5 years ago
May 25, 2019
काठमाडौं (हाम्रो खेलकुद) – होङग्वान्जी न्यु डायमन्डकी रिया कुवँर दोस्रो संस्करणको चन्द्रागिरी उपमेयर कप खुल्ला अन्तर विद्यालय छात्रा भलिबल प्रतियोगितामा सर्वाेत्कृष्ट खेलाडी बनेकी छन् । न्यु डायमन्डलाई लगातार दोस्रो संस्करणको च्याम्पियन बनाउन स्पाइकर रियाले उच्च प्रदर्शन गरेकी थिइन् । शनिबार भएको फाइनलमा न्यु डायमन्डले पारामाउन्ट इंग्लिस बोर्डिङ स्कुललाई ३–० को सोझो सेटमा पराजित गर्दै च्याम्पियन […]
काठमाडौं (हाम्रो खेलकुद) – होङग्वान्जी न्यु डायमन्डकी रिया कुवँर दोस्रो संस्करणको चन्द्रागिरी उपमेयर कप खुल्ला अन्तर विद्यालय छात्रा भलिबल प्रतियोगितामा सर्वाेत्कृष्ट खेलाडी बनेकी छन् ।
न्यु डायमन्डलाई लगातार दोस्रो संस्करणको च्याम्पियन बनाउन स्पाइकर रियाले उच्च प्रदर्शन गरेकी थिइन् । शनिबार भएको फाइनलमा न्यु डायमन्डले पारामाउन्ट इंग्लिस बोर्डिङ स्कुललाई ३–० को सोझो सेटमा पराजित गर्दै च्याम्पियन बनेको थियो ।
रिया पछिल्लो एक वर्षपछि चोटबाट फर्किएकी हुन् । चोटबाट फर्किएको दोस्रो प्रतियोगितामै उनले सर्वाेत्कृष्ट खेलाडी बन्न सफल भएकी हुन् । उत्कृष्ट बनेसँगै उनले १ हजार ५ सय रुपैया हात पारिन् ।
क्रोएसियामा चैतमा सम्पन्न भएको अन्तर स्कुल भलिबल प्रतियोगिताबाट रियाले खेलमा पुनरागमन गरेकी थिइन् । त्यसपछि रियाले प्रथम पारामाउन्ट कपमा खेलेकी थिइन् ।
गतवर्ष लडेर उनको दाया हात भाँचिएको थियो । त्यसयता उनी निरन्तर उपचारमा रहँदै विश्राममा रहेकी थिइन् ।
उनलाई न्यु डायमन्ड एकेडेमीको अबको स्टार खेलाडीको रुपमा हेरिएको छ । उनलाई प्रतिभा मालीपछिको अबको स्पाइकरको रुपमा लिइएको एकेडेमीमा प्रशिक्षक तथा प्रिन्सिपल कुमार राईले जानकारी गराए । उनीसँगै सोनी थपलिया, एन्जिला प्रधान र सविना तामाङलाई राम्रो खेलाडी रहेको प्रशिक्षक राईले बताए ।
न्यु डायमन्ड एकेडेमीलाई महिला भलिबल खेलाडी उत्पादन गर्ने थलोको रुपमा मानिदै आएको छ । न्यु डायमन्डकै उत्पादन रमिला तन्डुकार, रेश्मा भण्डारी, कृपा अधिकारी र प्रतिभा मालीले राष्ट्रिय टोलीको प्रतिनिधित्व गरिसकेको छ ।
शनिबार सम्पन्न प्रतियोगिताबाट व्यक्तिगत विधातर्फ पनि न्यु डायमन्डले नै वर्चस्व जमाएको छ ।
रिया प्रतियोगिताको सर्वाेत्कृष्ट खेलाडी घोषित हुदा प्रेक्षा राई स्पाइकर, अनिशा सुनुवार सेटर, सोनी थपलिया ब्लकर, एन्जिला प्रधान डिफेन्डर घोषित भए । पारामाउन्टकी अनिशा श्रेष्ठ उत्कष्ट सर्भर बनिन् । उनीहरुले समान १ हजार रुपैया पाए ।
सर्वाेत्कृष्ट खेलाडी – रिया कुँवर (न्यु डायमन्ड)
स्पाइकर – प्रेक्षा राई (न्यु डायमन्ड)
सेटर –अनिशा सुनुवार (न्यु डायमन्ड)
ब्लकर – सोनी थपलिया (न्यु डायमन्ड)
डिफेन्डर – एन्जिला प्रधान (न्यु डायमन्ड)घोषित भए ।
सर्भर – अनिशा श्रेष्ठ (पारामाउन्ट)
April 25, 2024
काठमाडौं (हाम्रो खेलकुद) – सातौं केएनपी नेरोलेक महिला भलिबल प्रतियोगिताको दोस्रो दिन बुधबार पनि दुई खेल हुँदैछन् ।त्रिपुरेश्वरस्थित राष्ट्रिय खेलकुद परिषद्को कभर्ड हलमा दिउँसो १ः०० बजे सुरु हुने खेलमा दुई विभागिय टोली साविक उपविजेता नेपाल एपिएफ क्लब र त्रिभुवन आर्मी क्लबबीच हुनेछ । एपिएफल लगातार दोस्रो खेल जित्ने योजनामा हुनेछ भने आर्मी फाइनल प्रवेशको सम्भावनालाई […]
April 24, 2024
काठमाडौं (हाम्रो खेलकुद) – सुरुमा ८ खेलाडीले भाग लिने भनिएपनि उज्वेकिस्तानमा शनिबार सुरु हुने एएसबीसी यु २२ एसियाली बक्सिङ च्याम्पियनसिप ३ नेपाली खेलाडीले मात्र चुनौती पेश गर्ने भएका छन् । गत साता एसियाली बक्सिङ महासंघले च्याम्पियनसिपमा नेपालका ८ खेलाडीले भाग लिने भन्दै नाम सार्वजनिक गरेको थियो । तर नेपाल बक्सिङ महासंघका महासचिव मानबहादुर भण्डारीले पदक […]
April 24, 2024
काठमाडौं (हाम्रो खेलकुद) – नेपालको तेक्वान्दो टिमले जापानमा हुने २० औं वाटा ओपन अन्तर्राष्ट्रिय तेक्वान्दो प्रतियोगितामा भाग लिने भएको छ । जापान वाटाको आयोजनामा हुने सो प्रतियोगितामा अल जापान तेक्वान्दो संघ र ओसाका तेक्वान्दो संघको सहयोग रहनेछ । नेपालका अन्तर्राष्ट्रिय तेक्वान्दो निर्णायक अशोक खड्काले २४ देशको सहभागिता रहने सो प्रतियोगितामा खेल्न १५ सदस्यीय नेपाली तेक्वान्दो […]