काठमाडौं (हाम्रो खेलकुद)– दुबई फुजैराह अन्तर्राष्ट्रिय तेक्वान्दो च्याम्पियनसिपमा नेपाली खेलाडी करण चन्दले पदक जितेका छन् । यसै साता सम्पन्न जी टू च्याम्पियनसिप अन्तर्गत ८७ केजी तौल माथिको समूहमा करणले कास्य पदक जितेका हुन् ।
युएई तेक्वान्दो संघको सुपरिवेक्षणमा फुजैराह मार्सल आर्टस् क्लबले तीन दिने प्रतियोगिताको आयोजना गरेको बताइएको छ । आठौं संस्करणको उक्त च्याम्पियनसिमा एसियाका विभिन्न देशका खेलाडीले भाग लिएका थिए ।
