default_image

10 months ago

April 24, 2024

दिनेश र भुवन संयुक्तरुपमा शीर्षस्थानमा

434 views

0 Bookmark

काठमाडौं (हाम्रो खेलकुद)– दिनेश प्रजापति र भुवन नगरकोटी समग्रमा २– अन्डर १ सय ३४ सहित सूर्य नेपाल काठमाडौं ओपनको दोस्रो दिन बुधबार संयुक्तरुपमा शीर्षस्थानमा रहेका छन् । उनीहरूले ३६ होलको समाप्तीमा रवि खड्कालाई दुई स्ट्रोकले पछि पारे ।

सूर्य नेपाल गल्फ टुर २०२३–२४ अन्तर्गतको सातौं प्रतियोगिताका रुपमा रहेको काठमाडौं ओपनमा दिनेश आज ४–अन्डर ६४ को उत्कृष्ट नतिजा निकाल्दै पाँचौ स्थानबाट शीर्षस्थानमा उक्लिएका हुन् । भुवनले भने २–अन्डर ६६ को स्कोर कार्ड तयार पारे । यो स्कोरमा भुवनले दिनेशसँग शीर्षस्थान बाँडे।

आज ४–अन्डर ६४ को उत्कृष्ट कार्ड बनाउने क्रममा दिनेशले सानदार सुरूवात गरे । पहिलो, चौथो, छैटौं र सातौं होलमा बर्डी प्रहार गर्दा पाँचौं होलमा एक सट खेर फाले। उनले फ्रन्ट नाइन ३–अन्डर ३१ मा सकाए । यसपछि १५औं होलमा एक सट खेर फाले भने १०औं र १४औं होलमा बर्डी प्रहार गर्दै ब्याक नाइनमा १–अन्डर ३३ खेले ।

पहिलो दिनका लिडर भुवनले फ्रन्ट नाइन इभन–पार ३४ मा सकाए । पहिलो र छैटौं होलमा बर्डी प्रहार गरे पनि ५–पारको चौथो होलमा डबल बोगी खेपे । यसपछि उनले ब्याक नाइनमा चार वटा बर्डी प्रहार गरे । १०औं, १३औं, १५औं र १६औं होलमा एक–एक सट बचाए । १४औं र १८औं होलको बोगीले ब्याक नाइन २–अन्डर ३२ मा सकाउन बाध्य भए ।

समग्रमा इभन–पार १ सय ३६ सहित रवि खड्का तेस्रो स्थानमा छन् । उनले आज १–अन्डर ६७ को स्कोर दर्ज गरे । रविले फ्रन्ट नाइनमा लोभलाग्दो प्रदर्शन गरे । ५–पोको पहिलो र चौथो होलमा इगल प्रहार गर्दै चार सट बचाए ।

तेस्रो होलमा एक सट खेर फाले भने सातौं होलको बर्डीले फ्रन्ट नाइन ४–अन्डर ३० मा सकाए । तर ब्याक नाइनमा उनले लय गुमाए। १४औं देखि १६औं होलमा लगातार तीन बोगी खेपे र ब्याक नाइन ३–ओभर ३७ मा पुरा गरे । ब्याक नाइनको खराब प्रदर्शनले शीर्षस्थानमा उक्लने मौका रविले गुमाए ।

समग्रमा १–ओभर १ सय ३७ सहित रामे मगर, निरज तामाङ र भुवन कुमार रोक्का संयुक्तरुपमा चौथो स्थानमा छन् । रामेले ४–अन्डर ६४ को उत्कृष्ट स्कोरमा दोस्रो दिनको खेल सकाए । निरज र भुवनले इभन–पार ६८ मा खेल सकाए ।

यसैगरी जयराम श्रेष्ठ र सञ्जय लामा संयुक्तरुपमा सातौं स्थानमा छन् । उनीहरूले समग्रमा २–ओभर १ सय ३८ को स्कोर बनाएका छन् । दुवैले आज इभन–पार ६८ मा खेल सकाए । प्रो कार्ड लिएपछि पहिलो पटक घरेलु टुर खेलिरहेका सुबाश तामाङले आज १–अन्डर ६७ सहित समग्रमा ३–ओभर १ सय ३९ को स्कोर गरे । उनी नवौं स्थानमा रहेका छन् । समग्रमा ४–ओभर १ सय ४० सहित संयुक्तरुपमा दशौं स्थान बाँडे । दुवैले २–ओभर ७० मा खेल सकाए ।

३६ होलको समाप्तीमा १७–ओभर १ सय ५३ सम्म स्कोर गर्ने २२ प्रोफेसनल र ४ एमेच्योर गरी २६ गल्फरले कट बनाएका छन् । प्रोतर्फ तोरण विक्रम शाही, टंक बहादुर कार्की, प्रदीप कुमार लामा, कृष्णमान राजबाहक, टासी घले, भिमसेन चौलागाई, वसन्त राज गुरुङ, रामकृष्ण श्रेष्ठ, पशुपति शर्मा, भु बहादुर गुरुङ र किसन कालीराज सुनारले अन्तिम ३६ होलको लागि स्थान बनाएका छन् ।

एमेच्योरतर्फ टासी छिरिङ समग्रमा २–ओभर १ सय ३८ सहित सद्भाव आचार्यलाई एक स्ट्रोकले पछि पार्दै शीर्षस्थानमा छन् । उनले आज २–अन्डर ६६ को स्कोर निकाले । दाबेदार युवा गल्फर सद्भावले समग्रमा ३–ओभर १ सय ३९ स्कोर खडा गरे । आज उनले १–अन्डर ६७ को कार्ड बनाए । राहुल विश्वकर्मा समग्रमा १०–ओभर १ सय ४६ सहित तेस्रो स्थानमा छन् । उनले आजको खेल इभन–पार ६८ मा सकाए । यी तीन एमेच्योरसँगै भरत थापा मगरले पनि कट बनाए।

७ लाख ३ हजार ५ सय रुपैयाँ पुरस्कार रहेको ४ दिने प्रतियोगिताको विजेता १ लाख २० हजार, दोस्रोले ८२ हजार र तेस्रो ६६ हजार रुपैयाँ प्राप्त गर्नेछन् ।

February 9, 2025

शीतकालीन एसियाली खेलकुद – ४ नेपालीको सहभागिता

काठमाडौं (हाम्रो खेलकुद)- चीनको हारबिनमा भइरहेको नवौं शीतकालीन एसियाली खेलकुदमा शनिवार ४ नेपाली खेलाडीले भाग लिएका छन् । त्यसमध्ये पुरुष स्लालममा सफलराम श्रेष्ठ सहभागी खेलाडीमध्ये ३० औं स्थानमा रहे । सफलरामले दुवै रन १ मिनेट ५८.८६ सेकेन्डमा पूरा गरेको नेपाल ओलम्पिक कमिटी (एनओसी) ले जनाएको छ। त्यसमा कुल ३९ खेलाडीले प्रतिस्पर्धा पूरा गरे । रन–टुमा […]

February 8, 2025

ट्राइयाथलनको सातौं साधारण सभा सम्पन्न

काठमाडौं (हाम्रो खेलकुद)- नेपाल ट्राइयाथलन संघले शनिवार सातौं बार्षिक साधारण सभा गरेको छ । संघका अध्यक्ष निलेन्द्र श्रेष्ठले निर्वाचनपछि संघले गरेका कामका बारेमा जानकारी दिदैं र चुनौतीका बारेका साधारण सभामा धारणा राखे । संघका भावी योजनालाई सहजतापूर्वक आयोजना गर्ने विषय अध्यक्ष श्रेष्ठले प्रतिनिधिलेहरुसँग सुझाव मागेका थिए । अर्को वर्ष वैशाख १३ र १४ गते पोखरामा […]

February 5, 2025

विश्व विद्यालय खेलकुदमा मुकेश र विनालाई स्वर्ण

पोखरा (हाम्रो खेलकुद)- सुदूरपश्चिम विश्वविद्यालयका मुकेश विष्ट र त्रिभुवन विश्वविद्यालय (टियु) की विना थारुले दोश्रो विश्वविद्यालय खेलकुद महोत्सवको एथलेटिक्सको १ सय मिटर दौडमा बुधबार स्वर्ण जितेका छन् । मुकेश पुरुष तथा विना महिलामा पहिलो भए । पोखरा रंगशालामा बुधवार मुकेशले निर्धारित दूरी ११.२२ सेकेन्डमा पूरा गरे । ११.६५ सेकेन्ड समयमा काठमाडौं विश््रवविद्यालयका विकासकुमार शाह दोश्रो […]

Success

Thank you for your time.