default_image

6 months ago

January 27, 2024

ढोरपाटन लिगमा धादिङको विजयी सुरुवात

1141 views

0 Bookmark

काठमाडौं (हाम्रो खेलकुद)- धादिङ स्पोर्टस क्लबले जितका साथ होङवाङ्जी ढोरपाटन महिला भलिबल डबल लिग च्याम्पियनसिपको सुरुवात गरेको छ ।

ढोरपाटन स्पोर्टस क्लबको आयोजनामा गोगंबु बसपार्क नजिक डिभी मार्केटसँगैको कोर्टमा शनिबार धादिङले जावलाखेल भलिबल ट्रेनिङ क्लबलाई ३-१ ले हराएको छ ।

धादिङले २५-२२,२५-१९,१८-२५ र२५-९ ले खेल जितेको हो । जावलाखेलले भने लगातार दोस्रो खेलमा हार बेहोरेको छ ।

आज त्यसअघि साविक विजेता एपिएफ, चन्द्रागिरी नगरपालिका महिला भलिबल टिम र नेपाल पुलिस क्लबले लगातार दोस्रो खेल जितेका थिए।

एपिएफले त्रिभुवन आर्मी क्लबले ३-१ ले हराएको थियो।
एपिएफले आर्मीलाई २५-२२,२२-२५,२५-२२ र २५-२२ ले पराजित गरेको हो । एपिएफले लगातार दुई खेल जित्दा आर्मीले दुई हार बेहोरेको छ। पहिलो खेलमा आर्मी न्यु डायमण्ड महिला भलिबल टिमसँग पराजित भएको थियो।

शनिबार न्यु डायमण्डले बागमती प्रदेशलाई ३-० ले हराएको छ। न्यु डायमण्डले बागमती २५-८, २५-३ र २५- ५ ले हराएको थियो।  पहिलो खेलमा नेपाल पुलिस क्लबले एन्जल्स हार्टलाई २५-६, २५-१४ र २५-६ ले हराएको थियो। पुलिसको त्यो दोस्रो जित हो ।

पुलिस र एपिएफको समान ६ अंक छ । न्यु डायमण्डको ५ , धादिङको ३ र आर्मीको १ अंक छ।

ढोरपाटन स्पोर्टस क्लबले आयोजना गरेको लिगमा एपिएफ, बागमती, पुलिस , जावलाखेल,  त्रिभुवन आर्मी क्लब,  न्यु डायमण्ड , धादिङ स्पोर्टस क्लब र एन्जल्स हार्ट गरि ८ टोलीको सहभागिता रहेकाे छ ।

पहिलो लिगको शीर्ष ६ स्थानमा रहने टोलीले दोस्रो लिगमा पुनः प्रतिस्पर्धा गर्ने ढोरपाटनले जनाएको छ ।ढोरपाटनको १६ औं संस्करणको उत्कृष्ट खेलाडी र वर्षको उत्कृष्ट खेलाडीले एम्पियरको स्कुटर प्राप्त गर्नेछन् ।

July 25, 2024

महर्जन बागमतीको युवा तथा खेलकुद मन्त्री‌ नियुक्त

काठमाडौं (हाम्रो खेलकुद)- पुराना करातेकर्मी मीन कृष्ण महर्जन बागमती प्रदेशको युवा तथा खेलकुद मन्त्री‌ नियुक्त भएका छन् । बागमती प्रदेशका मुख्यमन्त्री बहादुरसिं लामाले बिहीबार मन्त्रिपरिषद् विस्तार गर्दा महर्जनलाई युवा तथा खेलकुद मन्त्रालयको जिम्मेवारी दिइएको हो । लामाले आफ्नै दल कांग्रेसका तर्फबाट चार मन्त्री नियुक्त गरेका हुन् । महर्जनसँगै कांग्रेसबाट प्रभात तामाङ, सुरजचन्द्र लामिछाने र बिमल […]

July 24, 2024

किर्गिजस्तान काभा यु २० भलिबल च्याम्पियन

काठमाडौं (हाम्रो खेलकुद) – किर्गिजस्तानले माल्दिभ्समा‌ सम्पन्न काभा यु २० महिला भलिबल च्याम्पियनसिपको‌ उपाधि जितेको छ। मंगलबार भएको फाइनलमा श्रीलंकालाई ३-० ले हराउँदै किर्गिजस्तान च्याम्पियन बनेको हो । किर्गिजस्तान २८-२६,२५-१७,२५-१९ ले विजयी भएको थियो। लिग चरणमा भने श्रीलंकाले किर्गिजस्तानलाई हराएको थियो। नेपाली महिला युवा टोली च्याम्पियनसिपमा‌ तेस्रो स्थान हासिल गरेको छ। नेपालले आयोजक माल्दिभ्सलाई  हराउँदै […]

July 23, 2024

काभा यु २० भलिबलमा नेपाल‌ तेस्रो

काठमाडौं (हाम्रो खेलकुद) – नेपाली महिला युवा टोलीले माल्दिभ्समा जारी काभा यु २० महिला भलिबल च्याम्पियनसिपमा‌ तेस्रो स्थान हासिल गरेको छ। नेपालले कास्य पदकको प्रतिस्पर्धाका मंगलबार आयोजक माल्दिभ्सलाई ३-० ले हराएको हो । नेपाल २५-१५, २५-१०,२५-१४ ले विजयी भएको छ।लिग चरणमा नेपालले माल्दिभ्सलाई मात्र ३-० को सोझो सेटमा हराएको थियो। लिग चरणको पहिलो खेलमा श्रीलंकासँग ३-१ […]

Success

Thank you for your time.