default_image

2 months ago

March 6, 2024

सूर्य नेपाल च्यालेन्ज– सदभाव शीर्षस्थान यथावत

काठमाडौं (हाम्रो खेलकुद) – एमेच्योर गल्फर सदभाव आचार्य सूर्य नेपाल गल्फ टुर २०२३–२४ अन्तर्गतको पाँचौं प्रतियोगिताका रुपमा सूर्य नेपाल च्यालेन्जको तेस्रो दिन ३ स्ट्रोकको अग्रता सहित शीर्षस्थानमा यथावत रहेका छन् । रोयल नेपाल गल्फ क्लबमा बुधबार साविक विजेता युवा गल्फर सदभावले ४–अन्डर ६४ को उम्दा प्रदर्शन गर्दा समग्रमा ७–अन्डर १ सय ९७ सहित पूर्व नम्बर […]

287 views

0 Bookmark

काठमाडौं (हाम्रो खेलकुद) – एमेच्योर गल्फर सदभाव आचार्य सूर्य नेपाल गल्फ टुर २०२३–२४ अन्तर्गतको पाँचौं प्रतियोगिताका रुपमा सूर्य नेपाल च्यालेन्जको तेस्रो दिन ३ स्ट्रोकको अग्रता सहित शीर्षस्थानमा यथावत रहेका छन् ।

रोयल नेपाल गल्फ क्लबमा बुधबार साविक विजेता युवा गल्फर सदभावले ४–अन्डर ६४ को उम्दा प्रदर्शन गर्दा समग्रमा ७–अन्डर १ सय ९७ सहित पूर्व नम्बर एक गल्फर रवि खड्कालाई ३ स्ट्रोकले पछि पारेका छन् । रविले आज ३–अन्डर ६५ स्कोर बनाए । उनी समग्रमा ४–अन्डर २०० सहित दोस्रो स्थानमा उक्लिएका छन् ।

भुवन नगरकोटीले आज दिनकै उत्कृष्ट स्कोर कार्ड तयार पार्ने क्रममा ५–अन्डर ६३ स्कोर गरे । समग्रमा ३–अन्डर २ सय १ सहित तेस्रो स्थानमा उक्लिएका छन् । धन बहादुर थापाले आज इभन–पार ६८ मा खेल सकाउँदा समग्रमा २–अन्डर २ सय २ सहित चौथो स्थानमा झरेका छन् ।

भेट्रान प्रो दीपक मगरले ३–अन्डर ६५ मा तेस्रो दिनको खेल सकाएका छन् । उनी समग्रमा इभन–पार २ सय ४ को नतिजामा पाँचौ स्थानमा उक्लिएका छन्। समग्रमा २–ओभर २ सय ६ सहित सञ्जय लामा छैटौं स्थानमा छन् । उनले आज १–अन्डर ६७ मा खेल सकाएका छन् ।

आज ४–अन्डर ६४ को उत्कृष्ट नतिजा सहित समग्रमा ३–ओभर २ सय ७ सहित विष्णु प्रसाद शर्मा सातौं स्थानमा उक्लिएका छन् । एमेच्योर टासी छिरिङ र प्रो रामे मगर समग्रमा ४–ओभर २ सय ८ सहित आठौं स्थानमा छन् । टासीले आज २–अन्डर ६६ मा खेल सकाएका हुन् । उनी एमेच्योरतर्फ‌ दोस्रो स्थानमा छन् । पहिलो दिनका लिडर रामेले आज ५–ओभर ७३ को खराब प्रदर्शन गरेका छन् ।

समग्रमा ५–ओभर २ सय ९ सहित भुवन कुमार रोक्का, जयराम श्रेष्ठ र दिनेश प्रजापतिले १०औं स्थान बाँडे। भुवनले ४–अन्डर ६४, जयरामले ३–ओभर ७१ र दिनेशले ५–ओभर ७३ मा खेल सकाए।

उपाधि रक्षा गर्ने दाउमा रहेका सदभावले पहिलो होलमा नै ओबी प्रहार गर्दै सो होलमा बोगी खेपे। तर उनले उत्कृष्ट पुनरागमन गरे। दोस्रो होलमा बर्डी र ५–पारको चौथो होलमा इगलको सफलता प्राप्त गरे। यसपछि पाँचौं होलमा एक सट खेर फाले भने सातौं होलको बर्डीले फ्रन्ट नाइन २–अन्डर ३२ मा सकाए।

यसपछि १३औं होलको बोगीका विरूद्ध १०औं, १५औं र १८औं होलमा बर्डीको‌ सफलता सहित सदभावले ब्याक नाइन २–अन्डर ३२ मा नै पुरा गरे। अन्तिम १८ होलको खेल बाकी छँदा करियरको तेश्रो उपाधि जित्ने सम्भावनालाई बलियो बनाएका छन्।
रविले फ्रन्ट नाइन १–अन्डर ३३ र ब्याक नाइन २–अन्डर ३२ मा सकाए। उनले चौथो, १३औं, १४औं र १६औं होलमा चार बर्डी प्रहार गरे भने १२औं होलमा एक सट खेर फाले।

भुवनले लोभलाग्दो सुरूवात गर्दै फ्रन्ट नाइन ४–अन्डर ३० मा सकाए‌। पहिलो, चौथो, आठौं र नवौं होलमा बर्डी प्रहार गरे। यसपछि १०औं र १७औं होलमा पनि एक–एक सट बचाए भने १८औं होलमा बोगीको सामना गरे।

धनले फ्रन्ट नाइन १–अन्डर ३३ र ब्याक नाइन १–ओभर ३५ मा‌ पुरा गरे। उनले तेस्रो, आठौं र १३औं होलमा बर्डी प्रहार गर्दा चौथौं, १७औं र १८औं होलमा एक–एक सट खेर फाले।

चारदिनसम्म चल्ने ७२ होलको प्रतियोगितामा ३१ प्रोफेसनल र ११ एमेच्योर खेलाडीको सहभागिता रहेको छ । कुल ५ लाख ७२ हजार २ सय ५० रुपैयाँ पुरस्कार रहेको प्रतियोगिताको विजेताले १ लाख, दोस्रोले ६७ हजार, तेस्रोले ४८ हजार रुपैयाँ प्राप्त गर्नेछन् । यसैगरी चौथो हुनेले ४० हजार र पाँचौ हुनेले ३६ हजार रुपैयाँ पाउनेछन् । कट बनाउने २१ प्रोफेसनल गल्फरले नगद पुरस्कार प्राप्त गर्नेछन् ।

April 23, 2024

केएनपी नेरोलेक महिला भलिबल– न्यु डायमन्ड र आर्मीबीच पहिलो खेल

काठमाडौं (हाम्रो खेलकुद)– शेरबहादुर खड्का स्मृति प्रतिष्ठानको आयोजना बुधबार सुरु हुने केएनपी नेरोलेक राष्ट्रिय महिला भलिबल प्रतियोगितामा ४ टोलीको मात्र सहभागिता रहने भएको छ । आयोजकले मंगलबार राखेको टेक्निकल मिटिङले प्रतियोगिता भाग लिन नसक्ने जानकारी दिएको प्रतिष्ठानका अध्यक्ष रन्जन खड्काले जानकारी दिए । अब प्रतियोगिता राउन्ड रोविनका आधारमा हुने भएको छ । सहभागी टोलीका प्रतिनिधिको […]

April 23, 2024

भुवनलाई एक स्ट्रोकको अग्रता

काठमाडौं (हाम्रो खेलकुद) : इभन-पार ६८ को स्कोरमा भुवन नगरकोटी सूर्य नेपाल काठमाडौं ओपनको पहिलो दिन मंगलबार एक स्ट्रोकको अग्रता सहित शीर्षस्थानमा रहेका छन्। उनले रवि खड्का, भुवन कुमार रोक्का र निरज तामाङलाई एक स्ट्रोकले पछि पारेका हुन्। रवि, भुवन र निरजले भने पहिलो दिनको खेल १-ओभर ६९ मा सकाउँदै संयुक्तरुपमा दोस्रो स्थान बाँडे। २-ओभर […]

April 22, 2024

सूर्य नेपाल काठमाडौं ओपन मंगलबार सुरु हुने

काठमाडौं (हाम्रो खेलकुद) – सूर्य नेपाल गल्फ टुर २०२३–२४ अन्तर्गतको सातौं प्रतियोगिताका रुपमा रहेको सूर्य नेपाल काठमाडौं ओपन मंगलबार सुरु हुने भएको छ । रोयल नेपाल गल्फ क्लबमा ७२ होलको ४ दिने प्रतियोगिता शुक्रबारसम्म चल्ने सोमबार आयोजित पत्रकार सम्मेलनमा जानकारी दिइयो । उपाधिको लागि ३२ प्रोफेसनल र ८ एमेच्योर गरी कुल ४० गल्फरहरूले दाबेदारी प्रस्तुत […]

Success

Thank you for your time.