default_image

3 weeks ago

April 25, 2024

भुवनको एकल अग्रता

160 views

0 Bookmark

काठमाडौं (हाम्रो खेलकुद)- भुवन नगरकोटी समग्रमा ७-अन्डर १ सय ९७ सहित ६ स्ट्रोकको अग्रता सहित सूर्य नेपाल काठमाडौं ओपनको तेस्रो दिन शीर्षस्थानमा रहेका छन्।

आज भुवनले ५-अन्डर ६३ को उत्कृष्ट प्रदर्शन गर्दा दिनेश प्रजापतिलाई ६ स्ट्रोकले पछि पार्दै एकल अग्रता सहित उपाधि जित्ने संभावनालाई बलियो बनाएका छन्।

भुवनले उत्कृष्ट दिनको सुरूवात सानदार गरे।‌ पहिलो, दोस्रो, पाँचौ र छैटौं होलमा बर्डी प्रहार गरे भने ५-पारको चौथो होलमा इगलको सफलता प्राप्त गरे। फ्रन्ट नाइन ६-अन्डर २८ को प्रदर्शन गरे।

तर ब्याक नाइन भने १-ओभर ३५ मा पुरा गर्न बाध्य भए। ११औं र १७औं होलमा बोगी प्रहार गरे भने ४-पारको १६औं होलमा डबल बोगीको सामना गरे। उनले १२औं, १४औं र १८औं होलमा एक-एक सट बचाए।

दोस्रो दिनका संयुक्त लिडर दिनेशले आज १-ओभर ६९ मा खेल सकाए। समग्रमा १-अन्डर २ सय ३ सहित दोस्रो स्थानमा तल झरे। दिनेशले दोस्रो होलको बर्डी विरूद्ध पहिलो र पाँचौं होलको बोगीले फ्रन्ट नाइन १-ओभर ३५ मा सकाए। यसपछि १०औं, १३औं र १४औं होलमा एक-एक सट बचाए। तर ४-पारकप ११औं‌ होलमा ट्रीपल बोगीको सामना गर्दा ब्याक नाइन इभन-पार ३४ मा पुरा गरे।

तोरण विक्रम शाही र निरज तामाङ समग्रमा इभन-पार २ सय ७ सहित संयुक्तरुपमा तेस्रो स्थानमा छन्। तोरणले दिनकै उत्कृष्ट ७-अन्डर ६१ को स्कोर निकाले। उनले १८औं होलमा बर्डीबाट चुक्दा कोर्स रेकर्ड बराबरी गर्ने मौका गुमाए।

दिनको उत्कृष्ट स्कोर कार्ड बनाएका तोरणले बोगी रहित ६१ खेले। दोस्रो, चौथो, पाँचौ र आठौं होलमा चार बर्डी प्रहार गर्दै फ्रन्ट नाइन ४-अन्डर ३० को उत्कृष्ट स्कोर गरे। यसपछि १०औं, ११औं र १७औं होलको बर्डीले ब्याक नाइन ३-अन्डर ३१ मा सकाए। यो स्कोरमा तोरण १२औं स्थानबाट तेस्रो स्थानमा उक्लिएका हुन्।

निरजले १-अन्डर ६७ मा तेस्रो दिनको खेल सकाए। निरजले पाँचौं र आठौं होलको बर्डीले फ्रन्ट नाइन २-अन्डर ३२ मा सकाए। यसपछि उनले ११औं, १३औं र १५औ होलमा बर्डी प्रहार गरे। तर १०औं, १२औं, १६औं र १८औं होलमा एक-एक सट खेर फाले। ब्याक नाइन १-ओभर ३५ मा सकाए।

समग्रमा २-ओभर २ सय ६ सहित धन बहादुर थापा र सञ्जय लामा संयुक्तरुपमा पाँचौ स्थानमा छन। धनले २-अन्डर ६६ र सञ्जयले इभन-पार ६८ मा खेल सकाए। यस्तै समग्रमा ३-ओभर २ सय ७ सहित सुबाश तामाङ, जयराम श्रेष्ठ र रवि खड्काले संयुक्तरुपमा सातौं स्थान बाँडे। सुबाशले इभन-पार ६८, जयरामले १-ओभर ६९ र रविले ३-ओभर ७१ मा खेल सकाए।

एमेच्योरतर्फ सद्भाव आचार्य समग्रमा ६-ओभर २ सय १० को स्कोरमा शीर्षस्थानमा उक्लिए। आज उनले ३-ओभर ७१ खेल्दै टासी छिरिङलाई ५ स्ट्रोकले पछि पारे। टासीले आज ९-ओभर ७७ को प्रदर्शन गर्दा समग्रमा ११-ओभर २ सय १५ सहित दोस्रो स्थानमा तल झरे। राहुल विश्वकर्मा समग्रमा २३-ओभर २ सय २७ सहित तेस्रो स्थानमा छन्। उनले आज ७-ओभर ७५ को स्कोर खडा गरे।

सूर्य नेपाल गल्फ टुर २०२३-२४ अन्तर्गतको सातौं प्रतियोगितामा कुल ७ लाख ३ हजार ५ सय रुपैयाँ पुरस्कार रहेको छ। विजेताले १ लाख २० हजार तथा दोस्रोले ८२, तेस्रोले ६६, चौथोले ५५ हजार र पाँचौले ४३ हजार रुपैयाँ हात पार्नेछन् । शीर्ष २१ मा पर्ने प्रोफेसनल खेलाडीले नगद पुरस्कार प्राप्त गर्नेछन्।

May 18, 2024

डुवाना र एलेक्जेन्डरले पेरिस ओलम्पिक खेल्ने

काठमाडौं (हाम्रो खेलकुद) – पौडीका डुवाना लामा र एलेक्जेन्डर शाहले पेरिस ओलम्पिक २०२४ खेल्ने निश्चित भएको छ । नेपाल ओलम्पिक कमिटि (एनओसी) का महासचिव निलेन्द्र राज श्रेष्ठले पौडीका डुवाना र एलेक्जेन्डरले पेरिस ओलम्पिक २०२४ मा सहभागिता जनाउने निश्चित भएको जानकारी दिएका हुन् । डुवाना र एलेक्सजेन्डरले युनिभर्सियालिटी कोटामा ओलम्पिकमा भाग लिनेछन् । यस्तै पौडीका दुवाना […]

May 18, 2024

‘सन्न्यासपछिको योजना खेल जीवनमै बनाउन सके उत्तम’

काठमाडौं (हाम्रो खेलकुद)– सौख, जोशबाट सुरु हुने खेलाडीको जीवन व्यवसायिकता हुँदै सन्न्याससम्म पुग्छ । तर, धेरैले सक्रिय जीवनमा सन्न्यासपछि के गर्ने भन्ने सोचेका हुँदैनन् । यद्दपी कतिपय खेलाडीले सन्न्यासपछि के गर्ने भन्ने योजना बनाइसकेका हुन्छन् । सन्न्यासपछि खेल गर्ने भन्ने लक्ष्य निर्धारण गर्ने सके त्यसले सन्न्यासपछिको जीवन सहज हुने खेलाडीहरुको विश्वास छ । नेपाल ओलम्पिक […]

May 17, 2024

सन्तोषीले ओलम्पिक खेल्ने पक्का

काठमाडौं (हाम्रो खेलकुद)- तेह्रौं सागकी स्वर्ण पदक विजेता सन्तोषी श्रेष्ठले पेरिस ओलम्पिक २०२४ खेल्ने निश्चित भएको छ। सन्तोषीले पेरिस ओलम्पिकको म्याराथनमा प्रतिस्पर्धा गर्ने भएकी हुन्। युनिभर्सियालिटी कोटामा उनले ओलम्पिक खेल्ने भएकी‌ हुन् । नेपाल ओलम्पिक कमिटी (एनओसी ) र नेपाल एथलेटिक्स संघबाट युनिभर्सियालिटीका लागि सन्तोषीको सिफारिस गरेको थियो। सन्तोषीको‌ नाम ओलम्पिकमा खेल्ने पक्का भएको जानकारी […]

Success

Thank you for your time.