default_image

5 months ago

February 5, 2024

ढोरपाटन महिला लिग– दोस्रो स्थानका लागि तीव्र प्रतिस्पर्धा

3260 views

0 Bookmark

काठमाडौं (हाम्रो खेलकुद) – ढोरपाटन महिला डबल लिगको अन्तिम खेल अघि नै नेपाल एपिएफ क्लब च्याम्पियन बनिसकेको छ । लिगको अन्तिम दुई खेल बाँकी रहँदा दोस्रो स्थानका लागि ३ टोलीबीच तीव्र प्रतिस्पर्धा रहेको छ । मंगलबार हुने अन्तिम दुई खेलले दोस्रो, तेस्रो र चौथो टोलीको टुंगो लाग्नेछ ।

ढोरपाटन स्पोर्टस क्लबको आयोजनामा गोगंबु बसपार्क नजिक डिभी मार्केटसँगैको कोर्टमा जारी प्रतियोगिताको ११ औं दिन नेपाल पुलिस क्लब सोमबार त्रिभुवन आर्मी क्लबलाई ३–२ ले पराजित गर्दै फेरि दोस्रो स्थानको दौडमा फर्केको छ । आइतबार खराब प्रकाशका कारण स्थगित खेल सोमबार खेलाइएको थियो ।

त्यो खेल पुलिसले सुरुवाती दुई सेट गुमाएर पनि उत्कृष्ट पुनरागमनका साथ २४–२६,२३–२५,२५–१९,२५–१९ र १५ –९ ले विजयी भएको थियो । त्यो खेल जितेर २ अंक थपेपछि पुलिसको खातामा २३ अंक पुगेको छ । १ अंक थपेको आर्मीको पनि २३ अंक पुगेको छ । २४ अंकका साथ चन्द्रागिरी नगरपालिका न्यु डायमण्ड महिला भलिबल टिम रहेको छ ।

एन्जल हार्टले सबै १२ खेलमा १२ अंक जोडेदै पाँचौं र धादिङ स्पोर्टस क्लब ६ अंकका साथ सातौं स्थानमा रहेको छ । जावलाखेल ७ खेलमा ३ र बागमती विना कुनै अंक पहिलो चरणबाट बाहिरिएका थिए । अन्तिम दिन पहिलो खेल न्यु डायमण्ड र पुलिसबीच खेल हुनेछ । न्यु डायमण्डले त्यो खेल जितेमा दोस्रो हुनेछ । पुलिस जितेको खण्डमा एपिएफ र आर्मीबीच हुने अन्तिम खेलको नतिजा पर्खनुपर्ने हुन्छ ।

ढोरपाटन स्पोर्टस क्लबको आयोजनामा जारी १६ औं संस्करणको उत्कृष्ट खेलाडी र वर्षको उत्कृष्ट खेलाडीले एम्पियरको स्कुटर प्राप्त गर्नेछन् । प्रतियोगिताको विजेता टोलीले ५ लाख १ हजार, दोस्रो टोलीले २ लाख ५० हजार, तेस्रो टोलीले १ लाख २५ हजार, चौथो टोलीले ७५ हजार, पाँचौं टोलीले ५० हजार र छैटौं टोलीले २५ हजार रुपैयाँ प्राप्त गर्नेछ ।

June 19, 2024

लुम्बिनी प्रदेश यु–१९ महिला टोलीको छनोट

सुमन अधिकारी, बुटवल नेपाल भलिबल संघको आयोजनामा असार ९ गतेबाट काठमाडौंमा सुरु हुने प्रथम सहाना प्रधान यु १९ महिला तथा पुरुष भलिवल प्रतियोगिताका लागि लुम्बिनी प्रदेशको १२ सदस्यीय महिला टोलीको बुटवलमा छनोट भएको‌ छ । प्रदेश भलिबल संघको अनुगमनमा संघका उपाध्यक्ष यम गुरुङ, रेफ्रि बुद्धि बशस्यालसहितको उपस्थितिमा भएको छनौटमा विभिन्न जिल्लाबाट सहभागी २८ जनाबाट टोलीको […]

June 18, 2024

सूर्य नेपाल प्रिमियर गल्फ – पहिलो दिन दिनेशको‌ अग्रता

काठमाडौ (हाम्रो खेलकुद)- सूर्य नेपाल प्रिमियर गल्फ च्याम्पियनसिपको पहिलो दिन दिनेश प्रजापति ७-अन्डर ६५ को सानदार स्कोरमा शीर्षस्थानमा रहेका छन्। दिनेशले तोरण विक्रम शाही र एमेच्योर सुमन परियारलाई एक स्ट्रोकले पछि पारे। गोकर्ण गल्फ क्लबमा मंगलबार तोरण र सुमनले ६-अन्डर ६६ को स्कोरमा संयुक्तरुपमा दोस्रो स्थान बाँडे। डिफेन्डिङ च्याम्पियन सुबाश तामाङ, भुवन नगरकोटी र एमेच्योर […]

June 17, 2024

क्रिकेट टोलीसहित अन्तर्राष्ट्रिय पदक विजेता खेलाडी पुरस्कृत

काठमाडौं (काठमाडौं)- विभिन्न अन्तर्राष्ट्रिय प्रतियोगितामा पदक जित्न सफल खेलाडीलाई युवा तथा खेलकुद मन्त्रालयले आइतबार नगदसहित पुरस्कृत गरेको छ । युवा तथा खेलकुद मन्त्री विराजभक्त श्रेष्ठ, राष्ट्रिय खेलकुद परिषद् (राखेप) का सदस्य–सचिव टंकलाल घिसिङ र खेलकुद मन्त्रालयका सचिव सुमनराज अर्यालले विभिन्न ४ अन्तर्राष्ट्रिय प्रतियोगितामा पदक जित्न सफल खेलाडीसहितको टोलीलाई प्रशंसा पत्र र नगदसहित पुरस्कृत गरे । […]

Success

Thank you for your time.