3 years ago
February 24, 2021
काठमाडौं (हाम्रो खेलकुद)– कोभिडका कारण झन्डै एक वर्ष गतिविधि शुन्य रहेको भलिबल प्रतियोगिता गत महिनाबाट सुरु भइसकेको छ । हालै मात्र पोखरामा टाइगर कप र मुख्यमन्त्री कपको सफल आयोजना भइसकेपछि नेपाल भलिबल संघ (एनभिए) ले पनि आफ्नो बार्षिक कार्यक्रमलाई अघि बढाउने छलफल चलाएको छ । संघको बुधबार बसेकेको बैठकले अर्को महिना पाँचौं एनभिए महिला पुरुष […]
काठमाडौं (हाम्रो खेलकुद)– कोभिडका कारण झन्डै एक वर्ष गतिविधि शुन्य रहेको भलिबल प्रतियोगिता गत महिनाबाट सुरु भइसकेको छ । हालै मात्र पोखरामा टाइगर कप र मुख्यमन्त्री कपको सफल आयोजना भइसकेपछि नेपाल भलिबल संघ (एनभिए) ले पनि आफ्नो बार्षिक कार्यक्रमलाई अघि बढाउने छलफल चलाएको छ ।
संघको बुधबार बसेकेको बैठकले अर्को महिना पाँचौं एनभिए महिला पुरुष क्लब लिग च्याम्पियनसिप आयोजना गर्ने छलफल गरेको छ । चैत १९ देखि २६ गते सम्म काठमाडौंमा च्याम्पियनसिप आयोजना गर्ने गरि छलफल भएको र राष्ट्रिय खेलकुद परिषद् (राखेप) का सदस्य सचिव रमेशकुमार सिलवालसँगको परामर्श गरिने एनभिएका अध्यक्ष मनोरञ्जनरमण शर्माले जानकारी दिएका छन् ।
‘कोभिडका कारण अहिलेसम्म हामीले कार्यक्रम स्थगित गरेका थियौं । अब विस्तारै प्रतियोगिताहरु सुरु भएका छन्,’ अध्यक्ष शर्माले भने,’ त्यसैले क्लब च्याम्पियनसिप अर्को महिना गर्ने छलफल आज भएको छ । अब राखेपबाट स्वीकृति मिल्यो भने हामी प्रस्तावित मितिमा च्याम्पियनसिप आयोजना गर्नेछौं ।’
पछिल्लो पटक २०७५ माघमा क्लब च्याम्पियनसिप आयोजना भएको थियो । क्लब च्याम्पियनसिपमा पुरुषतर्फ ८ र महिलातर्फ ६ टोलीबीच प्रतिस्पर्धा गराउने एनभिएले तयारी गरिरहेको बताइएको छ । यसै वर्षको २०७७ साल वैशाखमा एनभिए क्लब लिग आयोजना गर्ने तय भएपनि कोभिडका कारण अनिश्चितकालका लागि स्थगित भएको थियो ।
संघको बैठकले वैशाखमा आयोजना हुने प्रधानसेनापति कप भलिबलका लागि स्वीकृति प्रदान गरेको अध्यक्ष शर्माले जनाए । वैशाख १५ देखि २० गते सम्मका लागि प्रतियोगिता आयोजना गर्न सेनाले गरेको प्रस्तावलाई हामीले स्वीकृति दिएका छौं ।
त्यस्तै अध्यक्ष शर्माले भदौमा चीनमा आयोजना हुने एसियन च्याम्पियनसिपको तयारीका लागि महिला टोलीको तयारी वैशाखबाट सुरु गर्ने बैठकले निर्णय गरेको जानकारी दिए । उनले भने,’सोचे अनुसार सबै परिस्थिति मिल्यो भने वैशाखबाट महिला टोलीको प्रशिक्षण सुरु हुनेछ ।’
महिला टोलीले गत वर्ष दुई ठूला उपलब्ध हासिल गरेकै कारण एसियन च्याम्पियनसिपका लागि महिला टोलीलाई सहभागी गराउने निर्णय गरेको थियो । गत वर्ष कात्तिकमा बंगलादेशमा एभिसी सेन्ट्रल जोनमा स्वर्ण पदक जितेको महिला टोलीले मंसिरमा स्वेदशमा आयोजना भएको १३ औं दक्षिण एसियाली खेलकुद (साग)मा रजत पदक जितेको थियो । सागमा नेपालले जितेको त्यो अहिले सम्मकै ठूलो पदक हो ।
हालै मात्रै स्पोर्टस् वेयर अन्तर्राष्ट्रिय कल्मीले कम्पनीले राष्ट्रिय भलिबल टोली पुरुष र महिलालाई २ वर्षका लागि प्रायोजन गरेको छ ।
April 26, 2024
काठमाडौं (हाम्रो खेलकुद)- निरज तामाङले कोर्स रेकर्ड बराबरी गर्दै समग्रमा ८-अन्डर २ सय ६४ को स्कोरमा भुवन नगरकोटीलाई एक स्ट्रोकले हराउँदै शुक्रबार सूर्य नेपाल काठमाडौं ओपनको उपाधि जितेका छन्। उनको यो करियरको पहिलो प्रमुख उपाधि हो। सूर्य नेपाल काठमाडौं ओपनको अन्तिम दिन धरानका प्रो निरजले ८-अन्डर ६० को सानदार नतिजामा शिवराम श्रेष्ठको कोर्स रेकर्ड बराबरी […]
April 26, 2024
ललितपुर (हाम्रो खेलकुद)- नेपाल लोकतान्त्रिक खेलकुद संघ स्थापना दिवसको उपलक्ष्यमा नवौं गणेशमान सिंह स्मृति राष्ट्रिय रेटिङ चेस प्रतियोगिता शुक्रबार सुरु भएको छ। नेपाली काँग्रेस पार्टी कार्यालय सानेपामा प्रारम्भ भएको प्रतियोगितामा देशभरका १ सय १२ खेलाडीको सहभागिता छ। पहिलो पुरस्कार यामाहा सलुटो मोटरसाइकल सहित कुल ६ लाख ३७ हजार ४ सय रुपैयाँ पुरस्कार रहेको प्रतियोगितामा कपिलवस्तु जिल्लाका […]
April 26, 2024
काठमाडौं (हाम्रो खेलकुद) – नेपाल एपिएफ क्लब र नेपाल पुलिस क्लब सातौँ केएनपी नेरोलेक राष्ट्रिय महिला भलिबल प्रतियोगिताको उपाधिका लागि भिड्ने भएका छन्। शुक्रबार त्रिपेरेश्वरस्थित राष्ट्रिय खेलकुद कभर्डहलमा भएको दोस्रो खेलमा साविक विजेता चन्द्रागिरी नगरपालिका न्यु डायमण्ड महिला भलिबल क्लबलाई ३–२ को सेटमा पराजित गर्दै एपीएफले फाइनलमा स्थान पक्का गरेको हो। साविक उपविजेता समेत रहेको […]