default_image

3 weeks ago

February 2, 2024

एपिएफसँग पुलिस फेरि पराजित

काठमाडौं (हाम्रो खेलकुद)– एपिएफले होङवाङ्जी ढोरपाटन महिला भलिबल डबल लिग च्याम्पियनसिपको दोस्रो चरणको सुरुवात पनि जितबाट गरेको छ । ढोरपाटन स्पोर्टस क्लबको आयोजनामा गोगंबु बसपार्क नजिक डिभी मार्केटसँगैको कोर्टमा जारी प्रतियोगिताको आठौं दिन शुक्रबार एपिएफले अर्को विभागिय टोली नेपाल पुलिस क्लबलाई ३–० को सोझो सेटमा हरायो । एपिएफले २५–२०,२५–२१ र २५–१२ ले पुलिसलाई हराएको थियो […]

2858 views

0 Bookmark

काठमाडौं (हाम्रो खेलकुद)– एपिएफले होङवाङ्जी ढोरपाटन महिला भलिबल डबल लिग च्याम्पियनसिपको दोस्रो चरणको सुरुवात पनि जितबाट गरेको छ ।

ढोरपाटन स्पोर्टस क्लबको आयोजनामा गोगंबु बसपार्क नजिक डिभी मार्केटसँगैको कोर्टमा जारी प्रतियोगिताको आठौं दिन शुक्रबार एपिएफले अर्को विभागिय टोली नेपाल पुलिस क्लबलाई ३–० को सोझो सेटमा हरायो । एपिएफले २५–२०,२५–२१ र २५–१२ ले पुलिसलाई हराएको थियो । सबै ८ खेलमा जित निकालेको एपिएफको २३ अंक पुगेको छ ।

एन्जल्स हार्ट कलेजले मिश्रित नतिजाको आत्मसात गर्दा त्रिभुवन आर्मी क्लब र चन्द्रागिरी नगरपालिका न्यु डायमण्ड महिला टिमले जित हासिल गरेको छ । धादिङ स्पोर्टस क्लबले भने दुबै खेल गुमाएको थियो । न्यु डायमन्डसँग ३–० पराजित भएको एन्जल हार्टले धादिङमाथि ३–० कै जित निकालेको थियो ।

डायमन्डले एन्जल हार्टलाई २५–८,२५–२१ र २५–९ ले हराएको थियो । सोही दिनको आफ्नो दोस्रो खेलमा एन्जल्स हार्टले धादिङमाथि २५–१४,२५–१२ र २५–२१ जित निकालेको थियो । दिनको पहिलो खेलमा आर्मीले धादिङलाई २५–१६,२५–११ र २५–६ ले हराएको थियो ।

दास्रो चरणको पहिलो खेलको समाप्तीपछि दोस्रो स्थानमा रहेको आर्मीको १९ अंक पुगेको छ । १८ अंकसहित न्यु डायमण्ड तेस्रो स्थानमा उक्लेको छ । पुलिस १५ अंकसहित चौथो स्थनमा छ । पाँचौंमा रहेको एन्जल्स हार्टको १२ अंक पुगेको छ भने पुछारमा रहेको धादिङको ६ अंक छ ।

जावलाखेल भलिबल ट्रनिङ क्लब र बागमती प्रदेश पहिलो चरणबाट बाहिरिएको थियो । ढोरपाटनको १६ औं संस्करणको उत्कृष्ट खेलाडी र वर्षको उत्कृष्ट खेलाडीले एम्पियरको स्कुटर प्राप्त गर्नेछन् ।

प्रतियोगिताको विजेता टोलीले ५ लाख १ हजार, दोस्रो टोलीले २ लाख ५० हजार, तेस्रो टोलीले १ लाख २५ हजार, चौथो टोलीले ७५ हजार, पाँचौं टोलीले ५० हजार र छैटौं टोलीले २५ हजार रुपैयाँ प्राप्त गर्नेछ ।

February 24, 2024

गोर्खालीलाई रग्बी लिग उपाधि

काठमाडौं (हाम्रो खेलकुद) – गोर्खाली रग्बी राष्ट्रिय फिफ्टिन्स रग्बी लिग च्याम्पियनसिपको उपाधि जितेको छ । दशरथ रंगशालामा त्रिभुवन आर्मी क्लबलाई शनिबार ६६–७ को स्कोरमा हराउँदै गोर्खालीले उपाधि जितेको हो । अपराजित रहँदै च्याम्पियन बनेको गोर्खालीले पहिलो खेलमा नेपाल पुलिस क्लबलाई ५४–३ ले र दोस्रो खेलमा एपीएफलाई ४९–२० को स्कोरमा पराजित गरेको थियो । गोर्खाली रग्बी […]

February 24, 2024

सूर्य नेपाल वेस्टर्न ओपन-सञ्जीवको टिमलाई प्रो–एमको उपाधि

पोखरा (हाम्रो खेलकुद) – सूर्य नेपाल गल्फ टुर २०२३–२४ अन्तर्गतको चौंथो प्रतियोगिता, सूर्य नेपाल वेस्टर्न ओपनको प्रो–एमको उपाधि प्रोफेसनल सञ्जीव बहादुर नेपालीको टिमले जितेको छ। पोखरास्थित पार–६९ को हिमालयन गल्फ क्लबमा उपाधि जित्ने क्रममा सञ्जीवको टिमले कुल १ सय ४८ स्कोर बनायो। प्रो सञ्जीवले ३४ अंक बनाउँदा एमेच्योरहरू १२ बर्षका युवा गल्फर दीप्सन लामाले ३९, […]

February 24, 2024

सन्तोषीलाई धरान १० के उपाधि

धरान (हाम्रो खेलकुद)- सन्तोषी श्रेष्ठले धरान १० के महिलातर्फको उपाधि जितेकी छन् । पोखरामा‌ हाफ म्याराथनको उपाधि जितेको एक सातामा शनिबार धरानमा भएको १० किमीमा सन्तोषी पहिलो भएकी हुन् । सन्तोषीले ३८ मिनेट ०८ सेकेन्डमा दौड पूरा गर्दै उपाधि जितेकी हुन् । छेन्बीमाया माया राई (४४ मिनेट ०२ सेकेन्ड) दोस्रो र इन्द्रकला नेम्वाङ (४४ मिनेट […]

Success

Thank you for your time.