6 months ago
January 28, 2024
काठमाडौं (हाम्रो खेलकुद)– साविक विजेता एपिएफले
होङवाङ्जी ढोरपाटन महिला भलिबल डबल लिग च्याम्पियनसिपमा लगातार तेस्रो खेल जितेको छ।
ढोरपाटन स्पोर्टस क्लबको आयोजनामा गोगंबु बसपार्क नजिक डिभी मार्केटसँगैको कोर्टमा जारी प्रतियोगिता आइतबारको खेलमा एपिएफले जावलाखेल भलिबल ट्रेनिङ क्लबलाई ३-० ले हराएको छ ।
एपिएफले २५-१, २५-३,२५- ले सहजै जितेको थियो। पहिलो सेटमा एपिएफले १७ अंक जोडेपछि जावलाखेलले पहिलो अंक बटुलेको थियो। त्यो पनि एपिएफको गल्तिमा जावलाखेले अंक जोडेको हो । एपिएफको यो लगातार तेस्रो जित र जावलाखेलको तेस्रो हार हो ।
९ अंकसहित एपिएफ शीर्षस्थानमा उक्लेको छ। चन्द्रागिरी नगरपालिका महिला भलिबल टिमको न्यु डायमण्न्डको ८ अंक छ । धादिङ स्पोर्टस क्लब, साविक , नेपाल पुलिस क्लबको समान ६ तथा त्रिभुवन आर्मी क्लबको १ अंक छ ।
न्यु डायमण्डले पनि आइतबार लगातार तेस्रो खेल जितेको थियो । न्यु डायमण्डले एन्जल्स हार्ट कलेजलाई २५–१३,२५–८, २५–९ को सोझो सेटले हराएको थियो ।
न्यु डायमन्डले यसअघि पहिलो खेलमा त्रिभुवत आर्मी क्लब र बागमती प्रदेशलाई हराएको थियो । आइतबारको पहिलो खेलमा धादिङले बागमतीलाई २५–८, २५–१३,२५–१२ ले हराएको हो । धादिङको यो दोस्रो जित हो । बागमतीले लगातार तेस्रो खेल गुमाएको छ ।
आज अझै दुई खेल हुनेछन् । विभागिय डर्बीमा पुलिस र आर्मीबीच प्रतिस्पर्धा हुनेछ । अन्तिम खेल धादिङ र एन्जल्स हार्टबीच हुनेछ ।
ढोरपाटन स्पोर्टस क्लबले आयोजना गरेको लिगमा एपिएफ, बागमती, पुलिस , जावलाखेल, त्रिभुवन आर्मी क्लब, न्यु डायमण्ड , धादिङ स्पोर्टस क्लब र एन्जल्स हार्ट गरि ८ टोलीको सहभागिता रहेको छ ।
पहिलो चरणमा शीर्ष ६ स्थानमा रहने टोलीले दोस्रो लिगमा पुनः प्रतिस्पर्धा गर्ने ढोरपाटनले जनाएको छ । ढोरपाटनको १६ औं संस्करणको उत्कृष्ट खेलाडी र वर्षको उत्कृष्ट खेलाडीले एम्पियरको स्कुटर प्राप्त गर्नेछन् ।
प्रतियोगिताको विजेता टोलीले ५ लाख १ हजार, दोस्रो टोलीले २ लाख ५० हजार, तेस्रो टोलीले १ लाख २५ हजार, चौथो टोलीले ७५ हजार, पाँचौं टोलीले ५० हजार र छैटौं टोलीले २५ हजार रुपैयाँ प्राप्त गर्नेछ ।
July 26, 2024
काठमाडौं (हाम्रो खेलकुद)- नेपालले काभा वमन्स नेसन्स भलिबल लिगको उद्घाटन खेलमा श्रीलंकाको सामना गर्ने भएको छ। नेपालसहित ५ राष्ट्रको सहभागिता साउन १७ गते नेसन्स लिग सुरु हुँदैछ। नेपाल, श्रीलंकासहित इरान, भारत र माल्दिभ्सले नेसन्स लिगको उपाधिका लागि प्रतिस्पर्धा गर्नेछन्। आयोजक नेपाल भलिबल संघले शुक्रबार पत्रकार सम्मेलनमार्फत नेसन्स लिगको ट्रफी सार्वजनिक गरेको छ । गैर आवासीय […]
July 26, 2024
काठमाडौं (हाम्रो खेलकुद)– विश्व खेलकुदको महाकुम्भका रुपमा स्थापित ओलम्पिकको ३३ औं ग्रिष्मकालिन ओलम्पिक ‘पेरिस ओलम्पिक) आज औपचारिक सुरुवात हुँदैछ । नेपाल समय अनुसार राति ११ः१५ बजे ओलम्पिकको उद्घाटन समारोह सुरु हुनेछ । विश्वका २ सय ६ देशका १० हजार भन्दा बढी खेलाडीको यसपटकको ओलम्पिकका सहभागिता रहनेछ । पेरिस सहरलाई उद्घाटन समारोहका लागि प्रयोग गरिने बताइएको […]
July 25, 2024
काठमाडौं (हाम्रो खेलकुद)- पुराना करातेकर्मी मीन कृष्ण महर्जन बागमती प्रदेशको युवा तथा खेलकुद मन्त्री नियुक्त भएका छन् । बागमती प्रदेशका मुख्यमन्त्री बहादुरसिं लामाले बिहीबार मन्त्रिपरिषद् विस्तार गर्दा महर्जनलाई युवा तथा खेलकुद मन्त्रालयको जिम्मेवारी दिइएको हो । लामाले आफ्नै दल कांग्रेसका तर्फबाट चार मन्त्री नियुक्त गरेका हुन् । महर्जनसँगै कांग्रेसबाट प्रभात तामाङ, सुरजचन्द्र लामिछाने र बिमल […]