपैयाँ पुरस्कारको कुल ८ प्रतियोगिता हुनेछ। 

February 25, 2024

स्यामुयललाई दोस्रो मिस्टर उजिरसिंह उपाधि

सुमन अधिकारी,बुटवल फिटनेस हबका स्यामुयल गुरुङले दोस्रो मिस्टर उजिरसिंह बडिबिल्डिङ प्रतियोगिताको उपाधि जितेका छन् । प्रदेशस्तरिय वुमन फिजिक्सको उपाधि बुटवलकी रविना कुँवरले जितेकी छन् । रुपन्देही जिल्ला शारीरिक सुगठन तथा फिटनेस संघको आयोजनामा बुटवलमा भएको प्रतियोगितामा ओभरअल क्याटगरीमा अन्य प्रतिस्प्रर्धीलाई पछि पार्दै स्यामुयलले उपाधि जितेका हुन् । उपाधिसंगै उनले ५० हजार रुपैयाँ प्राप्त गरेका छन् […]

February 24, 2024

गोर्खालीलाई रग्बी लिग उपाधि

काठमाडौं (हाम्रो खेलकुद) – गोर्खाली रग्बी राष्ट्रिय फिफ्टिन्स रग्बी लिग च्याम्पियनसिपको उपाधि जितेको छ । दशरथ रंगशालामा त्रिभुवन आर्मी क्लबलाई शनिबार ६६–७ को स्कोरमा हराउँदै गोर्खालीले उपाधि जितेको हो । अपराजित रहँदै च्याम्पियन बनेको गोर्खालीले पहिलो खेलमा नेपाल पुलिस क्लबलाई ५४–३ ले र दोस्रो खेलमा एपीएफलाई ४९–२० को स्कोरमा पराजित गरेको थियो । गोर्खाली रग्बी […]

February 24, 2024

सूर्य नेपाल वेस्टर्न ओपन-सञ्जीवको टिमलाई प्रो–एमको उपाधि

पोखरा (हाम्रो खेलकुद) – सूर्य नेपाल गल्फ टुर २०२३–२४ अन्तर्गतको चौंथो प्रतियोगिता, सूर्य नेपाल वेस्टर्न ओपनको प्रो–एमको उपाधि प्रोफेसनल सञ्जीव बहादुर नेपालीको टिमले जितेको छ। पोखरास्थित पार–६९ को हिमालयन गल्फ क्लबमा उपाधि जित्ने क्रममा सञ्जीवको टिमले कुल १ सय ४८ स्कोर बनायो। प्रो सञ्जीवले ३४ अंक बनाउँदा एमेच्योरहरू १२ बर्षका युवा गल्फर दीप्सन लामाले ३९, […]

Success

Thank you for your time.