काठमाडौं (हाम्रो खेलकुद) – नेपाली महिला राष्ट्रिय भलिबल टोली तथा विभागीय नेपाल एपीएफ क्लबमा महत्वपुर्ण सदस्य सरस्वती चौधरी एक भलिबल प्रतियोगिताको लागि हङकङ पुगेकी छन् ।
आफ्नो टोली एपीएफलाई लगातार पाँचौपटक केएनपी जापान राष्ट्रिय महिला भलिबलमा च्याम्पियन बनाएलगत्तै सरस्वती हङकङ प्रस्थान गरेकी हुन् । मंगलबार राति हङकङ प्रस्थान गरेकी सरस्वती आज बिहान हङकङ पुगेकी हुन् ।
टुइन मुन हङकङमा आज १ मे देखि १२औं स्याङ्जा कप भलिबल प्रतियोगिता हुन गइरहेको छ । प्रतियोगिताको महिला तथा पुरुषमा ६ टोलीको सहभागिता छ ।
पोल ‘ए’ मा घान्द्रुक समाज, पर्वत क्लब र नेप्लिज क्लब रहेका छन् । पोल ’ मा घान्द्रुक समाज, पर्वत क्लब र नेप्लिज क्लब रहेका छन् । पोल ‘बी’ मा पुन क्लब, लिम्बुवान र आँधीखोल स्पोर्टस् क्लब रहेका छन् ।
यसै प्रतियोगिताका लागि पश्चिमाञ्चल तथा गण्डकी प्रदेशकी कप्तान तथा नेपाली राष्ट्रिय टोलीका उपकप्तान मन्जु गुरुङ हङकङमै रहेका छन् ।
उनीहरुले दुई साताअघि हङकङमा पर्वत क्लब हङकङले आयोजना गरेको पाँर्चा महिला तथा छैर्टा पुरुष खुल्ला भलिबल प्रतियोगितामा खेलेका थिए ।
