1 year ago
November 26, 2024
काठमाडौं (हाम्रो खेलकुद)- अनुभवी तोरण विक्रम शाहीले उत्कृष्ट प्रदर्शनका साथ ३ स्ट्रोकको अग्रता सहित सूर्य नेपाल सेन्ट्रल ओपनको दोस्रो दिन मंगलवार पनि शीर्षस्थानमा कायमै रहेका छन्।
उनले दोस्रो दिन पनि ५-अन्डर ६७ को स्कोर बनाउँदै समग्रमा १०-अन्डर १ सय ३४ को स्कोर निकाले। यो स्कोरमा उनले सनिल केसीलाई ३ स्ट्रोकले पछि पार्दै अग्रता बढाए।
सुनिल केसीले ३-अन्डर ६९ को स्कोरमा समग्रमा ७-अन्डर १ सय ३७ को नतिजा सहित दोस्रो स्थानमा कायमै रहे। नेपाल नम्बर एक प्रो भुवन नगरकोटीले २-अन्डर ७० स्कोर गर्दा समग्रमा ६-अन्डर १ सय ३८ सहित तेस्रो स्थानमा तल झरे।
एमेच्योर राहुल विश्वकर्मा ३-अन्डर ६९ स्कोर सहित समग्रमा ५-अन्डर १३९ सहित चौथो स्थानमा उक्लिए। उनी एमेच्योरतर्फ दोस्रो दिन पनि शीर्षस्थानमा कायमै रहे।
३-अन्डर ६९ को स्कोरमा निरज तामाङ समग्रमा ३-अन्डर १४१ सहित पाँचौ स्थानमा छन्। एमेच्योर सदभाव आचार्य समग्रमा १-अन्डर १४३ सहित छैटौं स्थानमा उक्लिए। उनी एमेच्योरतर्फ दोस्रो स्थानमा छन्।
गोकर्ण गल्फ क्लबमा तोरणले दोस्रो दिन पनि लयलाई कायमै राखे। पहिलो, पाँचौ र आठौं होलमा बर्डी प्रहार गरे। फ्रन्ट नाइन ३-अन्डर ३३ मा सकाए। यसपछि ११औं, १२औ, १३औं र १६औं होलमा एक-एक सट बचाए। तर १०औं र १५औं होलको बोगीले ब्याक नाइन २-अन्डर ३४ मा पुरा गरे।
सुनिल केसीले एक रूपताको प्रदर्शनलाई कायमै राखे। तेस्रो होलको बोगीका विरूद्ध चौथो, आठौं र नवौं होलको बर्डीले फ्रन्ट नाइन २-अन्डर ३४ मा खेले। यसपछि १५औं होलमा बर्डी प्रहार गर्दा बाकी सात होलमा पार बचाउँदै ब्याक नाइन १-अन्डर ३५ मा सकाए।
दाबेदार नेपाल नम्बर एक भुवनले तेस्रो र सातौं होलको बर्डीमा फ्रन्ट नाइन २-अन्डर ३४ मा सकाए। ब्याक नाइनमा भने संघर्ष गरे। ११औं, १४औं र १५औं होलमा बोगी खेपे। १२औं, १६औं र १७औं होलको बर्डीको मद्दतमा ब्याक नाइन इभन-पार ३६ मा पुरा गरे।
एमेच्योर राहुलले फ्रन्ट नाइन ३-अन्डर ३३ र ब्याक नाइन इभन-पार ३६ मा सकाए। उनले तेस्रो, सातौं, आठौं, बार्हौं, सोर्हौं र अठारौं होलमा गरी कुल ६ बर्डी प्रहार गरे। तर १४औं होलमा डबल बोगी र १५औं होलमा बोगी खेपे। उनले एमेच्योरतर्फ सदभावलाई ४ स्ट्रोकले पछि पारेका छन्।
३६ होलको समाप्तीमा १३-ओभर १३७ स्कोर गरेका २१ प्रो र ६ एमेच्योर गरी कुल २७ गल्फरले कट बनाएका छन। चार दिन सम्म चल्ने प्रतियोगिताको कुल ८ लाख ८२ हजार रुपैयाँ रहेको छ। जहाँ विजेताले १ लाख ५० हजार, १ लाख दोस्रो र तेस्रो हुने खेलाडीले ७५ हजार रुपैयाँ प्राप्त गर्नेछन्।
December 5, 2025
हिमाल खरेल, बिर्तामोड त्रिभुवन आर्मी क्लब झापाको अर्जुनधारामा जारी अर्जुनधारा खुला महिला भलिबल प्रतियोगितामा सेमिफाइनलमा प्रवेश गरेको छ । आज भएको समूह चरणको आफ्नो अन्तिम खेलमा एभरेस्ट लुम्बिनी क्लबलाई ३-० को सोझो सेटमा पराजित गर्दै आर्मी अन्तिम चारमा पुगेको हो । आर्मी समूह उपविजेता भएको छ । आर्मीले २१–२५, १८–२५ र १०–२५ को सोझो सेटमा […]
December 4, 2025
हिमाल खरेल,बिर्तामोड झापाको अर्जुनधारामा जारी अर्जुनधारा खुला महिला भलिबल प्रतियोगितामा नेपाल पुलिस क्लब विजयी भएको छ । आजको दोस्रो खेलमा पुलिसले न्यु डायमन्ड क्लबलाई न्यु डायमन्ड क्लबलाई ३–० को सोझो सेटमा पराजित गरेको हो । पुलिसले २५-१९,२५-१४,२५-१७ को सोझो सेटमा विजयी भएको हो । पुलिसकी रिमा कुँवर प्लेयर अफ दि म्याच घोषित भइन् । उनलाई […]
December 4, 2025
हिमाल खरेल,बिर्तामोड झापाको अर्जुनधारामा जारी अर्जुनधारा खुला महिला भलिबल प्रतियोगितामा एपिएफ क्लबले दोस्रो जित निकालेको छ । आज भएको पहिलो प्रतिस्पर्धात्मक खेलमा एपिएफले अर्को विभागीय टोली त्रिभुवन आर्मी क्लबलाई ३-१ सेटले पराजित गरेको हो । एपिएफ २५-१५,२२-२५,२५-१८,२५-१८ विजयी भएको हो । आर्मीले २२–२५ को सेट आफ्नो पक्षमा पारेको थियो । खेलको प्लेयर अफ द म्याच […]
