बनेपा (हाम्रो खेलकुद) – काभ्रे तेक्वान्दो डो आइटिएफ संघ र बेथानचोक गाउपालिकाको संयुक्त आयोजनामा दोस्रो काभ्रे तेक्वान्दो भ्यालीे च्याम्पियनसिप यसै महिनाको अन्त्यमा हुने भएको छ ।
आयोजकले आइतबार पत्रकार सम्मेलन गर्दै दोस्रो संस्करणको प्रतियोगिता बैशाख २८ र २९ गते दुई दिने हुने काभ्रे आइटिएफका अध्यक्ष किशोर बरुणले बताएका छन् । प्रतियोगितामा काठमाडौं, ललितपुर, भक्तपुर र काभ्रेगरी चार जिल्लाको टिमको सहभागिता रहने बेथानचोक गाँउपालिकाका खेलकुद संयोजक प्रमोद तिमल्सिनाले जानकारी दिए ।
बेथानचोक गाँउपालिकाको वडा नं २ ढुंखर्कमा हुने प्रतियोगितामा पुरुष तर्फ ८ र महिलातर्फ ७ तौल समूहमा स्पायरिङ र प्याट्रन विधामा प्रतिस्पर्धा हुने बताइएको छ । झन्डै २ सय ५० खेलाडीले ३० स्वर्ण ३० रजत र ३३ कास्य पदका लागि प्रतिस्पर्धा गर्नेछन् ।
