दिपक न्यौपाने
बुटवल – बुटवलमा अर्को महिना खुल्ला लन टेनिस प्रतियोगिता आयोजना हुने भएको छ । बुटवल लन टेनिस क्लबको आयोजनामा फागुन ११ गते १५ गतेसम्म प्रतियोगिता आयोजना हुने आयोजक बुटवल लन टेनिस क्लबका अध्यक्ष गोपाल ज्ञवालीले जानकारी दिए ।

बुटवल लन टेनिस क्लबका अध्यक्ष गोपाल ज्ञवाली

बुटवलमा शनिबार पत्रकार सम्मेलन गर्दै आयोजकले ९० प्रतिशत भन्दा बढि खेलाडी जिल्ला बाहिरबाट रहने बताइएको छ । विभिन्न उमेर समूहमा खेलाइने खेलमा पुरुष सिङ्गलतर्फको विजेताले ५५ हजार ,दोस्रोले २५ हजार तथा तेस्रोले १० हजार प्राप्त गर्नेछन ।

यस्तै महिला सिङ्गलतर्फ पहिलो हुनेले पनि ५५ हजार ,दोस्रोले २५ तथा तेस्रोले १० हजार प्राप्त गर्ने अध्यक्ष ज्ञवालीले बताए । यस्तै भेट्रान (३५) सिङ्गलतर्फको बिजेताले ४५ हजार ,उपबिजेताले २५ तथा तेस्रो हुनेले १० हजार प्राप्त गर्नेछन ।

यस्तै भेट्रान (४५) सिङ्गलतर्फको बिजेताले पनि क्रमश ३५,२० र १० हजार नगद प्राप्त गर्नेछन । एन्फा टेक्निकल सेन्टर देबिनगरमा रहेको कोर्टमा सन्चालन हुने खेलमा भेट्रान (५५) सिङ्गलतर्फ को विजेताले पनि ३५ ,२० र १० हजार रुपैयाँ प्राप्त गर्ने लन टेनिस सघं रुपन्देहिका सचिव समेत रहेका ज्ञवालीले जानकारी दिए ।

प्रतियोगित सन्चालन कुल १७ लाख रुपैयाँ खर्च लाग्ने अनुमान गरिएको छ । कार्यक्रममा बोल्दै जिल्ला खेलकुद बिकास समिती रुपन्देहिका अध्यक्ष योग गुरुङले स्थानियको सहयोग र खेलकुदप्रेमीको मायाका कारण बुटवलमा खेलकुदका गतिविधी बढ्दै गएकोमा खुसी ब्यक्त गरे । नेपाल पत्रकार महासघं रुपन्देहीका अध्यक्ष यानेन्द्र जिसीले पत्रकारिताको माध्यमबाट खेलकुदको बिकास सम्भव रहेको भन्दै लन टेनिसजस्ता सम्भावना रहेका खेललाइ अगाडी बढाउन सबैको पहलकदमी रहनुपर्नेमा जोड दिए ।

खेलाडी उत्पादन गर्दै बुटवल लन टेनिस क्लब
रुपन्देहीको टेनिसमा पहिलो क्लबका रुपमा दर्ता भएको यस क्लबले स्थानीय खेलाडीहरुलाइ प्राथमिकता दिएको छ । आफ्नै क्लबका सदस्यहरुको आर्थिक सहयोगमा करिब १० लाख रुपैयाँ खर्च गरेर क्लबले प्रदेशमै लन टेनिस कोर्ट निर्माण गरेको छ ।

क्लबका सचिव उत्तम प्रधानले दिएको जानकारी अनुसार स्थानियस्तरमा खेलाडीलाइ प्रोत्साहन गर्नका लागी पनि विभिन्न सिनियर र जुनियर प्रतियोगिता सन्चालन भइरहेका छन् । हाल विभिन्न विधालयका गरी २५ जना खेलाडीहरुलाइ प्रशिक्षण दिइएको छ । राष्ट्रिय खेलाडी विकास खड्काले क्लबमा प्रशिक्षण दिइरहेका छन् ।