8 months ago
October 6, 2024
काठमाडौं (हाम्रो खेलकुद) – हिमालयन एयरलाइन्सले एभिएशन फुटसल प्रतियोगिता २०२४ को उपाधि जितेको छ ।
गीता एभियशनले शनिवार आयोजना गरेको प्रतियोगिताको फाइनलमा नेपाली सेनाको आर्मी एयरफोर्सलाई ४-२ ले पराजित गर्दै हिमालयनले उपाधि जितेको हो ।
हिमालयनको जितमा पवन प्रजापतीले २, अनिल थापा र कञ्चन विष्टले समान १ गोल गरेका थिए । आर्मीका लागि १ गोल भरत खवासले गरेका थिए भने अर्को गोल आत्मघाती भएको थियो।
त्यसअघि सेमिफाइनलमा आर्मीले एनआरएफएफलाई र हिमालयनले बुद्ध एयरलाई पराजित गर्दै फाइनलमा भेट पक्का गरेका थियो ।
प्रतियोगिताको विजेता हिमालयनले उपाधि २ लाख र दोस्रो टोलीले आर्मीले १ लाख प्राप्त गर्यो । हिमालयनका पवन प्रजापती प्रतियोगितामाको सर्वोत्कृष्ट खेलाडी तथा सोही टोलीका सुजन बस्नेत उत्कृष्ट गोलकिपर घोषित भए ।
संस्कृती पर्यटन तथा नागरिक उड्यन मन्त्री बद्री प्रसाद पाण्डेले विजेता , उपविजेता टोलीका खेलाडीलाई पुरस्कृत गरेका थिए ।
८ टोली सहभागिता रहेको प्रतियोगितामा अघि गीता एभियशन र चलचित्र ज्वाईं साबका कलाकारबीच प्रदर्शनी खेल भएको थियो । प्रतियोगिताको उद्घाटन गायक दिप श्रेष्ठले गरेका थिए ।
May 20, 2025
काठमाडौं (हाम्रो खेलकुद)- हिमालयन जाभा बास्केटबल लिग (एचजेबिएल) मा मंगलबार शीर्ष स्थानको हाउण्ड्स एकेडेमी र टाइम्स बास्केटबल क्लब विजयी भएका छन् । कीर्तिपुर कभर्डहलमा भएको पहिलो खेलमा हाउण्ड्सले विजय बुर्जाको उत्कृष्ट प्रदर्शनमा घरेलु टोली कीर्तिपुर क्लबलाई ८०-६९ ले पराजित गरेको हो । सुरुवात देखि लिएको अग्रता नै हाउण्ड्सको जितमा निर्णायक बन्यो । हाउण्ड्सले पहिलो क्वाटरमा […]
May 20, 2025
काठमाडौं (हाम्रो खेलकुद)- पूर्व नम्बर एक गल्फर शुक्र बहादुर राई र भुवन कुमार रोक्का सूर्य नेपाल च्यालेन्जको पहिलो दिन संयुक्त रुपमा शीर्षस्थानमा रहन सफल भएका छन्। पार-६८ को रोयल नेपाल गल्फ क्लबमा शुक्र र भुवनले आज ७-अन्डर ६१ को सानदार स्कोरमा दिनेश प्रजापतिलाई ३ स्ट्रोकले पछि पारे। करिब दुई वर्षपछि घरेलु टुरमा फर्किएका शुक्रले सानदार […]
May 20, 2025
काठमाडौं (हाम्रो खेलकुद)- दुई नेपाली अम्पायरले ब्याडमिन्टन एसियाको अम्पायर कोर्स उत्तीर्ण गरेका छन्। कृतन खड्काले सर्टिफाइड अम्पायर र मन्दिरा न्यौपानेले अक्रिडिटेड अम्पायरको कोर्स उत्तीर्ण गरेका हुन् । २४ वर्षीय खड्काले चीनमा भएको व्याडमिन्टन एसिया च्याम्पियनसिप र न्यौपानेले इन्डोनेसियामा आयोजित ब्याडमिन्टन एसिया जुनियर च्याम्पियनसिपमा परीक्षा दिएका थिए। यी दुई उत्तीर्ण भएसँगै ब्याडमिन्टन एसियाको मान्यता प्राप्त नेपाली […]
