काठमाडौं (हाम्रो खेलकुद)– बर्लिन ओपन अन्तर्राष्ट्रिय करातेमा पदक जित्ने नेपाली खेलाडीलाई खोप फुटबलले नगद पुरस्कारसहित सम्मान गरेको छ । फुटबल लिगका दौरान मंगलबार पदक विजेता खेलाडीलाई सम्मान गरियो ।
गृहमन्त्री रामबहादुर थापाले उनीहरुलाई सम्मान गरेका थिए । सोही कार्यक्रममा राम श्रेष्ठले व्यक्तिगत रुपमा ५/५ हजार रुपैयाँबाट सम्मान गरेका थिए । बर्लिन ओपमा अनु अधिकारी, मलिका थापा र मुकुन्द्र महर्जनले स्वर्ण पदक तथा मन्डेकाजी श्रेष्ठले कास्य पदक जितेका थिए ।
फागुन ४ र ५ गते जर्मनीमा भएको प्रतियोगितामा अनुले महिला ५० केजी र मलिकाले ५५ केजीमा स्वर्ण पदक जितेकी थिइन् । मुकुन्द्रले ६७ केजीमा स्वर्ण जितेका थिए भने मन्डेकाजीले कातामा तेस्रो पदक जितेका थिए ।
