फ्लोरिडा(एजेन्सी) – गल्फर टाइगर उड्सलाई डीयुआई (ड्राइभिंग अन्डर इन्फ्ल्युवेन्स) अभियोगमा सोमबार विहान प्रहरीले फ्लोरिडामा पक्राउ गरेको छ । डीयुआई नशालु पदार्थको प्रभावमा साधन चलाउदा लगाइने अभियोग हो ।
उनलाई सोमबार ३ बजे बिहान हिरासतमा लिइएको थियो । पाम बिच काउन्टी जेलको रेकर्ड अनुसार उनलाई ७ बजे थानामा दर्ता गरिएको थियो भने ३ घण्टापछि छाडिएको थियो ।
१४ पटक मेजर प्रमुख प्रतियोगिताहरुका बिजेता उड्सले आफ्नु पक्राउको कारण मादक पदार्थ सेवन नरहेको भन्दै विज्ञप्ती जारी गरेका छन् । उक्त विज्ञप्तीमा आफुले नियमित उपभोग गर्ने गरेको औषधीको मिश्रणका कारण आफुलाई अन्जानमा असर गरेको बताएका छन् ।
