काठमाडौं (हाम्रोखेलकुद) – तेस्रो संस्करणको पाथिभरा राष्ट्रिय पुरुष भलिवल प्रतियोगिता वैशाख २२ देखी २६ गतेसम्म ताप्लेजुङको मैवाखोला गाउँपालीका हुने भएको छ ।
मंगलवार काठमाडौंमा आयोजक जलजले क्लव साघुले एक पत्रकार सम्मेलन गर्दै प्रतियोगिता बारे जानकारी गराएको हो ।
प्रतियोगितामा ७ प्रदेश,नेपाल आर्मी,नेपाल पुलिस,सशस्त्र प्रहरी (एपीएफ) र विश्व विद्यालयको एक टोली गरि कुल ११ टिमको सहभागिता रहने छ ।
प्रतियोगिताको विजेताले ३ लाख ५१ हजार ५ सय ५ रुपैँया पाउने आयोजकले जनाएको छ । उप विजेता टोलीले १ लाख ७६ हजार,२ सय ५१ रुपैँया प्राप्त गर्ने छ । सेमिफाइनमा पराजित हुने टोलीले नगद रु ५०-५० हजार प्राप्त गर्ने छन् ।
विधागत विधातर्फ उत्कृष्ट सर्भर, डिफेन्डर, ब्लकर, सेटर, कुईकर, ओपन स्पाईकर र कोचले जनही ७ हजार प्राप्त गर्ने बताईएको छ ।
प्रतियोगिताको सर्वोत्कृष्ट खेलाडीले रु १५ हजार र प्रत्येक खेलको म्यान अफ द म्याच हुने खेलाडीले रु २ हजार प्राप्त गर्ने छन् । प्रतियोगिताको कुल बजेट ३६ लाख ५६ हजार अनुमान गरेको आयोजकले जनाएको छ ।
प्रतियोगिता लिग कम नक आउटका आधारमा सन्चालन हुने छ । प्रतियोगिता मैवाखोला गाउँपालीका वाड नं. ३ साघु स्थित नारायणी मा. वि को खेल मैदानमा हुने आयोजकले बताएको छ ।
प्रतियोगिताको नगद पुरस्कारको प्रायोजन ताप्लेजुङ्ग जिल्ला निवासी हाल काठमाडौं बसोवास गर्दै आएका युवा ब्यवसायीहरु बल वहादुर तामाङ्ग,ईश्वरी पौडेल र रमेश वरालले संयुक्त रुपमा गरेको आयोजकले जनाएको छ । दोस्रो संस्करणको उपाधि नेपाल पुलिस क्लवले जितेको थियो ।
