8 years ago
December 21, 2017
सुर्खेत (हाम्रो खेलकुद) – सुर्खेतमा राष्ट्रिय स्तरको ब्याडमिन्टन कर्भड हल बन्ने भएको छ । जिल्ला ब्याडमिन्टन संघ सुर्खेतले जिल्ला खेलकुद विकास समिति (जिखेविस) को सहयोगमा कभर्ड हल बनाउन लागेको हो । जिखेविसले संघलाई ४ कट्ठा जग्गा उपलव्ध गराएपछि कभर्डहल बनाउन सहज भएको बताइएको छ ।
सम्झौतामा हस्ताक्षर पछि समितिका अध्यक्ष गिरी र संघका उपाध्यक्ष अधिकारी ।
ब्याडमिन्टन संघले सुर्खेतमा आधुनिक शैलीको ब्याडमिन्टन कर्भड हल बनाउने भन्दै २०७३ साल कार्तिक २५ गते देखि सप्ताहव्यापी मध्यपश्चिम धार्मिक महोत्सव सञ्चालन गरेको थियो । महोत्सववाट १ करोड ३० लाख रुपैयाँ संकलन भएको र त्यसमा थप रकम जुटाएर २ करोड लगानीको कभर्डहल बनाउने जिल्ला ब्याडमिन्टन संघले बताएको छ ।
जिखेविसका लागि बहुउद्देशीय कभर्ड हल निर्माण गर्न जग्गा उपलव्ध गराइएको जिल्ला खेलकुद विकास समितिका अध्यक्ष चन्द्रकुमार गिरीले जानकारी दिए । ‘ब्याडमिन्टन संघले धार्मिक महोत्सववाट जुन रकम उठायो, त्यसलाई जिखेविसले ४ कट्ठा जग्गा उपलव्ध गराएर सहयोग ग¥यो’, समितिका अध्यक्ष गिरीले भने, ‘हामीले राखेपले दिएको अनुमती, मापदण्ड र सुर्खेतको रंगशाला निर्माणका लागि बनाएको गुरुयोजनालाई असर नपर्ने गरी जग्गा दिएका हौं ।’
सरकारले अहिलेको अवस्थामा खेलकुदको विकासका लागि रंगशाला निर्माणको डीपिआर र गुरुयोजना बनाएकोमा त्यसलाई असर नपुग्ने गरी ब्याडमिन्टन कभर्ड हल निर्माण गर्न जग्गा उपलव्ध गराइएको जिखेविसका उपाध्यक्ष जनक रावलले बताए ।
जिल्ला ब्याडमिन्टन संघका उपाध्यक्ष चेत बहादुर अधिकारीले १ बर्ष अघि धार्मिक महोत्सव आयोजना गरेर उठेको रकममा नपुग रकम उठाएर सुर्खेतको खेलकुदमा टेवा पुग्ने हिसावले ४ वटा कोर्ट सहितको आधुनिक कर्भडहल बनाउन लागिएको बताए । उनले कभर्ड हलका लागि अथक प्रयास गरिएको र जिखेविसको सहयोगमा आफुहरुको योजना पुरा हुने बताए ।
जिखेविसका अध्यक्ष गिरी र ब्याडमिन्टनका उपाध्यक्ष अधिकारीबीच जग्गा हस्तान्तरण भई एक बहुउद्देशीय कर्भड हल निर्माण गर्ने सहमति भएको छ । जिखेविसले कभर्ड हलबाट उठेको रकमको १० प्रतिशत रकम लिनेगरी जग्गा उपलब्ध गराएको बताइएको छ ।
साथै समितिलाई राष्ट्रिय र प्रदेश स्तरिय तथा अन्य प्रतियोगिता सञ्चालन गर्न आवश्यक परेको बेला निशुःल्क उपलव्ध हुनेगरी दुवै पक्षबीच हस्ताक्षर भएको बताइएको छ । उपत्यका नगरविकास समिति मार्फत भोगचलन गर्न पाउने गरी साढे ९ विगाह जग्गा सरकारले जिखेविस लाई उपलब्ध गराएको छ ।
December 5, 2025
हिमाल खरेल, बिर्तामोड त्रिभुवन आर्मी क्लब झापाको अर्जुनधारामा जारी अर्जुनधारा खुला महिला भलिबल प्रतियोगितामा सेमिफाइनलमा प्रवेश गरेको छ । आज भएको समूह चरणको आफ्नो अन्तिम खेलमा एभरेस्ट लुम्बिनी क्लबलाई ३-० को सोझो सेटमा पराजित गर्दै आर्मी अन्तिम चारमा पुगेको हो । आर्मी समूह उपविजेता भएको छ । आर्मीले २१–२५, १८–२५ र १०–२५ को सोझो सेटमा […]
December 4, 2025
हिमाल खरेल,बिर्तामोड झापाको अर्जुनधारामा जारी अर्जुनधारा खुला महिला भलिबल प्रतियोगितामा नेपाल पुलिस क्लब विजयी भएको छ । आजको दोस्रो खेलमा पुलिसले न्यु डायमन्ड क्लबलाई न्यु डायमन्ड क्लबलाई ३–० को सोझो सेटमा पराजित गरेको हो । पुलिसले २५-१९,२५-१४,२५-१७ को सोझो सेटमा विजयी भएको हो । पुलिसकी रिमा कुँवर प्लेयर अफ दि म्याच घोषित भइन् । उनलाई […]
December 4, 2025
हिमाल खरेल,बिर्तामोड झापाको अर्जुनधारामा जारी अर्जुनधारा खुला महिला भलिबल प्रतियोगितामा एपिएफ क्लबले दोस्रो जित निकालेको छ । आज भएको पहिलो प्रतिस्पर्धात्मक खेलमा एपिएफले अर्को विभागीय टोली त्रिभुवन आर्मी क्लबलाई ३-१ सेटले पराजित गरेको हो । एपिएफ २५-१५,२२-२५,२५-१८,२५-१८ विजयी भएको हो । आर्मीले २२–२५ को सेट आफ्नो पक्षमा पारेको थियो । खेलको प्लेयर अफ द म्याच […]
