काठमाडौं (हाम्रो खेलकुद) – राष्ट्रिय क्रिकेट टोलीका अलराउन्डर सोमपाल कामी, युवा ब्याट्सम्यान आरिफ शेख र नेपाल पुलिस क्लब क्रिकेट टोलीका सदस्य विजय कुमार धितालले स्वास्थ्य सामग्री सहयोग गरेका छन् ।
कोरोना महामारीको समयमा उनीहरुले पाँचपोखरी क्रिकेट क्लबको समन्वयमा पाँचपोखरी थाङ्गपाल धाप समुदायिक स्वास्थ्य ईकाइलाई बुधबार प्रदान गरेका हुन् । उक्त स्वास्थ्य सामग्री धापका साविक १, २, ३ र ४ का नागरिक लाभान्वित भएको विजय धितालले जानकारी दिए ।
सेनटरी प्याड, सेनिटाइजर, पञ्जा, अति आवश्यक औषधीहरु लगायतका स्वास्थ्य सामग्री रहेका थिए । उक्त सामुदायिक ईकाइ संचालक समितिका अध्यक्ष बाबुराम पौडेलले सामग्री सहयोग गरेकोमा धन्यावाद व्यक्त गरेका थिए ।
