default_image

3 weeks ago

June 3, 2024

राजन र पुरुषोत्तमको संयुक्त अग्रता

151 views

0 Bookmark

काठमाडौं (हाम्रो खेलकुद) – राष्ट्रिय बुद्धिचाल प्रतियोगिताको २४ औं संस्करणको पाँचौ चरणको समाप्तीमा झापाका राजन सुवेदी र पुरुषोत्तम सिलवाल संयुक्त रुपमा अगाडि रहेका छन् । काठमाडौंको होटल ले हिमालयमा जारी प्रतियोगिताको पाँचौं चरणमा राजनले पुरुषोत्तमलाई हराए ।

राजन दोश्रो चरणमा शश्रुत दाहालसँग पराजित भएका थिए । त्यसपछिका ४ खेल उनले जितेका छन् । राजनले पुरुषोत्तम सहित सुरोज महर्जन, राजीव कार्की र क्षितिज भण्डारीलाई पराजित गरे । राजन र पुरुषोत्तमको समान ४ अंक छ ।

एआईएम शुश्रुत दाहाल, एफएम क्षितिज भण्डारी र प्रकाशचन्द्र नेपालको समान ३ अंकसहित संयुक्त रुपमा दोस्रो स्थानमा छन् । १९६१ रेटेड शुश्रुतले दुई जित दुई बराबर, २०८५ रेटेड क्षितजले तिन जित र १९५१ रेटेड प्रकाशले दुई जित दुई बराबरी खेलेका छन् ।

सेप्टेम्बर ९ देखि २३ सम्म हंगेरिमा हुने ४५ औं चेस ओलम्पियाडमा छनौट हुन प्रतिस्पर्धा गरिरहेका सुशील चौधरी र राजीव कार्कीद्वयले २ जित १ बराबर खेल मार्फत साढे २ अंक जोडेका छन् । काठमाडौंका सिएम मिलन लामा २ अंक, ललितपुरका सुरोज महर्जन र रौतहटका रुपेश जैसवाल समान साढे १ अंक र काठमाडौंका सिएम केशब श्रेष्ठ, प्रेमकृष्ण महर्जनको समान १ अंक छ।

पूजा र शान्ति अगाडि
नवौं महिला राष्ट्रिय बुद्धिचाल प्रतियोगिता पाँचौ चरणको खेल सकिदा कास्कीका पूजा भण्डारी र मोरङका शान्ति धिमाल नयाँ वुमन नेपाल च्याम्पियन बन्ने होडमा कडा प्रतिस्पर्धामा छन्। पूजा र शान्तिले शत प्रतिशत जित निकाल्दै ५ अंक जोडेका छन् ।

१२ जना शीर्ष महिला राष्ट्रिय खेलाडीहरु बिच ११ चरणको राउण्ड रोविन खेल मध्ये पाँचौ चरण समाप्ति हुदा काठमाडौंका यू १६ च्याम्पियन रिया श्रेष्ठ र काठमाडौं कै पूर्व नेपाल वुमन च्याम्पियन सिन्दिरा जोशी समान चार ४ अंक हासिल गर्दै संयुक्त रुपमा दोश्रो स्थानमा छन् । महिलातर्फका शीष ४ खेलाडी हंगेरीमा हुने ४५ औं चेस ओलम्पियाडका लागि छनोट हुनेछन् ।

काठमाडौकी बिनिता कपाली, शुसीला गुरुङ र झापाका कृतिसरा अधिकारी समान ३ अंक जोड्न सफल भएका छन्। त्यस्तै पुनम प्रसाईं २ अंकमा छन् भने भक्तपुरकी श्रेषा दुवाल, सबिना गुजः र प्राश्ना किबानायो १÷१ अंक जोडेका छन् । नेपाल बुद्धिचाल महासंघ र लुम्बिनी इभेण्ट म्यानेजमेण्टको संयुक्त आयोजनामा प्रतियोगिता सन्चालन भइरहेको छ ।

June 23, 2024

एरिका र स्यान्टुलाई एनओसी अवार्ड

काठमाडौं (हाम्रो खेलकुद)- करातेकी एरिका गुरुङ र टेबल टेनिसका स्यान्टु श्रेष्ठ एनओसी अवार्ड २०२४ प्राप्त गरेका छन् । नेपाल ओलम्पिक कमिटी (एनओसी) को आयोजनामाआइतबार भएको कार्यक्रमबीच एरिकालाई उत्कृष्ट महिला खेलाडी र स्यान्टुलाई उत्कृष्ट पुरुष खेलाडीको अवार्ड प्रदान गरिएको हो । एरिकाले चीनको हाङचाउमा भएको एसियाली खेलकुदमा रजत पदक जितेकी थिइन् । यस्तै स्यान्टु यसै वर्ष […]

June 23, 2024

अभिकलाई एसईई कप चेस उपाधि

काठमाडौं (हाम्रो खेलकुद)- अभिक शाहले हिमालयन चेस एकेडेमीद्वारा आयोजित गोल्डेनगेट एसईई कप २०२४ ¥यापिड चेस प्रतियोगिताको उपाधि जितेका छन् । उनले स्वीस प्रणालीको आधारमा ७ राउन्डमा सञ्चालित प्रतियोगितामा अपराजित रहँदै ६.५ अंक बनाएर आइतबार उपाधि जितेका हुन् । शीर्ष वरीयताका खेलाडी पुरुषोत्तम सिलवालले पनि अपराजित रहँदै ६.५ अंक बनाए । तर, टाइब्रेकरको आधारमा पुरुषोत्तमलाई पछाडि […]

June 23, 2024

राजनलाई ब्लिज चेस उपाधि 

ललितपुर (हाम्रो खेलकुद)- राजन पुरीले प्रथम टंगल टोल सुधार समिति खुल्ला ब्लिज बुद्धिचाल प्रतियोगिताको उपाधि जितेका छन्। ललितपुरको रातो मच्छिन्द्र नाथ बहालमा सम्पन्न ९ चरण द्रुतगतिको ब्लिज खेलमा राजनले ८ मा जित र एक हारका साथ ८ अंक जोडे । उनले ७ हजारसहित ट्रफी प्राप्त गरे।  खुल्ला बुद्धिचाल ब्लिज प्रतियोगितामा श्रीलंकाकी महिला खेलाडी डब्लुआइएम सचिनी‌ रनासिंघे […]

Success

Thank you for your time.