5 years ago
March 30, 2019
काठमाडौं (हाम्रो खेलकुद)– अर्को महिना प्रदेश ५ मा हुने भनिएको आठौं राष्ट्रिय खेलकुदका अधिकांश खेल बिहान वा साझ हुने भएका छन् । आठौं राष्ट्रिय खेलकुद वैशाख ५ देखि ११ गते सम्म आयोजना गर्ने राष्ट्रिय खेलकुद परिषद् (राखेप) को बोर्ड बैठकले शुक्रबार निर्णय गरेको थियो ।
भौतिक पूर्वाधार समयमा सम्पन्न हुन नसक्नु र अब विस्तारै त्यस क्षेत्रमा हुने गर्मीका कारण राष्ट्रिय खेलकुद हुनेमा शंका थियो । तर, राखेपले साँझ विहान गरेर भएपनि राष्ट्रिय खेलकुद आयोजना गरि छाड्ने निर्णय लिएको छ । राखेप सदस्य सचिव केशबकुमार विष्टले भने मौसमलाई ध्इानमा राख्दै खेलहरु साझ विहानमात्र हुनेछन् ।
उनले खेलका समयमा २५ डिग्री भन्दा कम तामक्रम रहने दाबी समेत गरेका छन् । विष्टले आठौंका लागि भौतिक संरचनामा ९० करोड रुपैयाँ खर्च हुने र जसमध्ये ७५ करोड रुपैयाँ खर्च भइसकेको बताएका छन् ।
राखेपले शनिबार पत्रकार सम्मेलनमार्फत ३५ खेलमा ५ हजार बढी खेलाडीको सहभागिता रहने जानकारी गराएको छ । राष्ट्रिय खेलकुदमा २ हजार ८ सय २५ पुरुष र २ हजार ३ सय ८६ महिला खेलाडीले प्रतिस्पर्धा गर्नेछन् । जहाँ ६ सय ४० प्रशिक्षक र ४ सय ६१ व्यवस्थापक रहनेछन् ।
९ सय २२ राष्ट्रिय तथा अन्तराष्ट्रिय निर्णायक र ४ सय ७१ स्थानिय निर्णायकले प्रतियोगिता सञ्चालन गर्नेछन् । आठौं राष्ट्रिय खेलकुदमा ३ सय ७२ स्वर्ण, ३ सय ७२ रजत र ५ सय ६३ कास्यका लागि प्रतिस्पर्धा हुनेछ । राष्ट्रिय खेलकुदमा राष्ट्रिय कीर्तिमान बनाउनेले २५ हजार रुपैयाँ पाउनेछन् । व्यक्तिगत विधामा स्वर्ण विजेताले १५ हजार र सामुहिकतर्फको विजेताले ७ हजार रुपैयाँ पाउने छन् ।
वैशाख ५ गते औचारिक उद्घाटन भएपनि विभिन्न खेल भने चैत २७ गतेबाट सुरु हुने बताइएको छ । प्रतियोगिताको उद्घाटन वैशाख ५ गते र समापन ११ गते नेपालगन्ज रंगशालामा हुनेछ । त्यहि रंगशालामा भिआईपी प्याराफिट निर्माण समयमा नसकिएका कारण पनि राष्ट्रिय खेलकुद समयमा आयोजना हुन नसकेको बताइएको छ ।
राखेप सदस्य सचिव विष्टले सबै पूर्वाधार समयमा सकिने र त्यहि पूर्वाधार राष्ट्रिय खेलकुद आयोजना गरिने बताएका छन् । प्रदेश पाँचका विभिन्न जिल्लामा आयोजना हुने प्रतियोगिता बैशाख ५ देखि ११ गतेसम्म चल्नेछ । तर, प्रतियोगिताका खेलहरु भने चैत २७ गतेबाट सुरु हुनेछ । प्रतियोगिताको उद्घाटन र समापन नेपालगंज रंगशालामा हुनेछ ।
देश संघिय संरचनामा गएयता पहिलो पटक हुन लागेको राष्ट्रिय खेलकुदमा ७ प्रदेश टोली, तीन विभागिय टोली (त्रिभुवन आर्मी, एपिएफ क्लब, नेपाल पुलिस क्लब ) र एनआरएनए टोलीका खेलाडीले प्रतिस्पर्धा गर्नेछन् । पहिलो पटक सहभागी हुने एनआरएनए टोलीबाट २४ खेलाडीले ९ खेलमा भाग लिने राखेप सदस्य सचिव विष्टले जानकारी दिए ।
आठौंमा समावेश गरिएका ३५ खेलमा फुटबल, क्रिकेट, भलिबल, बक्सिङ, तेक्वान्दो, टेबल टेनिस, उसु, जुडो, ह्याडबल, कराते, हकी, सुटिङ, जिम्न्याष्टिक, साईकिलिङ छन् । त्यस्तै आर्चरी, फेन्सिङ, पौडी, ट्रायथलन, एथ्लेटिक्स, फुल कन्ट्याक्ट कराँते, ब्याटमिन्टन, बास्केटबल, आईटीएफ तेक्वान्दो छन् । त्यस्तै शारीरिक सुगठन, सफ्ट टेनिस, लन टेनिस, तेक्वान्दो, कबड्डी, बुद्विचाल, खोखो, सेपाकताक्रो, स्क्वास, प्याराग्याईडिङ, कुस्ती र गल्फमा खेलाडीले प्रतिस्पर्धा गर्नेछन् ।
२०७३ मा पूर्वाञ्चलमा सातौं समापनका दौरान तत्कालिन मध्यपश्चिमाञ्चल क्षेत्रिय खेलकुद विकास समितिले आठौं आयोजकका रुपमा झन्डा हस्तान्तरण गरिएको थियो । हरेक दुई वर्षमा आयोजना गर्ने लक्ष्यका साथ २०३८ सालमा राष्ट्रिय खेलकुदको सुरुवात भएको थियो ।
तीन संस्करण २ वर्षको अन्तरमा भएपनि त्यसपछि भने समयमा हुन सकेन । पहिलो ०३८, दोस्रो ०४० , तेस्रो ०४२ मा आयोजना भएको थियो । चौथो २०५४ सालमा आयोजना भयो भने पाँचौं २०६५ सालमा, छैटौं २०६८ र सातौं २०७३ मा आयोजना भएको थियो ।
May 8, 2024
काठमाडौं (हाम्रो खेलकुद) – बाह्रखरी मिडियाले नेपालमै पहिलो पटक अन्तर्राष्ट्रिय गल्फ दिवस मनाएको छ । नेपाल गल्फ संघको सहकार्यमा बुधबार पहिलोपटक अन्तर्राष्ट्रिय गल्फ दिवस मनाएको हो । काठमाडौंमा भएको कार्यक्रममा नेपालको गल्फलाई अन्तर्राष्ट्रिस्तरमा चिनाउने सफल व्यवसायी तथा गल्फर प्रेमसरुप सचदेवलाई लाइफटाइम एचिभमेन्ट अवार्डबाट सम्मानित गरिएको छ । युवा तथा खेलकुद मन्त्री बिराजभक्त श्रेष्ठ, गल्फ संघका […]
May 8, 2024
काठमाडौं (हाम्रो खेलकुद)– टेबलटेनिस मुख्य प्रशिक्षक राजेन्द्र कपालीलाई राष्ट्रिय खेलकुद परिषद् (राखेप) ले दुई फरक अन्तर्राष्ट्रिय टेबलटेनिस प्रतियोगितामा सहभागी हुने खेलाडीको छनोट प्रतियोगिता सञ्चालन गर्न जिम्मेवारी दिएको छ । सदस्य–सचिवस्तरीय निर्णयानुसार दुवै प्रतियोगिताका लागि कपालीको संयोजकत्वमा ३ सदस्यीय खेलाडी छनोट समिति गठन गरिएको राखेपले जनाएको छ । समितिका सदस्यमा नायब वरिष्ठ टेबलटेनिस प्रशिक्षकद्वय मोहनदास बासुकला […]
May 8, 2024
काठमाडौं (हाम्रो खेलकुद) – हेटौडा उप महागनरपालिकाले पहिलो बागमती अन्तरपालिका स्तरिय राष्ट्रिय भलिबल प्रतियोगिताको उपाधि जितेको छ । प्रकाश दाहालको स्मृतिमा प्रज्ञा स्मृतिको आयोजना भएका प्रतियोगिताको बुधबार भएको फाइनल थाहा नगरपालिकाविरुद्ध उत्कृष्ट पुनरागमन गर्दै हेटौडाले उपाधि जितेको हो । सुरुवाती दुई सेट गुमाएको हेटौडाले २१–२५, १७–२५, २५–१६, २५–१५ र १५–४ ले जितेको थियो । प्रतियोगितामा […]