3 years ago
February 12, 2021
पोखरा (हाम्रो खेलकुद) – विभागीय नेपाल एपिएफ क्लबलाई ३–० को सोझो सेटमा पराजित गर्दै गण्डकी प्रदेश प्रथम टाइगर कप आमन्त्रण खुल्ला भलिबल च्याम्पियनसिपको पुरुषतर्फ फाइनलमा प्रवेश गरेको छ । घरेलु कोर्टमा बलियो एपिएफलाई खेलको सुरुवातदेखि नै दवावमा राखेको गण्डकीले पहिलो सेट २५–२१ ले आफ्नो पक्षमा पारेको थियो । प्रतिस्पर्धात्मक दोस्रो सेटमा गण्डकीले २९–२७ को रोमाञ्चक […]
पोखरा (हाम्रो खेलकुद) – विभागीय नेपाल एपिएफ क्लबलाई ३–० को सोझो सेटमा पराजित गर्दै गण्डकी प्रदेश प्रथम टाइगर कप आमन्त्रण खुल्ला भलिबल च्याम्पियनसिपको पुरुषतर्फ फाइनलमा प्रवेश गरेको छ ।
घरेलु कोर्टमा बलियो एपिएफलाई खेलको सुरुवातदेखि नै दवावमा राखेको गण्डकीले पहिलो सेट २५–२१ ले आफ्नो पक्षमा पारेको थियो । प्रतिस्पर्धात्मक दोस्रो सेटमा गण्डकीले २९–२७ को रोमाञ्चक जित निकाल्न सफल भयो ।
एक समय गण्डकी २३–१९ को सहज अवस्थामा रहँदा लगातार अंक गुमाएपछि दवावमा पारेको थियो । तर, गण्डकीले उत्कृष्ट प्रदर्शन गर्दै जित निकाल्न सफल भयो । तेस्रो सेटमा सुरुवातमा पछि परेपनि गण्डकीले उत्कृष्ट पूनरागमनसहित २५–१४ को सहज जित हात पार्दै फाइनलमा पुग्न सफल भयो ।
तेस्रो सेटमा ११–११ को अवस्थाबाट अघि बढेको गण्डकीले १३–१३ को अवस्थाबाट लगातार अंक जोड्दै खेललाई २३–१३ को अवस्थामा ल्याएको थियो । त्यसपछि एपिएफले २ अंक जोड्दा गण्डकी २५–१५ ले विजयी हुन सफल भयो । गण्डकीले फाइनल यात्रामा आर्मीलाई ३–१ को सेटमा पराजित गर्दा पुलिससँग पहिलो खेलमा ३–० को सोझो सेटमा पराजित भएको थियो ।
अब गण्डकीले उपाधिका लागि शनिबार त्रिभुवन आर्मी क्लब र नेपाल पुलिस क्लबबीचको विजेतासँग खेल्नेछ ।
May 5, 2024
दिल तामाङ,सिड्नी नेपाली पुरुष राष्ट्रिय भलिबल टोलीका सदस्य विशाल बहादुर बिकले अस्ट्रेलियाको सिड्नी भलिबल लिग (एसभिएल) खेल्ने भएका छन् । ओपन स्पाइकर विशाल प्रो भलिबल एकेडेमीमा आबद्ध भएका छन् । यससँगै विशाल एसभिएल खेल्ने पहिलो नेपाली खेलाडी बनेका छन् । उनी दक्षिण एसियाली मुलुक भन्दा बाहिरका देशबाट खेल्ने दोस्रो नेपाली पुरुष खेलाडी हुनेछन् । यसअघि […]
May 4, 2024
ललितपुर (हाम्रो खेलकुद)- काठमाडौं महानगरपालिका र मध्यपुर थिमि नगरपालिका गोदावरी उपत्यका व्यापी अन्तर पालिका खुल्ला मेयर कप फुटबल प्रतियोगिताको सेमिफाइनलमा प्रवेश गरेका छन् । प्रस्तावित गोदावरी बहुउद्देश्यीय रङ्गशालाको झ्यालुन्टार मैदानमा भएको क्वाटरफाइनलमा कीर्तिपुर नगरपालिकालाई ५–४ गोल हराउँदै मध्यपुरले अन्तिम चारको पुगेको हो । मध्यपुरका लागि दिपक बासानले २ गोल गर्दा कप्तान यमन राजबाहाक, रोहन खड्गी […]
May 3, 2024
काठमाडौं (हाम्रो खेलकुद)- नयाँ खेलकुद नीति निर्माण तथा राष्ट्रिय खेलकुद विकास ऐन २०७७ संशोधनको लागि युवा तथा खेलकुद मन्त्रालयले बृहत छलफल र सुझाव संकलन कार्यक्रमको सुरूवात गरेको छ। छलफलको सुरूवातमा आज मन्त्रालयले राष्ट्रिय खेल संघका अध्यक्ष र महासचिवसँग सुझाव संकलन गरेको छ। जहाँ खेलकुदमा सरोकार राख्ने प्रमुख कडी संघका पदाधिकारीहरुको सहभागिता उल्लेख्य रहयो। ५० भन्दा […]
