default_image

1 month ago

April 16, 2024

हाइजम्पमा गणेशको राष्ट्रिय कीर्तिमान

185 views

0 Bookmark

काठमाडौं (हाम्रो खेलकुद)- १४ औं केन्द्रीयस्तरीय राष्ट्रपति रनिङ सिल्ड प्रतियोगितामा‌ गण्डकी प्रदेशका गणेश विकले १४औं केन्द्रीयस्तरीय राष्ट्रपति रनिङ शिल्ड अन्तर्गत हाइजम्पमा नयाँ जुनियर राष्ट्रिय कीर्तिमान सहित स्वर्ण पदक जितेका छन्

त्रिपुरेश्वरस्थित दशरथ रंगशालामा भएको स्पर्धामा गणेशले १ दशमलव ८१ मिटर जम्प गर्दै नयाँ रेकर्ड आफ्नो नाममा लेखाए। उनले २०७५ सालमा लुम्बिनीका प्रभु थारुले बनाएको १‌ दशमलव ७७ मिटरको कीर्तिमान तोडे। नयाँ राष्ट्रिय कीर्तिमान कायम गरेका उनले नगद १५ हजार प्राप्त गर्नेछन्। बागमती प्रदेशका अविनास सुनारले १ दशमलव ७५ मिटर जम्प गर्दै रजत र लुम्बिनी प्रदेशका मिलन विश्वकर्माले १ दशमलव ७० मिटर जम्प गर्दै कास्य पदक हात पारे।

छात्रतर्फ १ सय मिटर दौडमा मधेश प्रदेशका आदेशकुमार यादव पहिलो भए। उनले निर्धारित दूरी ११ दशमलव २० सेकेन्ड समयमा दौड पुरा गरे। वाग्मतीका प्रवीण राना मगर ११ दशमलव ३५ सेकेन्डको टाइमिङमा दोस्रो भए। सुदूरपश्चिमका चन्द्र बोहरा तेश्रो भए । सोही स्पर्धाको छात्रामा सुदूरपश्चिमकी रितु जोशी पहिलो भइन। उनले १३ दशमलव ५८ सेकेन्डमा दुरी तय गरिन् । गण्डकीकी एन्जल अधिकारी दोस्रो भइन्।

छात्र १ हजार ५ सय मिटर दौडमा गण्डकीका बादल कार्कीले स्वर्ण जिते। उनले निर्धारित दूरी ४ मिनेट १९ दशमलव १ सेकेन्डमा पूरा गरे। ४ मिनेट १९ दशमलव ६ सेकेन्ड दूरी तय गरेका कर्णालीका अजय विक दोश्रो तथा ४ मिनेट २२ दशमलव ७ सेकेन्डको टइमिङमा सुदूरपश्चिमका विक्रम विक तेश्रो भए। यही स्पर्धाको छात्रातर्फ कर्णालीकी कल्पना बुढाले स्वर्ण जितिन्। उनले निर्धारित दूरी ५ मिनेट ०४ दशमलव ४ सेकेन्डमा पुरा गरिन। सुदूरपश्चिमकी देवकी कुमारी धामी दोस्रो र वाग्मतीकी अस्मिता भुजेल तेस्रो भइन् ।

छात्रतर्फ ४ सय मिटर दौडमा लुम्बिनीका रोहितकुमार गुप्ता पहिलो भए। उनले ५१ दशमलव ५ सेकेन्डमा दूरी तय गरे। बागमतीका सन्तबहादुर दराई दोश्रो र कोशी प्रदेशका राकेश सार्की तेश्रो भए। सो स्पर्धाको छात्रामा कर्णालीकी सरिता खड्काले १ मिनेट ०२‌ दशमलव ३ सकेन्डमा पुरा गर्दै पहिलो भइन। लुम्बिनीकी अनिशा थारु दोश्रो र कर्णालीकी भावना कर्साल तेश्रो भइन् ।

एथलेटिक्समा विभिन्न २६ स्पर्धा समावेश छन। पहिलो दिन मंगलबार ८ स्पर्धाको फाइनल सम्पन्न भएको छ। पहिलो, दोस्रो र तेस्रो हुने खेलाडीहरूले क्रमश ५ हजार ३ हजार र २ हजार नगद पुरस्कार प्राप्त गर्नेछन्।

May 20, 2024

सेपाकताक्रो विश्वकप – नेपाल डबल इभेन्टको पनि सेमिफाइनलमा

काठमाडौं (हाम्रो खेलकुद)– नेपाल मलेसियाको क्वालालम्पुरमा जारी सेपाकताक्रो विश्व कपअन्तर्गत डबल इभेन्टको सेमिफाइनलमा पनि सेमिफाइनलमा प्रवेश गरेको छ । बंगलादेशलाई सोमबार २-१ ले हराएपछि नेपाल समूह एको उपविजेताका रुपमा अन्तिम ४ मा पुगेको हो । नेपालले बंगलादेशलाई १५-१०,१३-१५,१५-७ ले हराएको थियो। समूह विजेता चाइनिज ताइपेइसँग हारेको नेपालले श्रीलंकामाथि भने जित निकालेको थियो। नेपाली टोली आइतबार […]

May 19, 2024

सेपाकताक्रो विश्व कप – नेपाल रेगु इभेन्टको सेमिफाइनलमा

काठमाडौं (हाम्रो खेलकुद)– इरानसँग पराजित भएपनि नेपाली टोली मलेसियाको क्वालालम्पुरमा जारी सेपाकताक्रो विश्व कपअन्तर्गत रेगु इभेन्टको सेमिफाइनलमा प्रवेश गरेको छ । समूह एको आफ्नो अन्तिम खेलमा आइतबार इरानसँग २–० सेटमा पराजित भएपछि समूह उपविजेताका रुपमा नेपाल अन्तिम ४ मा पुगेको हो । नेपाल ६–१५र १२–१५ ले पराजित भएको थियो । त्यसअघि लिग चरणकै खेलमा आजै […]

May 18, 2024

कान्तिपुर हाफ म्याराथन – राजपुराको ह्याट्रिक, दीपकलाई उपाधि

काठमाडौं (हाम्रो खेलकुद) – नेपाल पुलिस क्लबकी राजपुरा पछाईं र त्रिभुवन आर्मी क्लबका दीपक अधिकारीले १२ औं कान्तिपुर हाफ म्याराथनको उपाधि जितेका छन् । राजपुराले लगातार तेस्रो पटक उपाधि जितेर ह्याट्रिक गर्दा दीपक पहिलो पटक विजेता बनेका हुन् । महिलातर्फ राजपुराले १ घण्टा २२ मिनेट २५ सेकेन्डको टाइमिङ निकाल्दै उपाधि जितिन् । गत वर्ष उनी […]

Success

Thank you for your time.