default_image

3 weeks ago

April 26, 2024

निरजलाई सूर्य नेपाल काठमाडौं ओपनको उपाधि

198 views

0 Bookmark

काठमाडौं (हाम्रो खेलकुद)- निरज तामाङले कोर्स रेकर्ड बराबरी गर्दै समग्रमा ८-अन्डर २ सय ६४ को स्कोरमा भुवन नगरकोटीलाई एक स्ट्रोकले हराउँदै शुक्रबार सूर्य नेपाल काठमाडौं ओपनको उपाधि जितेका छन्। उनको यो करियरको पहिलो प्रमुख उपाधि हो।

सूर्य नेपाल काठमाडौं ओपनको अन्तिम दिन धरानका प्रो निरजले ८-अन्डर ६० को सानदार नतिजामा शिवराम श्रेष्ठको कोर्स रेकर्ड बराबरी गरे। शिवरामले सन् २०१५ मा एनपिजिए प्रेसिडेन्टस कपमा ८-अन्डर स्कोर गरेका थिए।

अन्तिम दिनको खेल सुरुवात गर्दा निरज तीन दिनका लिडर भुवन भन्दा ७ स्ट्रोकले पछि थिए। तर ८-अण्डरको प्रदर्शनसँगै उनले उपाधिसँगै १ लाख २० हजार रुपैयाँ पुरस्कार प्राप्त गरे।

अन्तिम १८ होलको सुरूवात गर्दा भुवनसँग दिनेश प्रजापति माथि ६ स्ट्रोक र निरज माथि ७ स्ट्रोकको ठूलो अग्रता थियो।तर भुवनले आज इभन-पार ६८ मा खेल सकाउँदा समग्रमा ७-अन्डर २ सय ६५ सहित दोस्रो स्थानमा रहे। उनले ८२ हजार रुपैयाँ प्राप्त गरे।

निरजले कोर्स रेकर्ड बराबरी गर्ने प्रदर्शन गर्ने क्रममा फ्रन्ट नाइन ५-अन्डर २९ मा सकाए। उनले पहिलो देखि चौथो होलमा लगातार चार बर्डी प्रहार गरे। नवौं होलमा पनि एक सट बचाएपछि फ्रन्ट नाइनको समाप्तीमा भुवन भन्दा मात्र‌ एक स्ट्रोकले पछि थिए। भुवनले भने फ्रन्ट नाइन १-ओभर ३५ मा सकाए। भुवनले दोस्रो र चौथो होलमा बर्डी प्रहार गरेपनि तेस्रो होलमा डबल बोगी र पाँचौ होलमा बोगी खेपे।

निरजले फ्रन्ट नाइनकै प्रदर्शनलाई निरन्तरता दिए। १०औं होलमा बर्डी प्रहार गर्दै निरजले भुवनसँग स्कोर बराबरी गरे। यसपछि १३औं र १४औं होलमा लगातार दुई बर्डी प्रहार गर्दा निरजले दुई स्ट्रोकको अग्रता बनाए।

१६औं होलमा हजार्डबाट बोगी खेलेपनि १७औं होलको उत्कृष्ट बर्डीले पुन २ स्ट्रोकको अग्रता बनाए। उनले ब्याक नाइन ३-अन्डर ३१ मा सकाउँदा एक स्ट्रोकको जित निकालेका हुन। भुवनले भने १२औं होलको बोगीका विरूद्ध ११औं र १८औं होलमा बर्डी प्रहार गरे। ब्याक नाइन १-अन्डर ३३ मा सकाए।

आज ४-अन्डर ६४ खेल्दै समग्रमा २ सय ७१ सहित जयराम श्रेष्ठ तेस्रो भए। उनले ६६ हजार रुपैयाँ प्राप्त गरे । आज इभन-पार ६८ स्कोर गर्दै समग्रमा इभन-पार २ सय ७२ सहित तोरण विक्रम शाही चौथो भए। उनले ५३ हजार रुपैयाँ प्राप्त गरे। समग्रमा २-ओभर २ सय ७४ सहित पाँचौ भएका धन बहादुर थापाले ४५ हजार रुपैयाँ आफ्नो नाममा लेखाए। उनले आज इभन-पार ६८ खेले।

उपाधिका दाबेदार मानिएका सुबाश तामाङ समग्रमा ४-ओभर २ सय ७६ सहित छैटौं भए। प्रो टर्न भएपछि पहिलो पटक घरेलु टुर खेलेका सुबाशले ३३ हजार ५ सय रुपैयाँ प्राप्त गरे।

समग्रमा ५-ओभर २ सय ७७ सहित दिनेश प्रजापति र रवि खडकाले सातौं स्थान बाँडे। उनीहरूले जनही ३३ हजार ५ सय नगद पुरस्कार बाँडे। आज १-ओभर ६९ सहित समग्रमा ६-ओभर २ सय ७८ स्कोरमा रामे मगर नवौं भए। उनले २८ हजार रुपैयाँ पुरस्कार प्राप्त गरे।

यसैगरी समग्रमा ७-ओभर २ सय ७९ सहित सञ्जय लामा र भुवन कुमार रोक्काले संयुक्तरुपमा दशौं स्थानमा‌ प्रतियोगिता सकाए। सञ्जयले ५-ओभर ७३ र भुवनले १-ओभर ६९ मा खेल सकाए। उनीहरूले जनही २४ हजार रुपैयाँ प्राप्त गरे।

एमेच्योरतर्फ समग्रमा १३-ओभर २ सय ८५ सहित सद्भाव आचार्यले उपाधि जिते। उनले आज ७-ओभर ७५ मा खेल सकाउँदै टासी छिरिङलाई १० स्ट्रोकले हराए। टासीले समग्रमा २३-ओभर २ सय ९५ स्कोर गरे। आज उनले १२-ओभर ८० मा खेल सकाए। राष्ट्रिय टोलीका खेलाडी राहुल विश्वकर्मा कूल‌ ३०० स्कोर सहित तेश्रो भए।

४ दिने प्रतियोगितामा ३२ प्रोफेसनल र ९ एमेच्योर गरी कुल ४१ गल्फरहरूले प्रतिस्पर्धा गरेका थिए। प्रतियोगितामा कुल ७ लाख ३ हजार ५ सय रुपैयाँ पुरस्कार रहेको थियो। जहाँ २१ टप प्रोफेसनल खेलाडीले नगद पुरस्कार प्राप्त गरे।

विजयी खेलाडीहरुलाई सूर्य नेपाल प्रालिका मार्केटिङ उपाध्यक्ष दीप्रा लहरी, नेपाल गल्फ संघका अध्यक्ष टासी घले र रोयल नेपाल गल्फ क्लबका क्याप्टेन मिथुन राईले पुरस्कार वितरण गरे।

May 18, 2024

डुवाना र एलेक्जेन्डरले पेरिस ओलम्पिक खेल्ने

काठमाडौं (हाम्रो खेलकुद) – पौडीका डुवाना लामा र एलेक्जेन्डर शाहले पेरिस ओलम्पिक २०२४ खेल्ने निश्चित भएको छ । नेपाल ओलम्पिक कमिटि (एनओसी) का महासचिव निलेन्द्र राज श्रेष्ठले पौडीका डुवाना र एलेक्जेन्डरले पेरिस ओलम्पिक २०२४ मा सहभागिता जनाउने निश्चित भएको जानकारी दिएका हुन् । डुवाना र एलेक्सजेन्डरले युनिभर्सियालिटी कोटामा ओलम्पिकमा भाग लिनेछन् । यस्तै पौडीका दुवाना […]

May 18, 2024

‘सन्न्यासपछिको योजना खेल जीवनमै बनाउन सके उत्तम’

काठमाडौं (हाम्रो खेलकुद)– सौख, जोशबाट सुरु हुने खेलाडीको जीवन व्यवसायिकता हुँदै सन्न्याससम्म पुग्छ । तर, धेरैले सक्रिय जीवनमा सन्न्यासपछि के गर्ने भन्ने सोचेका हुँदैनन् । यद्दपी कतिपय खेलाडीले सन्न्यासपछि के गर्ने भन्ने योजना बनाइसकेका हुन्छन् । सन्न्यासपछि खेल गर्ने भन्ने लक्ष्य निर्धारण गर्ने सके त्यसले सन्न्यासपछिको जीवन सहज हुने खेलाडीहरुको विश्वास छ । नेपाल ओलम्पिक […]

May 17, 2024

सन्तोषीले ओलम्पिक खेल्ने पक्का

काठमाडौं (हाम्रो खेलकुद)- तेह्रौं सागकी स्वर्ण पदक विजेता सन्तोषी श्रेष्ठले पेरिस ओलम्पिक २०२४ खेल्ने निश्चित भएको छ। सन्तोषीले पेरिस ओलम्पिकको म्याराथनमा प्रतिस्पर्धा गर्ने भएकी हुन्। युनिभर्सियालिटी कोटामा उनले ओलम्पिक खेल्ने भएकी‌ हुन् । नेपाल ओलम्पिक कमिटी (एनओसी ) र नेपाल एथलेटिक्स संघबाट युनिभर्सियालिटीका लागि सन्तोषीको सिफारिस गरेको थियो। सन्तोषीको‌ नाम ओलम्पिकमा खेल्ने पक्का भएको जानकारी […]

Success

Thank you for your time.