काठमाडौं (काठमाडौं)- खिलध्वज खड्का (गणेश), योगबहादुर बस्नेत (देवकी) र रुद्रबहादुर कार्की छैटौं राष्ट्रिय घोडचढी प्रतियोगिता (नेसनल इक्वेष्टेरियन च्यापियनसिप) को च्याम्पयन बनेका छन् ।

खिलध्वज खड्का (गणेश) हाइजम्पतर्फ, योगबहादुर बस्नेत (देवकी) सोजम्प र रुद्रबहादुर कार्की टेन पेकिङमा च्याम्पियन बन्न सफल भएको हो ।

टुडिँखेलमा शुक्रबार सम्पन्न तीन विधाको प्रतिस्पर्धा (हाइजम्प, सोजम्प र टेन पेकिङ) अन्र्तगत हाइजम्पतर्फ रामबहादुर दाहाल (सम्मोहन) दोस्रो र सविन कुमार पाखेरेल (आकांक्षा) ले तेस्रो स्थान हात पारे ।

सोजम्पतर्फ लालबहादुर कुँवर (लमजुङ) दोस्रो र रामबहादुर दाहाल (सम्मोहन) ले तेस्रो स्थान हात पारे । त्यसैगरी प्रतियोगिताको अर्को विधा टेन पेकिङमा गोविन्दबहादुर खड्काले दोस्रो तथा लक्ष्मण रावलले तेस्रो स्थान हात पारे ।

सवै विधामा प्रथम, दोस्रो र तेस्रो हुने विजेतालाई जनही २० हजार, १५ हजार र १० हजार पुरस्कार स्वरुप प्रदान गरियो ।
प्रदर्शन खेल अन्र्तगत महिला राइडरहरुलाई प्रोत्साहन वापत जनही पाँच हजार प्रदान गरिएको थियो । यसरी पुरस्कृत हुनेमा हरिमाया गुरुङ, शारदा केएम, कविता थापा र सरिता श्रेष्ठ रहेका थिए । प्रतियोगितामा २६ राइडरको सहभागिता रहेको थियो ।

विजयी खेलाडलिाई प्रधानसेनापति पुर्णचन्द्र थापाले पुरस्कृत गरे । प्रतियोगितालाई नेपाली सेना, राष्ट्रिय खेलकुद परिषद र भ्रमण बर्ष २०२० को उच्चस्तरको सहयोग रहेको थियो । त्यसैगरी कतार एयरवेज, लिओन मोटर्स, टिभिएस मोटर्स लगायतले प्रायोजन गरेको थियो ।